MATTHEW 16:21 - Edisana ñwed Abasi Ibom

²¹ Toto ke ini oro Jesus ɔtɔŋɔ ndiwut mbet Esie ete, Imɔ inyene ndika ke Jerusalem ŋkokut ediwak ukut ke ubɔk mbiowo ye ikpɔ oku ye mme scribe; mmɔ eyenyuŋ ewot Imɔ, ndien ke ɔyɔhɔ usen ita Abasi eyenam Imɔ iset.

MATTHEW 16:21 Referans Kwoze

MATTHEW 17:12

Ŋkɔm ndɔhɔ mbufo nte, Elijah ededi ama, ndien mmɔ ikɔdiɔŋɔke enye, edi ema enam enye se mmɔ emade. Kpasuk ntre ke Eyen Owo ŋko eyekut ukut ke ubɔk mmɔ.

MATTHEW 27:63

Ɔbɔŋ, nnyin imeti ite, ke ini owo abiaŋa oro okodude uwem, Enye ɔdɔhɔ ete, Usen ita ema ebe Imɔ iyeset.

MATTHEW 20:28

kpa nte Eyen Owo mikedige, man enam ŋkpɔ enɔ Enye edi man Enye anam ŋkpɔ ɔnɔ owo, onyuŋ ɔnɔ uwem Esie ndifak ediwak owo.

LUKE 17:25

Edi Enye enyene ndibem iso ŋkut ediwak ukut, mbio emana emi eyenyuŋ esin Enye.

LUKE 24:46

Enye onyuŋ ɔdɔhɔ mmɔ ete, Ekewet ntem, ete Christ enyene ndikpa, ndinyuŋ ntɔŋɔ ntak nset ke mkpa ke ɔyɔhɔ usen ita:

MARK 8:31

Ekem Enye ɔtɔŋɔ ndikpep mmɔ ete, Eyen owo enyene ndikut ediwak ukut; mbiowo, ye ikpɔ oku, ye mme scribe eyenyuŋ esin Enye, enyuŋ ewot Enye, ndien ke usen ita ema ebe, Enye eyeset ke mkpa.

LUKE 9:31

enyuŋ enemede nneme ebaŋa mkpa emi Enye edikpade ke Jerusalem.

MATTHEW 26:47

Ndien ke adaŋemi Enye osuk etiŋde ntem, sese, Judas, emi edide owo kiet ke otu mbet duopeba, edi; akwa otu owo, eke etode ke ikpɔ oku ye mbiowo obio, enyuŋ esaŋa ye enye, ye ofut ye eto ke ubɔk.

MATTHEW 26:2

Enye ɔdɔhɔ mbet Esie ete, Mbufo efiɔk ete, usen iba ema ebe, passover edi, ndien ema eda Eyen Owo enɔ, ete ewot Enye ke cross.

MATTHEW 27:12

Ndien ke ini ikpɔ oku ye mbiowo edoride Enye ikɔ, Enye ibɔrɔke baba ikɔ kiet.

MATTHEW 16:28

Ke akpanikɔ ke ndɔhɔ mbufo nte, ndusuk owo edu ke otu mmɔ emi edade mi, emi miditabike mkpa, tutu mmɔ ekut Eyen Owo edide ndida ubɔŋ.

NEHEMIAH 12:7

Sallu, Amok, Hilkiah, Jedaiah. Mme mmɔ emi edi mme etubom mme oku, ye eke nditɔ-ete mmɔ ke eyo Jeshua.

MATTHEW 12:40

Koro nte Jonah okodude ke idibi akamba iyak uwemeyo ita ye okoneyo ita, ntre ke Eyen Owo eyedu ke esit isɔŋ uwemeyo ita ye okoneyo ita.

MATTHEW 16:22

Edi Peter ada Enye ɔtɔŋɔ ndisua nnɔ Enye, ete, Idiɔk ŋkpɔ aka nsan-nsan ye Afo, Ɔbɔŋ; utɔ ŋkpɔ emi idiwɔrɔke Fi.

MATTHEW 17:9

Ndien nte mmɔ etode ke obot esuhɔre, Jesus owuk mmɔ ete, ekutiŋ ŋkukut emi enɔ baba owo kiet, tutu Eyen Owo eset ke mkpa.

MATTHEW 28:6

Enye iduhe mi; Enye emeset kpa nte ɔkɔdɔhɔde. Edi edise ebiet emi Ɔbɔŋ akanade do.

MARK 9:12

Enye ɔdɔhɔ mmɔ ete, Ke akpanikɔ Elijah ke ebem iso edi edidiɔŋ kpukpru ŋkpɔ: edi ekanam didie ewet ebaŋa Eyen Owo ete, Enye eyekut ediwak ukut, idinyuŋ idaha Enye ikɔm ŋkpɔ?