MATTHEW 2:1 - Edisana ñwed Abasi Ibom

¹ EDI ke ini Jesus amanade ke Bethlehem obio Judaea ke eyo edidem Herod, sese, mme ɔfiɔk-nkpɔ owo eto ke edem usiaha-utin edi ke Jerusalem, ete,

MATTHEW 2:1 Referans Kwoze

MICAH 5:2

Ndien afo Beth-lehem Ephrathah, emekpri ke otu mme tɔsin Judah, edi owo eyeto fi ke esit ɔnɔ mi, eke edidide andikara ke Israel; enye emi eriwɔrɔ esie okodude tutuko, kpa ke eyo eset.

JOHN 7:42

Nte Ŋwed Abasi idɔhɔke ite Christ oto ke oruk David, onyuŋ oto ke Bethlehem obio-iŋwaŋ emi David okodude do?

LUKE 2:11

koro Andinyaŋa, emi edide Christ Ɔbɔŋ, amana ɔnɔ mbufo mfin ke obio David.

ISAIAH 11:10

Ndien ama ekem ke usen oro, mme idut eyetiene oruŋ Jesse emi adade nte banner mme idut: ndien itie nduɔk-odudu esie eyedi ubɔŋ.

GENESIS 49:10

Mmɔnyɔ idikpɔŋke Judah, eto ɔbɔŋ idinyuŋ ikpɔŋke ŋkpatian-ukot esie, tutu Shiloh edi; mme idut eyenyuŋ ekop enɔ

MATTHEW 2:5

Mmɔ edɔhɔ enye ete, Ke Bethlehem obio Judaea: koro ntem ke prophet ewet ete,

MATTHEW 1:25

inyuŋ ifiɔkke enye tutu enye aman eyeneren; ndien osio Enye enyiŋ JESUS.

LUKE 2:15

Edikem ke ini mme angel ema ekadaŋa ekpɔŋ mmɔ enyɔŋ ke heaven, mme ekpemerɔŋ edɔhɔ kiet eken ete, Eyak nnyin ika ke Bethlehem ikese ŋkpɔ emi okotibede, emi Jehovah asiande nnyin.

LUKE 1:5

Ke eyo Herod, edidem Judaea, oku kiet okodu, emi ekerede Zechariah, owo ŋka Abijah: ndien enye enyene ŋwan emi otode ke otu nditɔ Aaron, enyiŋ esie onyuŋ ekere Elizabeth.

1 NDIDEM 4:30

Ifiɔk Solomon onyuŋ awak akan ifiɔk kpukpru nditɔ edem usiaha-utin, ye ofuri ifiɔk Egypt.

GENESIS 25:6

Abraham onyuŋ ada enɔ ɔnɔ nditɔ iban esa oro Abraham enyenede, onyuŋ anam mmɔ edaha ekpɔŋ Isaac eyen esie, ke ini enye odude uwem kaŋa, ete eka ke idut ke edem emi utin asiahade.

MATTHEW 2:19

Edi ke ini Herod ama akakpa, sese, angel Jehovah ɔbiɔŋɔre Joseph ke iso ke ndap ke Egypt, ete enye,

MATTHEW 2:3

Ke adaŋemi Herod edidem okopde ŋkpɔ emi, esit otimere enye, ye kpukpru mbio Jerusalem ye enye.

GENESIS 10:30

Edem iduŋ mmɔ ɔtɔŋɔ ke Mesha, aka Sephar, osim akamba obot ke edem usiaha utin.

ŊWED JOB 1:3

Inyene esie onyuŋ edi tɔsin ŋkpri ufene itiaba, ye tɔsin camel ita, ye enaŋ iba-iba ke itie ikie ition, ye uman ass ikie ition, ye ata ediwak ikɔt; ndien owo oro okpon akan kpukpru nditɔ edem usiaha-utin.

GENESIS 41:8

Ekem ke usenubɔk esit etimere enye; ndien enye ɔdɔŋ ekekot kpukpru mbia-idiɔŋ Egypt, ye kpukpru mme ɔfiɔk-ŋkpɔ owo esie edi; ndien Pharaoh etiŋ ndap esie ɔnɔ mmɔ; edi baba owo kiet eke asiakde mmɔ ɔnɔ Pharaoh iduhe.

JUDGES 17:7

Edikem eyen Beth-lehem-judah kiet emi otode ke oruk Judah, emi onyuŋ edide Levite, oduŋ do.

MATTHEW 2:7

Ekem Herod okot mme ɔfiɔk-ŋkpɔ owo ke ndibe, onyuŋ otim obup mmɔ ɔfiɔk ini eke ntantafiɔŋ oro ɔkɔwɔrɔde.

MATTHEW 2:16

Ekem kini Herod okutde ete mme ɔfiɔk-ŋkpɔ owo ebiaŋa imɔ, enye ayaresit eti-eti, onyuŋ ɔdɔŋ eka ekowot kpukpru nditɔ-iren emi edude ke Bethlehem ye ke kpukpru adaŋa esie, ɔtɔŋde ke nditɔ isua iba tutu osim nsek nditɔ, nte asaŋade ekekem ye ini emi enye okotimde obup mme ɔfiɔk-ŋkpɔ owo.

1 CHRONICLES 2:51

ye Salma ete Beth-lehem, ye Hareph ete Beth-gader.