MATTHEW 24:3 - Edisana ñwed Abasi Ibom

³ Edi nte Enye etiede ke Obot Olive, mbet Esie etiene Enye ke idem mmɔ, ete, Sian nnyin ini eke mme ŋkpɔ emi edidide; nso idinyuŋ idi idiɔŋɔ eridi Fo, ye eke akpatre ini eyo emi?

MATTHEW 24:3 Referans Kwoze

UTOM MME APOSTLE 1:7

Enye ɔbɔrɔ mmɔ ete, Inaŋa inɔ mbufo ndifiɔk ini me eyo, eke Ete okonimde akama ke ubɔk Esiemɔ.

MATTHEW 24:37

Koro nte mme usen Noah ekedide, kpasuk ntre ke eridi Eyen Owo eyenyuŋ edi.

MATTHEW 13:49

Ntre ke edidi ke akpatre ini eyo emi; mme angel eyewɔŋɔ edi edidianare mme oburobut owo esio ke ndinen owo, enyuŋ eduɔŋɔ mmɔ ke akwa ikaŋ eke asakde.

LUKE 21:7

Ndien mmɔ ebup Enye ete, Andikpep, ini ewe ke mme ŋkpɔ emi edidi? nso idinyuŋ idi idiɔŋɔ ke ini ŋkpɔ emi eyomde ndiwɔrɔ?

MATTHEW 21:1

EKEM ke ini mmɔ esaŋade ekpere Jerusalem, enyuŋ esimde Bethphage ke obot Olive, Jesus osio owo iba ke otu mbet Esie ɔdɔŋ,

MATTHEW 24:39

minyuŋ ifiɔkke tutu ukwɔ edi edimen mmɔ kpukpru efep; kpasuk ntre ke eridi Eyen Owo eyedi.

MATTHEW 24:27

Koro nte emireŋ-mireŋ otode ke edem usiaha-utin ɔwɔrɔ ayama osim edem usop-utin, ntre ke eridi Eyen Owo eyedi.

MME HEBREW 9:26

sia akpanade nte Enye akpa ediwak ini toto ke eritɔŋɔ ererimbot; edi ke emi, ke ukperedem eyo emi, emayarare Enye ini kiet kpɔt, man Enye emen mme idiɔk-ŋkpɔ efep ke eriwa emi Enye awade Idem Esie.

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

MATTHEW 17:19

Ekem mbet etiene Jesus ekobup Enye ke ndibe ete, Nsinam nnyin mikekemeke ndibin enye nduɔk?

MATTHEW 24:43

Edi efiɔk emi, ete, edieke enyene-ufɔk ɔkpɔfiɔkde ini eke inɔ edide, enye ekpekpeme, ikponyuŋ iyakke ebuŋ ufɔk esie eduk.

MATTHEW 15:12

Ekem mbet Esie edi edidɔhɔ Enye ete, Nte ɔmɔfiɔk ete mme Pharisee eyat esit, ke ini mmɔ ekopde ikɔ emi?

MATTHEW 13:36

Ekem Jesus ɔkpɔŋ mme otu owo okoduk ufɔk; ndien mbet Esie etiene Enye, ete, Siak ŋke idiɔk mkpasip iŋwaŋ nɔ nnyin.

MATTHEW 16:27

Koro Eyen Owo ɔmɔŋ edidi ke ubɔŋ Ete Esie ye mme angel Esie, ndien ke ini oro Enye eyenɔ owo kiet kiet nte utom esie edide.

MATTHEW 16:28

Ke akpanikɔ ke ndɔhɔ mbufo nte, ndusuk owo edu ke otu mmɔ emi edade mi, emi miditabike mkpa, tutu mmɔ ekut Eyen Owo edide ndida ubɔŋ.

MATTHEW 24:30

Adaŋoro ke idiɔŋɔ Eyen Owo eyewut idem ke enyɔŋ: adaŋoro ke kpukpru mme idut isɔŋ eyenyuŋ efuhɔ, mmɔ eyeyuŋ ekut Eyen Owo odorode ke obubit enyɔŋ edi ye odudu ye akwa ubɔŋ.