MATTHEW 24:24 - Edisana ñwed Abasi Ibom

²⁴ Koro mme christ nsu ye mme prophet nsu eyedaha eda, enyuŋ ewut ikpɔ mme idiɔŋɔ ye mme utibe-ŋkpɔ man, edieke mmɔ ekpekemede, eda ndimek ikɔt Abasi ewaha ekpɔŋ usuŋ.

MATTHEW 24:24 Referans Kwoze

MARK 13:22

ekunim ke akpanikɔ; mme Christ nsu ye mme prophet nsu eyewɔrɔ edi, eyenyuŋ ewut mme idiɔŋɔ ye mme utibe ŋkpɔ, man, edieke mmɔ ekpekemede, eda ndimek ikɔt Abasi ekpɔŋ usuŋ.

MATTHEW 24:11

Ndien ediwak prophet nsu eyedaha eda enam ediwak owo ewaha ekpɔŋ usuŋ.

MATTHEW 7:15

Ekpeme idem mbak prophet abiaŋa emi efɔrɔde ikpa erɔŋ edi ke ɔtɔ mbufo, kpa ke ini mmɔ edide anawuri-ekpe ke esit mmɔ.

MATTHEW 24:5

Koro ediwak owo eyedi ke enyiŋ Mi, ete, Ami ndi Christ: eyenyuŋ eda ediwak owo ewaha ekpɔŋ usuŋ.

2 PETER 3:17

Edi ndima, sia mbufo ema ekebem iso efiɔk emi, ekpeme mbak nduyo mme anam-idiɔk edimen mbufo efep, onyuŋ anam mbufo ekpɔŋ nsɔŋɔ-nda mbufo.

DEUTERONOMY 13:1

KE adaŋemi prophet, mme adaba ndap, edidahade ida ke otu fo, inyuŋ iwut fi idiɔŋɔ mme utibe ŋkpɔ,

ERIYARARE 19:20

Ndien emum unam oro, enyuŋ emum prophet nsu emi adade ke iso esie anam mme idiɔŋɔ, eke enye adade abiaŋa mmɔ emi ekebɔde idiɔŋɔ unam oro, ye mmɔ emi etuakde ibuot enɔ mbiet esie. Etop mmɔ mbiba ye uwem esin ke inyaŋ ikaŋ emi asakde ye mbrimstone.

1 JOHN 5:18

Nnyin imɔfiɔk ite, kpukpru owo emi Abasi okobonde inamke idiɔk. Eyen Abasi, emi Abasi okobonde, ekpeme enye, andidiɔk inyuŋ itukke enye ubɔk.

2 ŊWED TIMOTHY 2:19

Edi ɔkpɔsɔŋ isɔŋ, eke Abasi okowukde ufɔk Esie ke esit, ɔsɔŋɔ ada; ndien enyene idiɔŋɔ ke esit ntem, ete, Abasi ɔmɔfiɔk mmɔ emi enyenede Enye; Ye, Yak kpukpru owo emi esemede ekot enyiŋ Ɔbɔŋ edianare ekpɔŋ ukwaŋkpɔ.

JOHN 6:39

Ndien emi edi uduak Andidɔŋ Mi, ete, Ke otu kpukpru mmɔ eke Enye ɔkɔnɔde Mi, ŋkuyak ndomo kiet ɔbɔhɔ osop, edi nnam ofuri eset ke akpatre usen.

JOHN 6:37

Kpukpru mmɔ eke Ete ɔnɔde Mi eyetiene Mi; ndien owo eke etienede Mi ndibinke enye nduɔk.

1 PETER 1:5

Abasi okonyuŋ onim udeme oro ke heaven ɔnɔ mbufo, emi Enye adade odudu Esie ekpeme oto ke mbuɔtidem, ete, edisim erinyaŋa eke enimde ebet akpatre ini ndiwut idem.

ŊWED MBON GALATIA 4:15

Idaresit oro mbufo ekekopde enye? Koro ndi ntiense nnɔ mbufo nte, edieke usuŋ okpodude, mbufo ekpewubere enyin mbufo esio enɔ mi.

ŊWED MBON ROME 12:18

Edieke usuŋ odude, eŋwana, nte mbufo ekemeke, ndidu ke emem ye kpukpru owo.

UTOM MME APOSTLE 20:16

Koro Paul akaduakde ndiwat mbe Ephesus, mbak enye edibigi ke Asia; koro enye emen idem ete idu ke Jerusalem ke usen Pentecost, edieke imɔ ikemede.

ISAIAH 9:15

Ebiowo ye akamba owo edi ibuot; ndien edi prophet eke etemede owo nsu, edi isim.

MATTHEW 22:14

Koro mmɔ eke ekotde ewak, edi mmɔ eke emekde iwakke.

MATTHEW 24:22

Ndien ke mikpesibeke mme usen oro emuhɔ, baba owo kiet ikpɔbɔhɔke; edi kabaŋa ndimek ikɔt Abasi eyesibe mme usen oro emuhɔ.

MATTHEW 24:25

Sese, mmebem iso ntiŋ nnɔ mbufo do.

MATTHEW 24:31

Ndien Enye eyesio mme angel Esie ɔdɔŋ ye akwa uyom ukorowo, mmɔ eyenyuŋ etaŋ ndimek ikɔt Esie ke ikpehe ofim mbinaŋ ebon ɔtɔ kiet, ɔtɔŋɔde ke utit heaven kiet tutu osim eken.

LUKE 18:7

Nte Abasi idinyuŋ isioho usiene inɔ ndimek ikɔt Esie, emi esemede enɔ Enye uwem-eyo ye okoneyo, okposuk edi nte Enye emede anyan ime ke ikɔ mmɔ?

JOHN 4:48

Ntre ke Jesus ɔdɔhɔ enye ete, Mbufo inimke ke akpanikɔ, ibɔhɔke ini ekut mme idiɔŋɔ ye mme utibe ŋkpɔ.

1 JOHN 2:18

Ŋkpri nditɔ, emi edi ukperedem eyo: ndien nte mbufo ema ekop ete, andibiɔŋɔ Christ ke edi, kpa ke emi ediwak mme andibiɔŋɔ Christ ema ewɔrɔ ewut idem: nnyin ida emi ifiɔk ite, edi ukperedem eyo.

1 JOHN 2:22

Anie edi osu-nsu, ke midige owo eke afaŋade ete Jesus idige Christ. Owo eke afaŋade Ete ye Eyen, kpa enye edi andibiɔŋɔ Christ.