MATTHEW 20:21 - Edisana ñwed Abasi Ibom

²¹ Jesus ɔdɔhɔ enye ete, Oyom nso? Ŋwan oro ɔdɔhɔ Enye ete, Nɔ uyo ete nditɔ mi iba emi editie, kiet ke ubɔk nasia Fo, kiet ke ufien, ke Obio Ubɔŋ Fo.

MATTHEW 20:21 Referans Kwoze

MATTHEW 19:28

Edi Jesus ɔdɔhɔ mmɔ ete, Ke akpanikɔ ke ndɔhɔ mbufo nte, ke ini edinamde ŋkpɔ ekabare edi mbufa, ke adaŋemi Eyen Owo editiede ke ebekpo ubɔŋ Esie, mbufo, emi eketienede Mi, eyenyuŋ etie ke ebekpo duopeba, ekpe ikpe enɔ esien Israel duopeba.

ESTHER 5:3

Ndien edidem ɔdɔhɔ enye, ete, Nsitibe ye afo, Esther ɔbɔŋ-aŋwan? Afo onyuŋ oyom nso? Eyenɔ fi, ekpedi idem ubak edem kiet ubɔŋ.

MATTHEW 18:1

KE ini oro mbet etiene Jesus ete, Anie ndien okpon akan ke Obio Ubɔŋ Heaven?

ŊWED MME PSALM 110:1

JEHOVAH ɔdɔhɔ ye Ɔbɔŋ mi, ete, “Tie mi ke ubɔk nnasia, tutu nda mme asua fo nnim fi ke udorukot.”

UTOM MME APOSTLE 1:6

Mmɔdo, ke ini mmɔ ebonode ɔtɔ kiet, mmɔ ebup Enye ete, Ɔbɔŋ, nte Afo ɔmɔŋ ɔtɔŋɔ ntak ayak Obio Ubɔŋ ɔnɔ Israel ke emi?

MARK 6:22

eyen Herodias aŋwan onyuŋ oduk edinek unek, enem Herod ye mmɔ emi etiede ye enye ke itie-udia esit; ndien edidem ɔdɔhɔ eyen-aŋwan oro ete, Beŋe mi ŋkpɔ ekededi eke amade, ndien nyenɔ fi. Herod ɔŋwɔŋɔ ɔnɔ enye ete,

MATTHEW 20:32

Ndien Jesus atuak ada okot mmɔ edi, ete mmɔ, Mbufo eyom ete nnam nso nnɔ mbufo?

1 NDIDEM 3:5

Ekem Jehovah okowut Solomon idem ke Gibeon, ke ndap ke okoneyo: Abasi onyuŋ ɔdɔhɔ, ete, Beŋe se ndinɔde fi.

ŊWED MBON COLOSSAE 3:1

EDIEKE ekanamde mbufo eset ye Christ ndien, eyom ŋkpɔ enyɔŋ, emi Christ odude do etie ke ubɔk nnasia Abasi.

ŊWED MBON ROME 12:10

Eda ima nditɔ-ete ema kiet eken; esɔp ndikpono kiet eken;

JOHN 15:7

Edieke mbufo eduŋde Mi ke idem, ikɔ Mi onyuŋ oduŋde mbufo ke esit, ebeŋe se eyomde, ndien eyenam enɔ mbufo.

LUKE 22:24

Ndomo-idem onyuŋ otibe ke otu mmɔ, ete, mme ekpebat anie ke otu mme imɔ nte andikpon-ŋkan.

LUKE 19:11

Edi nte mmɔ ekopde mme ŋkpɔ emi, Enye adian ikɔ do otop ŋke, koro Enye ekperede Jerusalem, mmɔ enyuŋ ekere ete Messiah ɔmɔŋ ada ubɔŋ idaha oro.

LUKE 18:41

Jesus obup enye ete, Oyom nnam nso nnɔ fi? Enye ete, Ɔbɔŋ, nyom nditɔŋɔ ntak ŋkut usuŋ.

MARK 10:51

Jesus ɔbɔrɔ enye ete, Oyom ete nnam nso nnɔ fi? Nnan oro ete Enye, Rabboni, nyom nditɔŋɔ ntak ŋkut usuŋ.

JEREMIAH 45:5

Ndien afo osuk oyom ikpɔ ŋkpɔ ke idem fo. Kuyom: koro, sese, ami nyeda idiɔk ntiene kpukpru owo, Jehovah ɔdɔhɔ: edi nyenɔ fi uwem fo ke ŋkpɔ mbume, ke kpukpru ebiet eke afo akade do.

ŊWED MME PSALM 45:9

Nditɔ-iban ndidem edu ke otu iban ima fo: ɔbɔŋ-aŋwan esine gold ophir ada fi ke ubɔk nnasia.

ŊWED MBON ROME 8:34

Edi Abasi etebe mmɔ ikpe; anie edibiom mmɔ? Ndi Christ Jesus emi akakpade, ŋkpakam ndɔhɔ nte, Jesus emi ekesetde ke mkpa, emi odude ke ubɔk nnasia Abasi, emi onyuŋ anamde mkpe-ubɔk ɔnɔ nnyin?

1 NDIDEM 2:19

Ekem Bathsheba aka ke ɔtɔ edidem Solomon, ndineme nneme ye enye mbaŋa Adonijah. Ndien edidem adaha ke enyɔŋ aka okosobo ye enye, onyuŋ ɔnuhɔ ɔnɔ enye; ndien ɔsuhɔre etie ke ebekpo esie, onyuŋ ɔdɔhɔ ete, ediɔk ebekpo enɔ eka edidem; ndien enye ɔsuhɔre etie enye ke ubɔk nnasia.

MARK 16:19

Ntre ndien ke Ɔbɔŋ Jesus ama eketiŋ ntem ɔnɔ mmɔ, emen Enye edɔk ke heaven, Enye onyuŋ ɔsuhɔre etie ke ubɔk nnasia Abasi.

MATTHEW 20:22

Edi Jesus ɔbɔrɔ ete, Mbufo ifiɔkke se ebeŋede. Nte mbufo emekeme ndiŋwɔŋ cup emi Ami ndiŋwɔŋde? Mmɔ ete Enye, Nnyin imekeme.