MATTHEW 22:29 - Edisana ñwed Abasi Ibom

²⁹ Edi Jesus ɔbɔrɔ mmɔ ete, mbufo emedue, koro mbufo mifiɔkke ŋwed Abasi ye odudu Abasi.

MATTHEW 22:29 Referans Kwoze

JOHN 20:9

Koro mmɔ ifiɔkke kaŋa se ewetde ete, Enye enyene ndiset ke mkpa.

ŊWED MBON ROME 15:4

Koro se ededi eke ekewetde ke ini oko, ke ekewet ndida ŋkpep nnyin ŋkpɔ, man nnyin inyene idori-enyin oto ke ime ye ndɔŋ-esit eke Ŋwed Abasi ɔnɔde.

JEREMIAH 32:17

Ah, Ɔbɔŋ Jehovah, sese, afo akanam enyɔŋ ye isɔŋ ke akwa odudu fo, ye ke edimenere ubɔk fo, baba ŋkpɔ kiet inyuŋ isɔŋke ikan fi:

LUKE 1:37

Koro ikɔ baba kiet eke otode Abasi idinanake odudu.

ISAIAH 26:19

Mme akpa-mkpa fo eyedu uwem, mme okpo mi eyebuhɔre. Mbufo emi eduŋde ke ntan edemere, ekwɔ: koro mbara ikɔŋ edide mbara fo, ndien isɔŋ eyeman mme ekpo.

ŊWED MME PSALM 17:15

Ami nyese iso fo ke eti ido; mbiet fo eyeyuhɔ mi ke ini ndemerede.

ŊWED MBON PHILIPPI 3:21

emi eyetɔŋɔ ntak obot ikpɔhidem nnyin emi odude ke ata usuhɔre-itie, esin ke mbiet idem Esiemɔ emi enyenede ubɔŋ, oto ke odudu Esie, emi Enye ekemede ndida nsuk kpukpru ŋkpɔ nsin ke idak Esie.

UTOM MME APOSTLE 26:8

Nsinam akakde mbufo ndinim ke akpanikɔ ete Abasi anam mme akpa-mkpa eset?

ISAIAH 25:8

Enye eyemen mkpa ke nsinsi; Ɔbɔŋ Jehovah onyuŋ ɔkwɔhɔre kpukpru iso mmɔŋ eyet efep; eyenyuŋ osio esuene ikɔt esiemɔ ke ofuri ererimbot efep: koro edi Jehovah ɔdɔhɔ.

HOSEA 13:14

Nyefak mmɔ nsio ke ubɔk udi; nyenyaŋa mmɔ nsio ke mkpa: nyedi idiɔk udɔŋɔ fo, O mkpa; nyedi nsobo fo, O udi: erikabare esit eyedibe mi ke enyin.

GENESIS 18:14

ndide akani aŋwan? Nte ŋkpɔ ɔsɔŋ akan Jehovah? Ke ini emi enimde, nyefiak ntiene fi, ke ukabare isua, ndien Sarah eyenyene eyen.

MATTHEW 22:28

Mmɔdo ke eriset ke mkpa, enye eyedi ŋwan anie ke otu mmɔ mbitiaba, koro kpukpru mmɔ ekadade enye nte ŋwan?

MARK 12:24

Jesus ɔdɔhɔ mmɔ ete, Nte idige ntak emi esinde mbufo edue, emi mbufo mifiɔkke ŋwed Abasi ye odudu Abasi?

1 ŊWED CORINTH 15:34

Efara ke idem edinen-edinen, enyuŋ etre mme idiɔk-ŋkpɔ, koro ndusuk owo inyeneke ifiɔk Abasi. Ntiŋ emi man but anam mbufo.