MATTHEW 21:11 - Edisana ñwed Abasi Ibom

¹¹ Edi mme otu owo edɔhɔ ete, Emi edi Jesus, prophet emi otode ke Nazareth, ke Galilee.

MATTHEW 21:11 Referans Kwoze

JOHN 6:14

Ke ini mbon oro ekutde idiɔŋɔ oro Enye anamde, mmɔ ete, Ke akpanikɔ emi edi prophet emi edidukde edi ke ererimbot.

JOHN 7:40

Ke adaŋemi ndusuk mmɔ emi edude ke otu owo oro ekopde mme ikɔ emi, mmɔ ete, Owo emi edi prophet oro ke akpanikɔ.

LUKE 7:16

Ekem Jesus ayak enye ɔnɔ eka esie. Edi ndik omum mmɔ kpukpru; mmɔ enyuŋ enɔ Abasi itoro, ete, Akwa prophet amadaha ada ke otu nnyin; enyuŋ ete, Abasi emedi ndise ikɔt Esie.

UTOM MME APOSTLE 7:37

Emi edi Moses oro ɔkɔdɔhɔde nditɔ Israel ete, Abasi eyenam prophet, emi edibietde mi, adaha ada ɔnɔ mbufo ke otu nditɔ-ete mbufo.

JOHN 9:17

Mmɔ etɔŋɔ ntak edɔhɔ owo nnan, ete, Afo ɔdɔhɔ nso abaŋa Enye, sia Enye akatatde fi enyin? Owo oro ɔbɔrɔ ete, Enye edi prophet.

MATTHEW 2:23

enye adaha aka ke isɔŋ Galilee okoduŋ ke obio emi ekerede Nazareth: man osu nte mme prophet ekedɔhɔde ete, Enye edikere Nazarene.

JOHN 4:19

Ŋwan oro ete Enye, Ɔbɔŋ, mmokut nte Afo edi prophet.

JOHN 1:21

Ekem mmɔ ebup enye ete, Edi anie ndien? Edi Elijah? Enye ete, Ndige. Nte edi prophet oro? Enye ɔbɔrɔ ete, Baba.

MARK 6:15

Edi owo efen ete, Edi Elijah: mmɔ efen edɔhɔ ete, Edi prophet emi etiede nte owo kiet ke otu mme prophet.

LUKE 24:19

Jesus ɔdɔhɔ mmɔ ete, Nso idi oro? Mmɔ edɔhɔ Enye, Se ibaŋade Jesus emi otode ke Nazareth, emi ekedide prophet eke enyenede odudu ke ubɔk-utom ye ke ikɔ-inua ke iso Abasi ye ke iso kpukpru mbio-obio:

JOHN 1:25

Mmɔ edibup enye ndien ete, Nsinam afo onimde owo baptism naŋa, edieke afo mudige Christ, munyuŋ udige Elijah, munyuŋ udige prophet oro?

LUKE 13:33

Edi mmenyene ndisaŋa ke isaŋ Mi mfin ye mkpɔŋ ye okut: koro ikemeke ndidi ete prophet eyekpa ke midige ke Jerusalem.

LUKE 7:39

Edi ke adaŋemi Pharisee oro okokotde Enye udia okutde ŋkpɔ emi, enye ɔdɔhɔ ke esit esie ete, Edieke owo emi ekpedide prophet, Enye ɔkpɔdiɔŋɔ ŋwan emi otukde Enye, okponyuŋ ɔfiɔk oruk ŋwan eke enye edide, ete enye edi anam-idiɔk-ŋkpɔ.

MATTHEW 21:10

Ekem ke ini Enye odukde ke Jerusalem, ofuri obio otime, ete, Anie edi emi?

MATTHEW 21:26

Edi ima idɔhɔ ite, Oto owo; nnyin ifefehe otu owo; koro kpukpru owo edade John ke prophet.

MATTHEW 21:46

Edi ke ini mmɔ eyomde ndimum Enye mmɔ efehe mme otu owo, koro mmɔ oro edade Enye ke prophet.