MATTHEW 25:31 - Edisana ñwed Abasi Ibom

³¹ Ke ini Eyen Owo edidide ke ubɔŋ Esie, asaŋa ye kpukpru mme angel, adaŋaro ke Enye eyetie ke ebekpo ubɔŋ Esie.

MATTHEW 25:31 Referans Kwoze

ERIYARARE 1:7

Sese, Enye ɔmɔŋ asaŋa ke obubit enyɔŋ edi; kpukpru enyin eyenyuŋ ekut Enye, ye mmɔ emi ekekimde Enye; ndien kpukpru mme idut isɔŋ eyeseme Enye. Yak edi ntre, Amen.

MATTHEW 19:28

Edi Jesus ɔdɔhɔ mmɔ ete, Ke akpanikɔ ke ndɔhɔ mbufo nte, ke ini edinamde ŋkpɔ ekabare edi mbufa, ke adaŋemi Eyen Owo editiede ke ebekpo ubɔŋ Esie, mbufo, emi eketienede Mi, eyenyuŋ etie ke ebekpo duopeba, ekpe ikpe enɔ esien Israel duopeba.

MATTHEW 16:27

Koro Eyen Owo ɔmɔŋ edidi ke ubɔŋ Ete Esie ye mme angel Esie, ndien ke ini oro Enye eyenɔ owo kiet kiet nte utom esie edide.

MARK 8:38

Eyen owo eyekop but ye enye, ke ini Enye edide ke ubɔŋ Ete Esie ye ndisana angel Esie.

JUDE 1:14

Enoch, emi edide ɔyɔhɔ owo itiaba nte ekebot Adam, etiŋ ikɔ nte prophet abaŋa mmɔ, ete, Sese, Ɔbɔŋ asaŋa ye ata ediwak ndisana ikɔt Esie edi,

ŊWED MME PSALM 9:7

Edi Jehovah eyebigi ke nsinsi; enye omonim ebekpo esie, ete ikpe ikpe.

JOHN 1:51

Jesus onyuŋ ɔdɔhɔ enye ete, Ke akpanikɔ ke ndɔhɔ mbufo nte, Mbufo eyekut nte enyɔŋ ɔkibɔrede, ye nte mme angel Abasi edɔdɔk esɔsuhɔre edore Eyen Owo ke idem.

LUKE 9:26

Koro owo ekededi eke edikopde but ye Ami ye ikɔ Mi, Eyen Owo eyekop but ye enye, ke ini Enye edidide ke ubɔŋ Esie ye Ubɔŋ Ete Esie ye eke ndisana angel.

ZECHARIAH 14:5

Ndien mbufo eyefeŋe ekeduk ke itihere ikpɔ obot mi: koro itihere ikpɔ obot eyetuak ke Azel: ndien mbufo eyefeŋe kpa nte ekefeŋede ebak unyek-isɔŋ ke eyo Uzziah edidem Judah: ndien Jehovah Abasi mi ke edi: kpukpru edisana ikɔt fo eyenyuŋ etiene fi edi.

ERIYARARE 20:11

Ekem ŋkut akamba afia ebekpo, ye Enye emi etiede ke esit, emi isɔŋ ye ikpa-enyɔŋ efeŋede ekpɔŋ iso Esie, inyuŋ ikwe ufaŋ inɔ mmɔ aba.

ERIYARARE 3:21

Owo eke akande, nyenɔ enye nditie ye Ami ke ebekpo Mi, kpa nte Ami ŋkakande, nnyuŋ nsuhɔre ntie ye Ete Mi ke ebekpo Esie.

MARK 14:62

Jesus ete, enye, Ndi Enye; mbufo eyenyuŋ ekut nte Eyen Owo etiede ke ubɔk nnasia Odudu, onyuŋ edide ke ikpa-enyɔŋ heaven.

MATTHEW 26:64

Jesus ɔbɔrɔ enye ete, Edi ntre; edi ndɔhɔ mbufo nte ɔtɔŋɔde ke emi mbufo eyekut nte Eyen Owo etiede ke ubɔk nnasia Odudu, onyuŋ odorode ke obubit enyɔŋ edi.

MME HEBREW 1:8

Edi Enye ɔdɔhɔ abaŋa Eyen, ete, Ebekpo Fo, O Abasi, ebigi ke nsinsi; Mmɔnyɔ edinen ido edi mmɔnyɔ Ubɔŋ Fo.

1 ŊWED THESSALONICA 4:16

Koro Ɔbɔŋ ke Idem Esie eyeto ke heaven ɔsuhɔre ye mkpo, ye uyo archangel, ye ukorowo Abasi; ndien mmɔ emi ekpaŋade ke Christ eyebem iso eset:

UTOM MME APOSTLE 1:11

Mbufo mbon Galilee, nsinam mbufo edade ese ikpa-enyɔŋ? Jesus emi, emi emende Enye ekpɔŋ mbufo eduk ke heaven, eyedi kpa ke ido emi mbufo ekutde Enye ɔnyɔŋde oduk ke heaven.

LUKE 22:69

Edi ɔtɔŋɔde ke ŋkpɔ emi ama ebe, Eyen Owo eyetie ke ubɔk nnasia odudu Abasi.

MATTHEW 25:6

Edi ke ufɔt okoneyo efiori ete, Sese, ɔdɔ-ndɔ! mbufo ewɔŋɔ eka ekosobo ye enye.

1 SAMUEL 2:10

Jehovah eyenuak mbon utɔk esie; enye etie ke enyɔŋ ada obuma esie ɔtɔ mmɔ: Jehovah eyekpe ikpe utit ererimbot; eyenyuŋ ɔnɔ edidem esie nsɔŋidem, onyuŋ emen nduk Messiah esie onim ke enyɔŋ.

1 ŊWED THESSALONICA 3:13

man oto do Enye anam esit mbufo enyene iwuk onyuŋ anana ndo ke edisana ido ke iso Abasi ye Ete nnyin, ke ini Ɔbɔŋ nnyin Jesus edidide ye kpukpru nti ikɔt Esie.

MME HEBREW 9:28

kpa ntre ŋko Christ, ke ekewade Enye ini kiet ete obiom idiɔk ŋkpɔ ediwak owo, eyetɔŋɔ ntak ɔbiɔŋɔre; edi Enye ididige ndinyene mbubehe ye idiɔk-ŋkpɔ, edi edidi ndinyaŋa mmɔ emi etiede ebet Enye.