MATTHEW 19:9 - Edisana ñwed Abasi Ibom

⁹ Edi toto ke eritɔŋɔ ikedige ntre. Edi ndɔhɔ mbufo nte, Owo ekededi eke edisiode ŋwan esie ndɔ, ke mitoho ke eridue ye erenowo, onyuŋ ɔdɔde efen, esin efibe: ndien owo emi ɔdɔde enye, ke ini ema esio enye, esin efibe.

MATTHEW 19:9 Referans Kwoze

MATTHEW 5:32

Edi Ami ndɔhɔ mbufo nte, owo ekededi eke osiode ŋwan esie ndɔ, ke mitoho ke ntak eridue ye erenowo, anam ŋwan oro akabare edi esin-efibe: owo ekededi eke edinyuŋ ɔdɔde ŋwan oro esiode enye ndɔ, edi esin-efibe.

LUKE 16:18

Owo ekededi eke osiode ŋwan esie ndɔ, onyuŋ ɔdɔde efen, esin efibe: owo eke ɔdɔde ŋwan emi esiode ndɔ onyuŋ esin efibe.

1 ŊWED CORINTH 7:39

Ŋwan ɔbɔbɔ ke ndɔ ke adaŋa ini nte ebe esie odude uwem; edi ebe esie ama ede, enye atara, onyuŋ enyene unen ndidɔ owo eke amade; edi yak enye ɔdɔ owo Abasi ikpɔŋ-ikpɔŋ.

1 ŊWED CORINTH 5:1

EMA ekekop ete, use odu ke otu mbufo, kpa oruk use eke miduhe ke otu mme Gentile, ete, owo mbufo kiet akada ŋwan ete esie ɔdɔ.

JEREMIAH 3:8

Ndien Judah eyen-eka esie ama-nsu okut. Ndien okposuk edi nte efibe oro Israel ama-mfiakedem ekesinde, edi ofuri ntak emi ŋkosiode enye, nnyuŋ nnɔde enye ŋwed usio-ndɔ, ŋkut nte ke Judah eyen-eka esie aŋwan ama-nsu ifeheke ndik, edi aka akanam use, kpa enye ŋko-ŋko.

GENESIS 20:3

Edi Abasi etiene Abimelech ke ndap ke okoneyo kiet, ndien ɔdɔhɔ enye ete, Sese afo amakpa abaŋa ŋwan emi afo adade, koro enye edide ŋwan owo.

EZEKIEL 16:29

Afo onyuŋ anam use fo ke isɔŋ Canaan awak tutu osim Chaldea; emi ŋko inyuŋ iyuhɔke fi.

EZEKIEL 16:15

Ndien afo ɔbuɔt idem ye uyai fo, onyuŋ ese use abaŋa etop fo, onyuŋ ɔduɔk use fo ɔnɔ kpukpru mmɔ eke esaŋade ebe: enyene enye.

JEREMIAH 3:1

KPA nte edɔhɔde ete, Edieke owo osiode ŋwan esiemɔ, ndien ŋwan ɔkpɔŋ enye, onyuŋ akabare edi ŋwan owo efen, nte ebe ekeme ndifiak ntiene enye ŋko? Nte ikpasabakede isɔŋ oro eti-eti? Ndien afo amanam ido akpara ye ediwak mme ufan; edifiak tiene mi; Jehovah ɔdɔhɔ.

1 ŊWED CORINTH 7:4

Ŋwan inyeneke odudu ndida ikpɔhidem esie nnam nte ededi, edi ebe enyene odudu ke idem ŋwan: ntre ŋko ke ebe inyeneke odudu ndida ikpɔhidem esie nnam nte ededi, edi ŋwan enyene odudu ke idem ebe.

EZEKIEL 16:8

Ndien ami nsaŋa mbe fi nnyuŋ ŋkut fi, ndien, sese, ini fo edi ini ima; ndien ami ntat ɔfɔŋidem mi ndori fi ke idem, nnyuŋ mfuk fi iferi: nnyuŋ ŋŋwɔŋɔ nnɔ fi, nnyuŋ nduk ke ediomi ye afo, ndien afo akabare edi okimmɔ: uyo Ɔbɔŋ Jehovah edi emi.

2 CHRONICLES 21:11

Enye ŋko onyuŋ anam edikoŋ ebiet ke ikpɔ obot Judah, onyuŋ esin mme andiduŋ Jerusalem enam use, onyuŋ enyik Judah enam ntre.

MATTHEW 19:8

Jesus ɔdɔhɔ mmɔ ete, Oto nsɔŋesit mbufo ke Moses onyime mbufo esio iban mbufo.

MATTHEW 19:10

Mbet Esie edɔhɔ Enye ete, Edieke ŋkpɔ etiede ntem ye owo ye ŋwan esie, ifɔnke owo ndidɔ ndɔ.