MATTHEW 23:23 - Edisana ñwed Abasi Ibom

²³ Eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo esiode ubak ikɔŋ ye mfri ye mkpasip kiet ke itie duop enɔ Abasi, enyuŋ etrede ndinam ikpɔ ŋkpɔ ibet, ikpe, ye mbɔm, ye mbuɔtidem.

MATTHEW 23:23 Referans Kwoze

LUKE 11:42

Edi eyedɔdiɔk ɔnɔ mbufo mme Pharisee, koro mbufo esiode ubak ikɔŋ ye etidot ye kpukpru oruk ikɔŋ udia kiet ke itie duop enɔ Abasi, enyuŋ ekaŋade edinen ikpe ye ima Abasi: mbufo ekpanam ŋkpɔ emi, ikponyuŋ itreke ndinam mmɔ eken.

MICAH 6:8

O owo, enye omowut fi se ifɔnde; ndien nso ke Jehovah oyom ye afo, ke mibɔhɔke ndinam se inende, nnyuŋ mma ima Abasi, nnyuŋ nsuk idem nsaŋa ye Abasi fo?

HOSEA 6:6

Koro nyomde ima; nyom ifiɔk Abasi ŋkan edifɔp uwa.

MATTHEW 9:13

Edi eka ekekpep se ikɔ emi ɔwɔrɔde, Edi mbɔm ke nyom, idige uwa. Koro ŋkedige ndikot ndinen owo, edi mme idiɔk owo.

1 SAMUEL 15:22

Ndien Samuel ɔdɔhɔ ete, Nte edifɔp uwa ye uwa emem enem Jehovah esit nte edikop uyo Jehovah? Sese ŋkopuyo ɔfɔn akan uwa, mkpaŋutɔŋ onyuŋ ɔfɔn akan ikpɔŋ okukim.

MME ŊKE 21:3

Jehovah ama erinam eti ido ye edinen ikpe akan uwa.

LEVITICUS 27:30

Ndien ŋko kpukpru ubak kiet ke itie duop ke ofuri isɔŋ, edide mkpasip iŋwaŋ, onyuŋ edide mfri eto, enyene Jehovah: enye edi edisana ŋkpɔ Jehovah.

LUKE 18:12

Ntre udia utim ikaba ke urua; nsosio ubak kiet ke itie duop ke kpukpru se nnyenede nnɔ Abasi.

MATTHEW 12:7

Edi edieke mbufo ekpɔfiɔkde se ikɔ emi ɔdɔhɔde ete, Edi mbɔm ke nyom, idige uwa, ɔwɔrɔde, mbufo ikpobiomke mmɔ emi miduehe.

ISAIAH 28:25

Adaŋemi enye ama ɔdiɔŋ isɔŋ iso, nte enye iwarike dill, inyuŋ isuanke cummin, inyuŋ isin wheat ke udim, ye barley nte asiakde, ye spelt ke mben esie?

JEREMIAH 22:3

ntem ke Jehovah ɔdɔhɔ, ete, Mbufo enam ikpe ye edinen ido, enyuŋ esio owo eke ebumede efep ke ubɔk andituk: ekunyuŋ etuk, ekunyuŋ efik esen owo ye eyen-akpa ye ebe-akpa, ekunyuŋ eduɔk iyip owo eke miduehe, ke ebiet emi.

MATTHEW 23:13

Edi eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo eberi Obio Ubɔŋ heaven ebaha owo: koro mbufo idukke ke idem mbufo, inyuŋ iyakke mmɔ emi eyomde ndiduk ebe eduk.