MATTHEW 22:3 - Edisana ñwed Abasi Ibom

³ enye onyuŋ ɔdɔŋ ikɔt esie edidɔhɔ mmɔ emi ekokotde edi udia: ndien mmɔ inyimeke ndidi.

MATTHEW 22:3 Referans Kwoze

ERIYARARE 22:17

Spirit ye ŋwan-ndɔ edɔhɔ ete, Di. Owo eke onyuŋ okopde, yak enye ɔdɔhɔ ete, Di. Owo eke itɔŋ asatde, yak enye edi. Owo eke amade, yak edi edibɔ mmɔŋ uwem ke ikpikpu.

ŊWED MBON ROME 10:21

Edi enye ɔdɔhɔ abaŋa Israel ete, Mmanyanare ubɔk Mi ofuri usen ŋkot mbon nsɔŋ-ibuot emi enenide eneni.

JOHN 5:40

Ndien mbufo inyimeke nditiene Mi, man enyene uwem.

UTOM MME APOSTLE 13:45

Edi ke ini mme Jew ekutde otu owo, ufup ɔyɔhɔ mmɔ ke esit, mmɔ enyuŋ eneni mme ŋkpɔ eke Paul etiŋde, enyuŋ esuŋi.

LUKE 19:27

Edi ama edi mme asua mi emi mikoyomke ami ŋkara mmɔ, eda mmɔ edi mi, enyuŋ ewot mmɔ ke iso mi.

LUKE 15:28

Edi akpan oro akpaha esit, inyuŋ inyimeke ndiduk; ntre ke ete esie ɔwɔrɔ edi edikpe ye enye.

LUKE 13:34

O Jerusalem, Jerusalem emi owotde mme prophet, onyuŋ ɔtɔŋɔde mmɔ emi edɔŋde etiene fi ke itiat! Adaŋa ediwak ini didie ke ŋkoyom nditaŋ nditɔ fo mbon ɔtɔ kiet, kpa nte unen obonde nditɔ esie ke idak mba esie, ndien mbufo ikonyimeke!

MATTHEW 23:37

O Jerusalem, Jerusalem, emi owotde mme prophet, onyuŋ ɔtɔŋɔde mmɔ eke edɔŋde etiene fi ke itiat. Adaŋa ediwak ini didie ke ŋkoyom ndibon nditɔ fo ɔtɔ kiet, kpa nte unen obonde nditɔ esie ke idak mba esie, ndien mbufo ikonyimeke.

MATTHEW 3:2

Mbufo ekabare esit; koro Ubɔŋ Heaven ke ekpere.

ZEPHANIAH 1:7

Dop uyo ke iso Ɔbɔŋ Jehovah: koro usen Jehovah emekpere: koro Jehovah omowuk uwa: omotim mmɔ emi enye okokotde.

HOSEA 11:7

Ndien ikɔt mi esuk ekɔbɔ ndifiak edem ŋkpɔŋ mi: ndien ekot mmɔ etiene Ata Edikoŋ, edi baba owo kiet itoroke enye.

HOSEA 11:2

Mmɔ ekot mmɔ, ntem ke mmɔ edaha ekpɔŋ mmɔ: mmɔ ewa uwa enɔ Baal, enyuŋ efɔp ŋkpɔ enɔ ndisɔi mbiet.

JEREMIAH 35:15

Ami ŋko nnyuŋ ndɔŋ kpukpru ikɔt mi mme prophet utom ke ɔtɔ mbufo, mbabak ndɔŋ, nte, Mbɔk, mbufo kpukpru ekabare ekpɔŋ idiɔk usuŋ mbufo, enyuŋ ekabare ido mbufo enam ɔfɔn, ekunyuŋ ebine mme abasi efen ndinam ŋkpɔ nnɔ mmɔ, ndien mbufo eyeduŋ ke isɔŋ emi ŋkɔnɔde mbufo ye mme ete mbufo: ndien mbufo ikpaŋke utɔŋ mbufo, inyuŋ ikopke inɔ mi.

JEREMIAH 25:4

Jehovah ama onyuŋ ɔdɔŋ kpukpru ikɔt esie mme prophet utom ke ɔtɔ mbufo, abak ɔdɔŋ; ndien mbufo ikokopke, inyuŋ ikpaŋke utɔŋ mbufo ikop: ete,

ISAIAH 30:15

Koro ntem ke Ɔbɔŋ Jehovah, Edisana Abasi Israel, ɔdɔhɔ, ete, Ke erikabare ye ke nduɔk-odudu ke mbufo edikeme ndibɔhɔ; ke eritie suŋ, ye ke mbuɔtidem, ke odudu mbufo edidu: edi mbufo ikonyimeke.

ŊWED MME PSALM 68:11

Ɔbɔŋ ɔnɔ uyo: ibat emi ekwɔrɔde edi akamba udim.

1 SAMUEL 9:13

nte mbufo edukde ke obio, eyekut enye ini kiet, ke enye mika-idɔkke kaŋa ke edikoŋ ebiet ndidia ŋkpɔ: koro mbio-obio midiaha ŋkpɔ tutu enye edi, koro enye eyediɔŋ uwa; ndien mmɔ emi ekotde edidia. Ekam edɔk, ndien; koro mbufo eyekut enye ke emi.

MME HEBREW 12:25

Ekpeme ekusin ndikop Enye emi etiŋde ikɔ ɔnɔ mbufo. Koro edieke mmɔ emi ekesinde uyo anditiŋ ikɔ nnɔ mmɔ ke isɔŋ mikɔbɔhɔke; nnyin idibɔhɔkebɔhɔ ikan oro, edieke nnyin iwɔŋɔrede ikpɔŋ Enye emi etiede ke heaven etiŋ ikɔ.

MATTHEW 21:34

Edi ke adaŋemi ini mbuŋwum ekperede, enye osio mme isuŋutom ɔdɔŋ ke ɔtɔ mme ekpeme-iŋwaŋ, ete ebɔ mbuŋwum imɔ.

MATTHEW 9:15

Ndien Jesus ɔdɔhɔ mmɔ ete, Nte nditɔ ufɔk-ndɔ emekeme ndifuhɔ adaŋa ini nte ebe-ndɔ odude ye mmɔ? Edi mme usen eyedi eke edibɔde mmɔ ebe-ndɔ; mmɔ eyetre udia adaŋoro.

MME HEBREW 9:15

Ke ntak emi Enye onyuŋ edi esine-ufɔt obufa ediomi, man, sia kiet ama akakpa ndifak owo nsio ke mme ndudue eke mmɔ ekesinede ke idak akpa ediomi edue, mmɔ emi ekekotde ekpɔbɔ uŋwɔŋɔ nsinsi udeme.