MATTHEW 21:15 - Edisana ñwed Abasi Ibom

¹⁵ Edi ke adaŋemi ikpɔ oku ye mme scribe ekutde mme utibe ŋkpɔ eke Enye anamde, ye nditɔ emi efioride ke temple, ete, Hosanna enyene Eyen David, esit ayat mmɔ eti-eti, mmɔ enyuŋ edɔhɔ Enye ete,

MATTHEW 21:15 Referans Kwoze

MATTHEW 21:9

Mme otu owo emi ebemde Enye iso ye mmɔ emi etienede ke edem efiori ete, Hosanna enyene Eyen David; Itoro enyene Enye emi edide ke enyiŋ Jehovah; Hosanna ke ata enyɔŋ.

JOHN 12:19

Ntem ke mme Pharisee eneme ke otu idem mmɔ ete, Ese do, mbufo ikemeke ŋkpɔ: sese, ererimbot ama adaha etiene Enye.

JOHN 11:57

Ikpɔ oku ye mme Pharisee ema enɔ uyo ete, owo ekededi eke ɔfiɔkde ebiet emi Enye odude okpowut ebiet oro, man mmimɔ imum Enye.

JOHN 7:42

Nte Ŋwed Abasi idɔhɔke ite Christ oto ke oruk David, onyuŋ oto ke Bethlehem obio-iŋwaŋ emi David okodude do?

JOHN 4:1

EKEM ke adaŋemi Ɔbɔŋ ɔfiɔkde ete mme Pharisee ekop ete Jesus ke anam mme owo edi mbet onyuŋ onim mmɔ baptism, akan John

LUKE 22:66

Ndien ke ini eyo esierede, mbiowo obio esop idem ɔtɔ kiet ye ikpɔ oku ye mme scribe; mmɔ enyuŋ eda Enye eduk ke akwa esop mmɔ, ete,

LUKE 22:2

Ndien ikpɔ oku ye mme scribe ekeyom usuŋ nte mmɔ ekpasaŋade ewot Enye, koro mmɔ efehede mbio-obio.

LUKE 20:1

EDIKEM ke mme usen oro kiet, nte Enye ekpepde mbio-obio ŋkpɔ ke temple, onyuŋ ɔkwɔrɔde gospel, ikpɔ oku ye mme scribe ye mbiowo etiene Enye;

MARK 11:18

Ndien ikpɔ oku ye mme scribe ekop, enyuŋ eyom usuŋ nte mmɔ ediwotde Enye; koro mmɔ efehede Enye, koro kpukpru owo edu ke mkpa -idem kabaŋa ukpep-ŋkpɔ Esie.

MATTHEW 27:20

Edi ikpɔ oku ye mbiowo ewɔŋɔre mme otu owo esit, ete mmɔ ebeŋe eyak Barabbas enyuŋ ewot Jesus.

MATTHEW 27:1

EDI ke ini eyo esierede, kpukpru ikpɔ oku ye mbiowo obio eduk ediomi ebaŋa Jesus, ete iwot Enye:

MATTHEW 26:59

Edi ikpɔ oku ye ɔfuri akwa esop eyom ikɔ nsu eke ekpetiŋde edian Jesus, man mmɔ ewot Enye:

MATTHEW 26:3

Ekem ikpɔ oku ye mbiowo obio ebono ɔtɔ kiet ke esit okure akwa oku mi ekerede Caiaphas;

MATTHEW 22:42

Mmɔ ete Enye, Eke David.

MATTHEW 21:23

Ekem ke ini Enye odukde ke temple, ikpɔ oku ye mbiowo obio etiene Enye, nte Enye ekpepde mme owo ŋkpɔ, enyuŋ edɔhɔ ete, Ada odudu ewe anam mme ŋkpɔ emi? ŋko, anie okonyuŋ ɔnɔ Fi odudu emi?

MATTHEW 9:27

Ekem nte Jesus otode do asaŋa ebe, nnan iba etiene Enye, efiori ete, Eyen David, tua nnyin mbɔm.

ISAIAH 26:11

Jehovah, afo ememenere ubɔk fo; mmɔ ikwe enye; mmɔ eyekut, enyuŋ etimere ke ufup emi afo ofibede ɔnɔ ikɔt fo; idem ikaŋ eyeta mme asua fo.

MATTHEW 20:24

Edi ke adaŋa emi mbet duop ekopde, esit ayat mmɔ kabaŋa nditɔ-eka iba oro.