MATTHEW 17:4 - Edisana ñwed Abasi Ibom

⁴ Edi Peter ɔbɔrɔ Jesus ete, Ɔbɔŋ, ɔfɔn nnyin ndidu mi: edieke afo onyimede, nyebɔp ataya ita mi; kiet enyene Fi, kiet enyene Moses, kiet onyuŋ enyene Elijah.

MATTHEW 17:4 Referans Kwoze

LUKE 9:33

Edikem nte mmɔ edianarede ekpɔŋ Enye, Peter ɔdɔhɔ Jesus ete, Andikpep, ɔfɔn nnyin ndidu mi: yak nnyin inyuŋ ibɔp ataya ita; kiet enyene Fi, kiet enyene Moses, kiet onyuŋ enyene Elijah; edi enye ifiɔkke se enye ɔdɔhɔde.

JOHN 17:24

Ete, mmoyom nte mmɔ emi Afo ɔkɔnɔde Mi edidu ye ami ke ebiet eke ndude; man mmɔ ekut ubɔŋ Mi emi Afo ɔkɔnɔde Mi: koro Afo akamama Mi, ndien ediwuk adaha ererimbot.

ISAIAH 33:17

Enyin fo eyese edidem ke uyai esie; eyekut anyan idut.

ŊWED MME PSALM 16:11

Afo eyewut mi usuŋ uwem: uyuhɔ idaresit ke iso fo; ŋkpɔ inemesit ke ubɔk nnasia fo ke nsinsi.

ŊWED MME PSALM 4:6

Ediwak owo edɔhɔ ete, Anie ediwut nnyin ufɔn? O Jehovah, nam uŋwana iso fo ayama ɔnɔ nnyin.

ERIYARARE 21:23

Obio inyuŋ iyomke utin ye ɔfiɔŋ ndiyama nnɔ enye; koro ubɔŋ Abasi anamde enye aŋwaŋa, Eyen-erɔŋ onyuŋ edide utuenikaŋ esie.

1 JOHN 3:2

Ndima, nnyin idi nditɔ Abasi ke emi; ndien iyarakere kaŋa iwut se nnyin ididide. Edi nnyin ifiɔk ite, edieke Enye ediwɔrɔde owut idem nnyin iyebiet Enye, koro nnyin iyekut Enye nte Enye edide.

ŊWED MBON PHILIPPI 1:23

Ekikere asiaha mi iba; ɔdɔŋ mi ndidaha nnyɔŋ ŋkodu ye Christ, koro edi oro otim ɔfɔn akan:

ZECHARIAH 9:17

Koro enye ɔfɔn didie! enye onyuŋ eye didie! Ibokpot eyenam mkparawa ekɔri, obufa wine eyenyuŋ anam nditɔ-iban ekpon.

MATTHEW 17:3

Ndien sese, Moses ye Elijah ebiɔŋɔ mmɔ ke iso eneme nneme ye Enye.

JOHN 7:2

Edi usɔrɔ mme Jew ekpere, kpa usɔrɔ mme ataya.