MATTHEW 17:24 - Edisana ñwed Abasi Ibom

²⁴ Ekem ke ini mmɔ edukde ke Capernaum, mme ataŋ-okuk utomo temple etiene Peter ete, Nte Andikpep mbufo inɔŋɔ okuk utomo? Peter onyime ete, Enye ɔnɔnɔ.

MATTHEW 17:24 Referans Kwoze

EXODUS 38:26

nte edisana shekel edide, eke kpukpru owo eke ebede eduk ke otu mme mmɔ emi ebatde, ɔtɔŋɔde ke owo isua edip, ye mmɔ eke ebede oro, eke tɔsin owo ikie itiokiet ye tɔsin ita, ye ikie ition ye aba ye duop.

EXODUS 30:13

Emi ke kpukpru owo emi ebede eduk ke otu mmɔ emi ebatde mmɔ, edinɔ, kpa ibio shekel, nte asaŋade ye edisana shekel; (shekel oro oduk gerah edip;) ibio shekel oro edidi enɔ Jehovah.

MARK 9:33

Ekem mmɔ edi ke Capernaum; ndien ke ini Enye odude ke ufɔk, Enye obup mmɔ ete, Mbufo ekeneni nso ke usuŋ?

NEHEMIAH 10:32

Nnyin inyuŋ iwuk idem nnyin, ite iyenɔ ɔyɔhɔ ubak shekel ita ke idem nnyin, kpukpru isua, ke utom ufɔk Abasi nnyin;

MATTHEW 5:46

Koro edieke mbufo emade mmɔ eke emade mbufo, nso utip ke enyene? Nte kpa mme publican inamke suk ntre?