MATTHEW 20:28 - Edisana ñwed Abasi Ibom

²⁸ kpa nte Eyen Owo mikedige, man enam ŋkpɔ enɔ Enye edi man Enye anam ŋkpɔ ɔnɔ owo, onyuŋ ɔnɔ uwem Esie ndifak ediwak owo.

MATTHEW 20:28 Referans Kwoze

MME HEBREW 9:28

kpa ntre ŋko Christ, ke ekewade Enye ini kiet ete obiom idiɔk ŋkpɔ ediwak owo, eyetɔŋɔ ntak ɔbiɔŋɔre; edi Enye ididige ndinyene mbubehe ye idiɔk-ŋkpɔ, edi edidi ndinyaŋa mmɔ emi etiede ebet Enye.

LUKE 22:27

Koro anie owo edi andikpon-ŋkan? ndi enye emi etiede ke itie-udia, mme enye emi adade mbet? nte idige enye emi etiede ke itie-udia okpon akan? edi Ami ndu ke otu mbufo nte enye emi adade mbet.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

1 PETER 3:18

Koro Christ ŋko-ŋko ama akpa kabaŋa mme idiɔk-ŋkpɔ ini kiet, Edinen owo ke ibuot mmɔ emi minenke, man Enye ada nnyin ɔsɔk Abasi: ewot Enye ke obukidem, edi enam Enye edidu uwem ke Spirit.

1ŊWED TIMOTHY 2:6

emi ɔkɔnɔde Idem Esie, ete idi ufak kpukpru owo. Ekɔnɔ mbuk ebaŋa ŋkpɔ emi ke edikem ini;

ERIYARARE 1:5

onyuŋ oto Jesus Christ, emi edide ntiense emi anamde akpanikɔ, andibem iso mmana ke otu mme akpa-mkpa, ye andikara ndidem isɔŋ. Enye emi amade nnyin, okonyuŋ adade iyip Esiemɔ atat nnyin uruk mme idiɔk-ŋkpɔ nnyin;

2 ŊWED CORINTH 8:9

Koro mbufo emefiɔk mfɔn Ɔbɔŋ nnyin Jesus Christ, ete, okposuk edi nte enye ekedide enyene-ŋkpɔ, ke ntak mbufo Enye akabare edi ubuene, man oto ke ubuene Esie mbufo ekabare edi mme enyene-ŋkpɔ.

MME HEBREW 5:8

okposuk edi nte Enye edide Eyen, Enye ekpep nsuk-ibuot ɔfiɔk oto ke ndutuhɔ eke Enye okutde;

1 PETER 2:24

Enye ke Idem Esie obiom mme idiɔk-ŋkpɔ nnyin ke ikpɔhidem Esie ke eto, man nnyin ikpakpa ikpɔŋ idiɔk-ŋkpɔ, inyuŋ idu uwem inɔ edinen ido.

ŊWED MBON EPHESUS 1:7

Nnyin inyuŋ inyene ubɔhɔ-ufin nnyin ke Enye oto ke iyip Esie, kpa erifen mme idiɔk-ŋkpɔ nnyin, adaŋa nte mfɔn Esie awakde.

MARK 14:24

Ndien Enye ɔdɔhɔ mmɔ ete, Emi edi iyip Mi, eke ediomi, emi eduɔkde kabaŋa ediwak owo.

MATTHEW 26:28

koro emi edi iyip Mi, eke obufa ediomi, emi eduɔkde ebaŋa ediwak owo, man efen mme idiɔk-ŋkpɔ mmɔ.

ŊWED MBON EPHESUS 5:2

enyuŋ esaŋa ke ima kpa nte Christ ŋko akamade mbufo, okonyuŋ ayakde Idem Esie ɔnɔ kibuot nnyin, nte enɔ ye uwa emi edade esɔk Abasi, emi osiode ufik eke enemde.

ŊWED MBON GALATIA 3:13

Christ akafak nnyin osio ke isuŋi ibet emi odorode nnyin, sia Enye amakabare edi ŋkpɔ isuŋi ke ibuot nnyin; koro ewetde ete, owo eke eyiride ke eto edi ŋkpɔ isuŋi Abasi;

ŊWED MBON ROME 4:25

emi ekeyakde enɔ kabaŋa ndudue nnyin, ekenyuŋ enamde Enye eset, man ikpe etebe nnyin.

1 JOHN 2:2

Enye onyuŋ edi usio-isop mme idiɔk-ŋkpɔ nnyin, inyuŋ idige eke nnyin ikpɔŋ, edi eke ofuri ererimbot nde.

MME HEBREW 2:10

Koro odotde Enye, emi kpukpru ŋkpɔ esuŋɔde ye Enye, kpukpru ŋkpɔ enyuŋ etode ke Enye, ke erida ediwak nditɔ nduk ubɔŋ ndinam asiakusuŋ eriyaŋa mmɔ asaŋa ke ndutuhɔ akabare ɔfɔn ama

JOHN 10:15

Ami nnyuŋ mfiɔkde Ete; mmonyuŋ nyak uwem Mi nduɔk ke ibuot mme erɔŋ.

ISAIAH 53:8

Esio enye ke ukut ye ke ikpe: ndien anie ekeme ndibuk emana esie? Koro esibede enye efep ke isɔŋ mme odu-uwem: ke abaŋa mme idiɔk ido ikɔt mi ke enye ada ufen.

ISAIAH 53:5

Edi enye akada unan abaŋa mme idiɔk ido nnyin, anuaha abaŋa mme ukwaŋ-ŋkpɔ nnyin: ufen odoro enye ke idem man nnyin ikut emem; ndien inia esie ɔkɔk nnyin.

ŊWED MME PSALM 49:7

baba owo kiet ikemeke ndifak eyenete, inyuŋ ikemeke ndinɔ Abasi ŋkpɔ usio-isop esie:

MATTHEW 8:20

Ndien Jesus ete enye, Ebua-ikɔt enyene ndudu, inuen enyɔŋ enyuŋ enyene mme efɔk; edi Eyen Owo inyeneke ɔtɔ eke odoride ibuot Esie.

ŊWED JOB 33:24

Ndien Enye atua enye mbɔm, onyuŋ ɔdɔhɔ ete, Fak enye mbak edisuhɔre ke udi: mmokut ŋkpɔ usio-isop.

MATTHEW 20:27

owo ekededi eke onyuŋ oyomde ndidi ebe-iso owo ke otu mbufo eyeduk ufin ɔnɔ mbufo

MARK 10:45

Koro Eyen Owo ke Idem Esie ikedige man enam ŋkpɔ enɔ Enye, edi man Enye anam ŋkpɔ ɔnɔ owo, onyuŋ ɔnɔ uwem Esie ndifak ediwak owo.

NUMBERS 7:15

abak enaŋ kiet, ye okukim kiet, ye eyen erɔŋ isua kiet, ke edifɔp uwa: