MATTHEW 19:21 - Edisana ñwed Abasi Ibom

²¹ Jesus ɔdɔhɔ enye ete, Edieke oyomde ndifɔn mma, ka kanyam se enyenede, da nɔ mme ubuene, ndien eyenyene inyene ke heaven: nyuŋ di disaŋa ye Ami.

MATTHEW 19:21 Referans Kwoze

MARK 10:21

Edi Jesus owuk enyin ese enye, onyuŋ ama enye, ete, Ŋkpɔ kiet ɔsuhɔ fi; ka kanyam kpukpru se enyenede, yak nɔ mme ubuene, ndien enyenyene inyene ke heaven: nyuŋ di disaŋa ye Ami.

LUKE 18:22

Edi ke ini Jesus okopde emi, ɔdɔhɔ enye ete, Ŋkpɔ kiet ke osuk anana fi kaŋa; nyam kpukpru se enyenede, deme nɔ mme ubuene, ndien enyenyene inyene ke heaven: nyuŋ di disaŋa ye Ami.

LUKE 12:33

Enyam se mbufo enyenede eda efɔn ido ye mme ubuene; enam ekpat-okuk eke midikanike enɔ idem mbufo; ebon inyene ke heaven eke midikpuhu mbufo, ke ɔtɔ inɔ misaŋake ikpere, uta-ŋkpɔ minyuŋ ibiatke.

LUKE 14:33

Kpa ntre ke owo mbufo ekededi, eke misanake kpukpru se enye enyenede iyak, ikemeke ndidi mbet Mi.

UTOM MME APOSTLE 2:45

mmɔ enyuŋ enyam inyene mmɔ ye ŋkpɔ mmɔ, edeme enɔ kpukpru owo, adaŋa nte owo ekededi ananade.

JOHN 12:26

Edieke owo ekededi anamde ŋkpɔ ɔnɔ Mi, yak enye etiene Mi; ndien ebiet eke Ami ndude, asaŋutom Mi edidu do ŋko. Edieke owo anamde ŋkpɔ ɔnɔ Mi, Ete Mi eyekpono enye.

LUKE 9:23

Enye ɔdɔhɔ kpukpru mmɔ ete, Edieke owo ekededi oyomde nditiene Mi, yak enye otuk idem esie, onyuŋ emen cross esie ke usen ke usen etiene Mi.

JOHN 10:27

Mme erɔŋ Mi ekop Mi uyo, Ami mmonyuŋ mfiɔk mmɔ, mmɔ enyuŋ etiene Mi.

MATTHEW 5:48

Mbufo efɔn ema ndien, kpa nte Ete mbufo ke heaven ɔfɔnde ama.

LUKE 16:9

Mmonyuŋ ndɔhɔ mbufo nte, eda mammon ukwaŋido ekɔ mme ufan enim enɔ idem mbufo; man kini oro ebede efep, mmɔ oro ekpada mbufo eduk ke nsinsi iduŋ.

MATTHEW 19:28

Edi Jesus ɔdɔhɔ mmɔ ete, Ke akpanikɔ ke ndɔhɔ mbufo nte, ke ini edinamde ŋkpɔ ekabare edi mbufa, ke adaŋemi Eyen Owo editiede ke ebekpo ubɔŋ Esie, mbufo, emi eketienede Mi, eyenyuŋ etie ke ebekpo duopeba, ekpe ikpe enɔ esien Israel duopeba.

MATTHEW 16:24

Ekem Jesus ɔdɔhɔ mbet Esie ete, Edieke owo ekededi oyomde nditiene Mi, yak enye otuk idem esie, onyuŋ emen cross esie, etiene Mi.

LUKE 6:40

Eyen ukpep-ŋkpɔ ikanke andikpep enye: edi kpukpru eyen ukpep-ŋkpɔ eyetie nte andikpep enye ke ini etimde ekpep enye ŋkpɔ ema.

LUKE 5:27

Ekem ke mme ŋkpɔ emi ema ekebe, Jesus ɔwɔrɔ aŋwa, okut publican kiet, emi ekerede Levi, etiede ke itie ubɔ-utomo, onyuŋ ɔdɔhɔ enye ete, Tiene Mi.

MARK 8:34

Ekem Enye okot otu owo ye mbet Esie edi, onyuŋ ɔdɔhɔ mmɔ ete, Owo ekededi ama oyom nditiene Mi, yak Enye otuk idem esie, onyuŋ emen cross esie etiene Mi.

MATTHEW 9:9

Ekem nte Jesus otode do asaŋa ebe, Enye okut owo kiet, emi ekerede Matthew, etiede ke itie ubɔ-utomo; onyuŋ ɔdɔhɔ enye ete, Tiene Mi. Ndien Matthew adaha ke enyɔŋ, etiene Enye.

MME HEBREW 10:34

Koro mbufo ekatuade mmɔ emi edude ke ŋkpɔkɔbi mbɔm, enyuŋ enyime ke idaresit ete ebume inyene mbufo, sia mbufo efiɔkde ete imenyene inyene eke ɔfɔnde akan onyuŋ ebigide.

MARK 2:14

Ndien nte Enye asaŋade ebe, Enye okut Levi eyen Alphaeus etiede ke itie ubɔ-utomo, onyuŋ ɔdɔhɔ enye ete, Tiene Mi. Levi onyuŋ adaha ke enyɔŋ etiene Enye.

MATTHEW 8:22

Edi Jesus ete enye, Tiene Mi; nyuŋ yak mme akpa-mkpa ebuk mme akpa-mkpa mmɔ.

MATTHEW 4:19

Enye onyuŋ ɔdɔhɔ mmɔ ete, Etiene Mi, ndien nyenam mbufo edi mme ɔkɔ-owo.

ŊWED MME PSALM 37:37

Tiŋ enyin ke owo eke ɔfɔnde ama, nyuŋ se edinen owo: koro (eti) utit anade ɔnɔ owo emem.

ŊWED JOB 1:1

OWO kiet, ekere Job, okodu ke isɔŋ Uz: ndien owo oro ɔfɔn ama, onyuŋ enen, onyuŋ abak Abasi, onyuŋ afara ke idiɔk.

GENESIS 17:1

NDIEN adaŋa emi Abram osimde isua anaŋ ye efurenaŋ, Jehovah owut Abram idem esie, ete enye, Ami ndi Abasi Ibom, saŋa ke iso mi, nyuŋ fɔn ma.

GENESIS 6:9

Emi edi mbuk emana Noah: Noah enen oyuŋ ɔfɔn ama ke eyo esie,

MATTHEW 19:20

Akparawa oro ɔdɔhɔ enye ete, Mma nnonim kpukpru ŋkpɔ emi: nso isuhɔ mi ndinam?

MATTHEW 19:22

Edi ke adaŋemi akparawa okopde ikɔ oro, enye ɔnyɔŋ ye mfuhɔ, koro enye edide owo eke enyenede ediwak inyene.