MATTHEW 22:44 - Edisana ñwed Abasi Ibom

⁴⁴ Jehovah ɔdɔhɔ ye Ɔbɔŋ Mi ete, Tie ke ubɔk nnasia Mi, Tutu nda mme asua fo nnim Fi ke idak ukot?

MATTHEW 22:44 Referans Kwoze

ŊWED MME PSALM 110:1

JEHOVAH ɔdɔhɔ ye Ɔbɔŋ mi, ete, “Tie mi ke ubɔk nnasia, tutu nda mme asua fo nnim fi ke udorukot.”

MME HEBREW 1:13

Edi akananam Enye ɔdɔhɔ angel ewe ete, Tie ke ubɔk nnasia Mi, Tutu nnam mme asua Fo ekabare edi udorukot Fo?

1 ŊWED CORINTH 15:25

Koro Enye enyene ndida ubɔŋ tutu Enye onuk kpukpru mme asua Esie ke idak ikpat.

MME HEBREW 1:3

Enye oro edi uyama ubɔŋ Abasi, ye ata mbiet Idem Esie, onyuŋ ada uyo odudu Esie omum kpukpru ŋkpɔ akama: ekem, ke Enye ama akama utom erinam owo esana ke mme idiɔk-ŋkpɔ, Enye ɔsuhɔre etetie ke ubɔk nnasia Andinyene-ubɔŋ ke enyɔŋ;

MME HEBREW 12:2

iwuk enyin ise Jesus Anditɔŋɔ mbuɔtidem nnyin ye Andinam enye ɔfɔn ama; emi okobiomde cross, onyuŋ abatde but ke ekpri ŋkpɔ, kabaŋa idaresit eke anade Enye ke iso; okonyuŋ ɔsuhɔrede etetie ke ubɔk nnasia ebekpo Abasi.

GENESIS 3:15

eyenyuŋ adia ntɔŋ ke ofuri ini uwem fo: nyenyuŋ nsin usua ke ufɔt fo ye ŋwan, ye ke ufɔt ubon fo ye ubon esie: enye eyenuak fi ibuot, afo eyenyuŋ anuak enye nditiŋ-ikpat.

ERIYARARE 19:19

Ekem ŋkut unam oro, ye ndidem isɔŋ, ye mbon-ekɔŋ mmɔ, nte esopde idem ɔtɔ kiet ndiŋwana ekɔŋ ye Andidoro ke enaŋ-mbakara ye mbon-ekɔŋ Esie.

ŊWED MBON PHILIPPI 3:8

Ke akpanikɔ mbat kpukpru ŋkpɔ ke ntak-urua, man mbɔ akan ifiɔk Christ Jesus Ɔbɔŋ mi: emi ŋkayakde kpukpru ŋkpɔ atak kabaŋa Enye, mmonyuŋ nsin mmɔ ke mbio,

1 ŊWED CORINTH 1:2

ye Sosthenes eyen-ete nnyin, enɔ ŋwed emi esɔk ufɔk Abasi emi odude ke Corinth, kpa mmɔ emi ema ekedianare enim enɔ Abasi ke Christ Jesus, enyuŋ ekotde ete edidi nti ikɔt Abasi, nte ekokotde kpukpru mmɔ emi edude ke kpukpru ebiet eseme ekot Ɔbɔŋ nnyin Jesus Christ ke enyiŋ, emi edide Ɔbɔŋ mmɔ ye eke nnyin nde.

JOHN 20:28

Thomas ɔbɔrɔ Enye ete, Ɔbɔŋ mi ye Abasi mi.

LUKE 19:27

Edi ama edi mme asua mi emi mikoyomke ami ŋkara mmɔ, eda mmɔ edi mi, enyuŋ ewot mmɔ ke iso mi.

ŊWED MME PSALM 21:9

Afo eyenim mmɔ nte furnace ke ini iso fo, Jehovah eyesobo mmɔ ke iyaresit esie, ndien ikaŋ eyeta mmɔ.

MATTHEW 22:45

Edieke David ndien okotde Enye ete, Ɔbɔŋ, didie ke Enye edi eyen esie?

MATTHEW 26:64

Jesus ɔbɔrɔ enye ete, Edi ntre; edi ndɔhɔ mbufo nte ɔtɔŋɔde ke emi mbufo eyekut nte Eyen Owo etiede ke ubɔk nnasia Odudu, onyuŋ odorode ke obubit enyɔŋ edi.

MARK 16:19

Ntre ndien ke Ɔbɔŋ Jesus ama eketiŋ ntem ɔnɔ mmɔ, emen Enye edɔk ke heaven, Enye onyuŋ ɔsuhɔre etie ke ubɔk nnasia Abasi.