MATTHEW 20:13 - Edisana ñwed Abasi Ibom

¹³ Edi enye ɔbɔrɔ owo mmɔ kiet ete, Ufan, ntukke fi: nte ukodiomike ye ami ke okuk kiet?

MATTHEW 20:13 Referans Kwoze

MATTHEW 26:50

Jesus ete enye, Ufan, nam se edide ndinam. Ekem mmɔ edi edidori Jesus ubɔk, emum Enye.

MATTHEW 22:12

onyuŋ ɔdɔhɔ enye ete, Ufan, afo anam didie oduk mi ke musineke ɔfɔŋidem-ndɔ? Edi enye inyeneke se ɔbɔrɔde.

ŊWED MBON ROME 9:20

Edi afo edi anie, O owo, emi ɔbɔrɔde adian Abasi ntem? Nte ŋkpɔ eke ebotde ekeme ndidɔhɔ andibot enye ete, Nsinam afo okobotde mi ntem?

ŊWED JOB 40:8

Nte afo ediwuhɔre ikpe mi? anam ikpe otip mi, man etebe fi?

ŊWED JOB 35:2

Nte afo ese emi ke edinen emi afo ɔdɔhɔde ete, “Mmenen ke iso Abasi?”

GENESIS 18:25

Nsa fo O! Ndinam ntem, ndiwot mmɔ eke enende ye mmɔ eke minenke: mmɔ eke enende ndinyuŋ ntie nte mmɔ eke minenke, nsa fo O! Nte Ebierikpe ofuri ererimbot idinamke se inende?

MATTHEW 20:2

Ndien ke enye ama okodiomi ye mbon-utom ndinɔ mmɔ okut kiet ke usen kiet, enye ɔdɔŋ mmɔ eka ke iŋwaŋ vine.

MATTHEW 20:14

Men se inyenede fi, nyɔŋ; edi uduak mi ndinɔ ekperedem emi kpa nte nnɔde fi.