MATTHEW 21:3 - Edisana ñwed Abasi Ibom

³ Ndien owo ekededi ama ɔdɔhɔ ŋkpɔ ye mbufo, ebɔrɔ ete, Ɔbɔŋ ke oyom mmɔ; ekem idaha oro enye eyenɔ mmɔ edi.

MATTHEW 21:3 Referans Kwoze

UTOM MME APOSTLE 17:25

owo inyuŋ idaha ubɔk inam ŋkpɔ inɔ Enye, nte emi Enye anande ŋkpɔ; koro edi Enye ɔnɔ kpukpru owo uwem, ye ibifik, ye kpukpru ŋkpɔ:

2 ŊWED CORINTH 8:9

Koro mbufo emefiɔk mfɔn Ɔbɔŋ nnyin Jesus Christ, ete, okposuk edi nte enye ekedide enyene-ŋkpɔ, ke ntak mbufo Enye akabare edi ubuene, man oto ke ubuene Esie mbufo ekabare edi mme enyene-ŋkpɔ.

JOHN 3:35

Ete amama Eyen, omonyuŋ ayak kpukpru ŋkpɔ esin Enye ke ubɔk.

JOHN 17:2

kpa nte ama ɔkɔnɔ Enye odudu ndikara kpukpru obukidem, ete akpada nsinsi uwem ɔnɔ owo ekededi eke Afo ayakde ɔnɔ Enye.

ŊWED MME PSALM 24:1

ISƆŊ ye se iyɔhɔde ke esit enyene Jehovah, ererimbot, ye mme andiduŋ enye.

EZRA 7:27

Etoro Jehovah abasi mme ete nnyin, emi ekesinde edidem oruk ekikere emi ke esit, ete ɔdiɔŋ ufɔk Jehovah emi odude ke Jerusalem:

EZRA 1:5

Ndien mme etubom mme ete Judah ye Benjamin, ye mme oku, ye mme Levite, ye kpukpru mmɔ eke Abasi edemerede esit mmɔ, edaha ke enyɔŋ, ete idɔk ikɔbɔp ufɔk Jehovah emi odude ke Jerusalem.

2 ŊWED CORINTH 8:16

Edi ekɔm enyene Abasi, emi ɔdɔŋde ke esit Titus ekikere mbaŋa mbufo nte nnyenede.

EZRA 1:1

EDIKEM ke akpa isua Cyrus edidem Persia, man se Jehovah akadade inua Jeremiah ɔdɔhɔ ekpekem, Jehovah edemere spirit Cyrus, edidem Persia, ndien enye owuk ofuri edem emi enye akarade, onyuŋ esin ke ŋwed ŋko, ete,

1 NDIDEM 17:9

Daha ke enyɔŋ ka ke Zarephath, emi enyenede Zidon, nyuŋ duŋ do: sese, mma nteme ŋwan kiet emi ebe esie akpade, nte ɔbɔk fi do.

1 SAMUEL 10:26

Ndien Saul onyuŋ ɔnyɔŋ ke ufɔk esie ke Gibeah; udim owo eke Abasi ekedemerede mmɔ esit, enyuŋ etiene enye eka.

JAMES 1:17

Kpukpru eti erinɔ ye kpukpru enɔ eke efɔnde ema eto ke enyɔŋ, eto ke ubɔk Ete mme uŋwana esuhɔre edi; emi mikemeke ndikpuhɔre, ukpuhɔre itie minyuŋ ikemeke ndimen Enye nsin ke mfut.

MATTHEW 21:2

Ete mmɔ, eka ekoduk ke obio-iŋwaŋ emi asakde iso ese mbufo, ndien idaha oro mbufo eyekut ass emi eyiride, ye eyen esie ye enye; etat mmɔ, eda esɔk Mi.

MATTHEW 21:4

Ŋkpɔ emi ɔwɔrɔ man se prophet eketiŋde osu ete,