MATTHEW 16:24 - Edisana ñwed Abasi Ibom

²⁴ Ekem Jesus ɔdɔhɔ mbet Esie ete, Edieke owo ekededi oyomde nditiene Mi, yak enye otuk idem esie, onyuŋ emen cross esie, etiene Mi.

MATTHEW 16:24 Referans Kwoze

MATTHEW 10:38

Ndien owo eke mimenke cross esie itiene Mi idotke ye Ami.

LUKE 14:27

Owo ekededi eke minyuŋ ibiomke cross esie itiene Mi ke edem ikemeke ndidi owo mbet Mi.

MARK 10:21

Edi Jesus owuk enyin ese enye, onyuŋ ama enye, ete, Ŋkpɔ kiet ɔsuhɔ fi; ka kanyam kpukpru se enyenede, yak nɔ mme ubuene, ndien enyenyene inyene ke heaven: nyuŋ di disaŋa ye Ami.

2 ŊWED TIMOTHY 3:12

Ke akpanikɔ kpukpru owo eke eyomde ndidu eti uwem ke Christ Jesus enyene ndibiom isin-enyin.

MARK 8:34

Ekem Enye okot otu owo ye mbet Esie edi, onyuŋ ɔdɔhɔ mmɔ ete, Owo ekededi ama oyom nditiene Mi, yak Enye otuk idem esie, onyuŋ emen cross esie etiene Mi.

UTOM MME APOSTLE 14:22

ekpe ye mmɔ ete esuk eyire ke mbuɔtidem, enyuŋ esian mmɔ ete, nnyin inyene ndibe ke ediwak ukut nduk ke Obio Ubɔŋ Abasi.

ŊWED MBON COLOSSAE 1:24

Ke emi mmedat esit ke ndutuhɔ eke ŋkutde kabaŋa mbufo, nnyuŋ nnam se isuhɔde ke ukut Christ ɔyɔhɔ ke obukidem mi, man ɔfɔn ye idem Esie, oro edi ufɔk Abasi:

JOHN 19:17

Ntem ke mmɔ eda Jesus: ndien Enye ɔwɔrɔ obiom cross Esiemɔ, aka ke ebiet emi ekerede Itie-Mkpɔkpɔrɔ, onyuŋ ekerede Golgotha the usem Hebrew.

1 ŊWED THESSALONICA 3:3

mbak owo ndomo kiet edisehere ɔkpɔŋ itie esie ke ntak ukut oro; koro mbufo ke idem mbufo efiɔkde ete oro edi akaŋa nnyin.

MATTHEW 27:32

Edi ke adaŋemi mmɔ ewɔrɔde, mmɔ ekut owo Cyrene, emi ekerede Simon: mmɔ enyik enye etiene mmɔ, man obiom cross Jesus.

MARK 15:21

Ndien mmɔ enyik owo kiet emi ebede, Simon owo Cyrene, ete Alexander ye Rufus, emi otode ke iŋwaŋ ete asaŋa ye mme imɔ obiom cross Esie.

LUKE 23:26

Ndien nte mmɔ edade Enye edaha, mmɔ emum simon, owo Cyrene, emi otode ke iŋwaŋ, emen cross edori enye ke edem, ete ada etiene Jesus.

JOHN 21:19

Enye etiŋ ntem owut oruk mkpa eke Simon edidade ɔnɔ Abasi ubɔŋ. Ndien ke Jesus ama eketiŋ ntem, ete Peter, Tiene Mi.

JOHN 21:22

Edieke nyomde enye osuk odu tutu ndi, nso mbubehe ke enyene do? afo kam tiene Mi.

1 PETER 2:21

Ekekot mbufo ete edinam oro; koro Christ ke Idem Esie ama okut ndutuhɔ kabaŋa mbufo, onyuŋ ɔkpɔŋ uwut-ŋkpɔ ɔnɔ mbufo, ete, mbufo ekpetiene esaŋa ke nde ikpat Imɔ.