MATTHEW 2:4 - Edisana ñwed Abasi Ibom

⁴ Ntre ke enye okot kpukpru ikpɔ oku ye mme scribe obio obon, obup mmɔ ebiet eke Christ akpamanade.

MATTHEW 2:4 Referans Kwoze

UTOM MME APOSTLE 23:9

Ntem ke akwa ndutime otibe, ndusuk mme scribe emi etode ke otu mme Pharisee enyuŋ edaha ke enyɔŋ esɔŋɔ eneni, ete, Nnyin ikwe idiɔk ke idem owo emi: nso ikpan ite spirit mme angel okutiŋ ikɔ ye enye?

UTOM MME APOSTLE 6:12

ye mbiowo, ye mme scribe, enyuŋ edi edibuat enye, emum, eda eduk ke esop.

MATTHEW 21:23

Ekem ke ini Enye odukde ke temple, ikpɔ oku ye mbiowo obio etiene Enye, nte Enye ekpepde mme owo ŋkpɔ, enyuŋ edɔhɔ ete, Ada odudu ewe anam mme ŋkpɔ emi? ŋko, anie okonyuŋ ɔnɔ Fi odudu emi?

MATTHEW 7:29

koro Enye ekpep mmɔ ŋkpɔ nte owo emi enyenede odudu, ikpepke nte mme scribe mmɔ.

UTOM MME APOSTLE 4:5

Edikem ke ndaŋ-nsiere, mbɔŋ ye mbio-owo ye mme scribe mmɔ esop idem ɔtɔ kiet ke Jerusalem:

JOHN 18:3

Mmɔdo ke ini Judas ama ɔkɔbɔ udim mbonekɔŋ ye mme asaŋutom ke ubɔk ikpɔ oku ye mme Pharisee, enye asaŋa ye utuenkaŋ ye nsaraŋikaŋ ye ŋkpɔ eŋwan edi ke ɔtɔ oro.

JOHN 8:3

Pharisee eda ŋwan emi ekemumde enye ke efibe edi; ndien ke ini ema ekewuk ŋwan oro ke ufɔt, mmɔ edɔhɔ Jesus ete,

JOHN 7:32

Mme Pharisee ekop nte otu owo esukde uyo ebaŋa Enye ntem; ikpɔ oku ye mme Pharisee enyuŋ edɔŋ mme isuŋutom ete emum Enye.

JOHN 3:10

Jesus ɔbɔrɔ enye ete, Nte afo edi anditeme owo efen ke Israel, ndien ufiɔkke mme ŋkpɔ emi?

LUKE 23:10

Ndien ikpɔ oku ye mme scribe eda do, edori Enye ikɔ adaŋa nte mmɔ ekekeme.

LUKE 20:19

Ndien mme scribe ye ikpɔ oku eyom ndimum Enye ke ini oro; edi mmɔ efehe mbio-obio: koro mmɔ efiɔkde ete Enye okotop ŋke emi otuk mme imɔ.

JEREMIAH 8:8

Mbufo enam didie edɔhɔ, ete, Nnyin imɔfiɔk ŋkpɔ, ŋwed mbet Jehovah onyuŋ odu ye nnyin? Sese, ŋkɔm nsunsu ntaŋwed mme ewet-ŋwed anam enye edi abiaŋa.

MARK 8:31

Ekem Enye ɔtɔŋɔ ndikpep mmɔ ete, Eyen owo enyene ndikut ediwak ukut; mbiowo, ye ikpɔ oku, ye mme scribe eyenyuŋ esin Enye, enyuŋ ewot Enye, ndien ke usen ita ema ebe, Enye eyeset ke mkpa.

MATTHEW 27:1

EDI ke ini eyo esierede, kpukpru ikpɔ oku ye mbiowo obio eduk ediomi ebaŋa Jesus, ete iwot Enye:

MATTHEW 26:47

Ndien ke adaŋemi Enye osuk etiŋde ntem, sese, Judas, emi edide owo kiet ke otu mbet duopeba, edi; akwa otu owo, eke etode ke ikpɔ oku ye mbiowo obio, enyuŋ esaŋa ye enye, ye ofut ye eto ke ubɔk.

MATTHEW 26:3

Ekem ikpɔ oku ye mbiowo obio ebono ɔtɔ kiet ke esit okure akwa oku mi ekerede Caiaphas;

MATTHEW 21:15

Edi ke adaŋemi ikpɔ oku ye mme scribe ekutde mme utibe ŋkpɔ eke Enye anamde, ye nditɔ emi efioride ke temple, ete, Hosanna enyene Eyen David, esit ayat mmɔ eti-eti, mmɔ enyuŋ edɔhɔ Enye ete,

MATTHEW 13:52

Mmɔ ete Enye, Nnyin imɔfiɔk, Ɔbɔŋ. Edi Enye ɔdɔhɔ mmɔ ete, Kpukpru scribe ndien, emi enamde enye edi owo mbet ke Obio Ubɔŋ Heaven, ebiet enyene-ufɔk, eke osioŋode mbufa ŋkpɔ ye ŋkani ŋkpɔ ke ubet-unim-inyene esie.

MALACHI 2:7

Koro mkpɔk-inua oku ekpekpeme ifiɔk, owo ekpenyuŋ ebup mkpɔk-inua esie ewuhɔ: koro enye edide isuŋ-utom Jehovah mme udim.

ŊWED MME PSALM 2:2

Ndidem ererimbot edaha eda, mbɔŋ enyuŋ ebono eduk odu ebaŋa Jehovah ye Messiah esie, ete,

NEHEMIAH 12:7

Sallu, Amok, Hilkiah, Jedaiah. Mme mmɔ emi edi mme etubom mme oku, ye eke nditɔ-ete mmɔ ke eyo Jeshua.

EZRA 10:5

Ndien Ezra adaha ke enyɔŋ, onyuŋ anam mbɔŋ oku, ye mme Levite, ye ofuri Israel, eŋwɔŋɔ ete ke iyenam ke uyo emi. Ndien mmɔ eŋwɔŋɔ.

EZRA 7:6

enye Ezra oto ke Babylon ɔdɔk, ndien enye edi owo ŋwed emi otimde ɔfiɔk ŋwed ibet Moses, emi Jehovah Abasi Israel ɔkɔnɔde: ndien oto ke ubɔk Jehovah Abasi esie emi odude ye enye, edidem ɔnɔ enye kpukpru se enye ebeŋede.

2 CHRONICLES 36:14

Ndien ŋko kpukpru mbɔŋ oku, ye mbio-obio, edue ediwak ŋkpɔ, esaŋa ye kpukpru mbubiam ido mme idut; mmɔ enyuŋ esabare ufɔk Jehovah, emi enye okonimde ke edisana ke Jerusalem.

2 CHRONICLES 34:15

Ndien Hilkiah ɔbɔrɔ Shaphan andiwet ŋwed, ete, Mmokut ŋwed ewuhɔ ke ufɔk Jehovah.

2 CHRONICLES 34:13

Mmɔ enyuŋ edi mbɔŋ mbon-mbiomo, ye mme eteme kpukpru mme anam-utom ke oruk usɔ ekededi: ndusuk Levite enyuŋ edi mme ewet-ŋwed, ye mme ekpe-ikpe, ye mme etie-usuŋ.

MATTHEW 2:3

Ke adaŋemi Herod edidem okopde ŋkpɔ emi, esit otimere enye, ye kpukpru mbio Jerusalem ye enye.

MATTHEW 2:5

Mmɔ edɔhɔ enye ete, Ke Bethlehem obio Judaea: koro ntem ke prophet ewet ete,