MATTHEW 25:14 - Edisana ñwed Abasi Ibom

¹⁴ Koro obio ubɔŋ heaven etie nte emi owo oyomde ndika idut efen, ndien enye okot ikɔt esie, ayak inyene esie ɔnɔ mmɔ.

MATTHEW 25:14 Referans Kwoze

MARK 13:34

Etie nte owo ɔkpɔŋde ufɔk esie aka akadaŋ ke idut efen, onyuŋ ɔnɔ mme anam utom esie odudu, ɔnɔ owo kiet kiet utom esie, onyuŋ ɔdɔhɔ etie-usuŋ ŋko ete etie ekpeme.

ŊWED MBON EPHESUS 4:11

Ndien Enye ɔkɔnɔ ndusuk owo nte mme apostle; onyuŋ ɔnɔ ndusuk owo nte mme asiak-uduak Abasi, onyuŋ ɔnɔ ndusuk owo nte mme ɔkwɔrɔ-gospel, onyuŋ ɔnɔ ndusuk owo nte mme andikpeme ye mme anditeme;

1 ŊWED CORINTH 12:4

Edi mme enɔ edi nsio-nsio, edi Spirit edi kiet.

MATTHEW 21:33

Mbufo ekop ŋke efen. Owo kiet okodu emi edide ete-ufɔk. Enye onyuŋ ɔtɔ iŋwaŋ-vine, onyuŋ ɔbɔp ɔkɔ akan enye okuk, onyuŋ otibi obube unyimi-wine ke esit, onyuŋ ɔbɔp tower, onyuŋ ayak enye ɔnɔ mme ekpeme-iŋwaŋ, ndien adaha aka idut efen.

1 ŊWED CORINTH 3:5

Apollos edi nso? Paul onyuŋ edi nso? Mmɔ edi mme isuŋutom, emi okotode mmɔ mbufo enim ke akpanikɔ, nte Ɔbɔŋ ɔnɔde mmɔ kiet kiet.

LUKE 20:9

Edi Enye ɔtɔŋɔ nditop ŋke emi nnɔ mbio-obio ete, Owo kiet ɔkɔtɔ iŋwaŋ-vine, onyuŋ ayak enye ɔnɔ mme ekpeme-iŋwaŋ, onyuŋ adaha aka idut efen ekebigi do.