MATTHEW 22:12 - Edisana ñwed Abasi Ibom

¹² onyuŋ ɔdɔhɔ enye ete, Ufan, afo anam didie oduk mi ke musineke ɔfɔŋidem-ndɔ? Edi enye inyeneke se ɔbɔrɔde.

MATTHEW 22:12 Referans Kwoze

1 ŊWED CORINTH 4:5

Andidomo mi edi Ɔbɔŋ. Mmɔdo ekuben ini iso ebiere ikɔ, tutu Ɔbɔŋ edi: Enye eyeda se idibede ke ekim ɔwɔrɔ edi ke uŋwana, onyuŋ ayarare uduak eke esinede owo ke esit. Adaŋoro ndien ke kpukpru owo kiet kiet edibɔ itoro ke ubɔk Abasi.

MATTHEW 20:13

Edi enye ɔbɔrɔ owo mmɔ kiet ete, Ufan, ntukke fi: nte ukodiomike ye ami ke okuk kiet?

ŊWED JOB 5:16

Ntre ke mbon mmeme enyene idorenyin, ndien ukwaŋŋkpɔ okibi inua esie.

1 SAMUEL 2:9

Enye eyekpeme ukot mbon ima esie, mme idiɔk owo eyenyuŋ edobo ke ekim: koro midige ke odudu ke owo ɔsɔŋ idem.

TITUS 3:11

Ɔmɔfiɔk ete, utɔ owo oro akwaŋa usuŋ esiemɔ; enye ke edue, esit esie ke onyuŋ obiom enye.

MATTHEW 26:50

Jesus ete enye, Ufan, nam se edide ndinam. Ekem mmɔ edi edidori Jesus ubɔk, emum Enye.

JEREMIAH 2:26

Kpa nte but anamde inɔ, koro emumde enye, kpa ntre ke but edinam ufɔk Israel, mmɔ, ye ndidem mmɔ, ye mbɔŋ mmɔ, ye mme oku mmɔ, ye mme prophet mmɔ.

JEREMIAH 2:23

Afo edinam didie ɔdɔhɔ, ete “Ndeheke, mbineke Baalim?” Se usuŋ fo ke itihere: fiɔk se afo anamde: (afo) ɔsɔp-ukot dro-medary eke ɔyɔrɔde ke usuŋ esie;

ŊWED MME PSALM 107:42

Ndinen owo eyekut enyuŋ edara; ofuri idiɔk ido eyenyuŋ okibi inua esie.

ŊWED MBON ROME 3:19

Edi nnyin imɔfiɔk ite se ededi eke ibet etiŋde, ke etiŋ ɔnɔ mmɔ emi edude ke idak ibet; man inua ɔkibɔ kpukpru owo, ofuri ererimbot enyuŋ esine ke idak ubiom-ikpe Abasi:

MATTHEW 5:20

Koro ndɔhɔ mbufo nte Edieke edinen ido mbufo mikanke eke mme scribe ye mme Pharisee, mbufo ididukke ke Obio Ubɔŋ heaven.