MATTHEW 16:18 - Edisana ñwed Abasi Ibom

¹⁸ Ami mmonyuŋ ndɔhɔ fi nte, Afo edi Peter, ndien nyebɔp ufɔk Mi ke enyɔŋ itiat emi, mme inua-etop Hades idinyuŋ ikanke enye.

MATTHEW 16:18 Referans Kwoze

ISAIAH 28:16

Mmɔdo ntem ke Ɔbɔŋ Jehovah ɔdɔhɔ, ete, Sese, ami mmonim itiat ke Zion, itiat eke edomode, ɔsɔŋ-urua itiat inuk, emi etimde esin ke idak ibibene: owo eke ɔbuɔtde idem idinyeneke ndifehe.

ŊWED MBON COLOSSAE 1:18

Enye onyuŋ edi Ibuot ɔnɔ idem, emi edide ufɔk Abasi: sia Enye edide akpa, emi ekebemde iso amana ke otu mme akpa-mkpa: man Enye ekpedi ebe-iso ke kpukpru ŋkpɔ.

JOHN 1:42

Ada enye edi ke ɔtɔ Jesus. Jesus owuk enyin ese enye, ete enye, Afo edi Simon, eyen John; edikot fi Cephas (oro ɔwɔrɔ ete, Peter).

MME HEBREW 12:28

Mmɔdo sia nnyin inyenede Obio Ubɔŋ eke ŋkpɔ mikemeke ndinyeŋe, yak nnyin inyene esit ekɔm, inyuŋ ida emi inɔ Abasi, utom eke enemde Enye esit ke ukpono ye uteŋe.

UTOM MME APOSTLE 2:47

Ndien Ɔbɔŋ ada mmɔ emi ke enyanyaŋa adian ye mmɔ ke usen ke usen.

1ŊWED TIMOTHY 3:15

edi edieke mbigide ndidi, ŋwet man afo ɔfiɔk usuŋ nte owo ekpedude uwem ke ufɔk Abasi; emi edide ufɔk odu uwem Abasi, adaha ye isɔŋ eke akpanikɔ Abasi odorode ke esit.

ISAIAH 54:17

Baba ŋkpɔ ekɔŋ kiet eke ebotde ebaŋa fi idikwe unen; afo eyenyuŋ anam ikɔ otip kpukpru edeme eke edahade eda enam ikɔ ye afo. Jehovah ɔdɔhɔ ete, Emi edi udeme ikɔt Jehovah, edinen ido mmɔ onyuŋ oto ye ami.

ŊWED MBON EPHESUS 5:32

Akamba ndibe-ŋkpɔ edi emi; edi ntiŋ mbaŋa Christ ye ufɔk Abasi.

ŊWED MBON EPHESUS 3:10

Man oto do ke emi, ekpada ufɔk Abasi enam mme andikara ye mme enyene-odudu emi edude ke mme itie heaven efiɔk uwak-uwak ɔniɔŋ Abasi;

MME ŊKE 24:7

Eti ibuot okoŋ akan ndisime owo: enye itatke inua esie ke inua-otop.

ŊWED JOB 38:17

Nte emeberede enyin-usuŋ mkpa enɔ fi? Nte onyuŋ okut inua-otop mfut mkpa?

ERIYARARE 21:14

Ibibene obio onyuŋ enyene itiat-idak-isɔŋ duopeba, enyuŋ ewet enyiŋ mme apostle Eyen-erɔŋ duopeba esin ke mme itiat oro.

UTOM MME APOSTLE 8:1

EDI Saul onyime ewot enye. Ke usen oro akwa isin-enyin onyuŋ otibe ye ufɔk Abasi emi odude ke Jerusalem; kpukpru mmɔ enyuŋ esuana ke edem Judaea ye Samaria, ke mibɔhɔke mme, apostle.

ŊWED MME PSALM 9:13

Tua mi mbɔm, O Jehovah; se ukut mi eke otode ke mme asua mi, afo emi emende mi ke inua-otop mkpa efep:

1ŊWED TIMOTHY 3:5

(edi edieke owo mifiɔkke ndikama ufɔk esiemɔ, enye edikeme didie ndikpeme ufɔk Abasi?)

ŊWED MBON GALATIA 2:9

ke ini mmɔ efiɔkde ufɔn eke Abasi ɔkɔnɔde mi, James ye Cephas ye John, emi ebatde mmɔ nte mme adaha, ekam enɔ mi ye Barnabas ubɔk nnasia nsaŋa, ete nnyin itiene mme Gentile, mme imɔ inyuŋ itiene mme ana-mbobi.

MATTHEW 18:17

Edi edieke enye esinde ndikop uyo mmɔ, men tiŋ nɔ ufɔk Abasi, edi enye esinde ndikop uyo ufɔk Abasi, yak enye etie fi ke enyin nte owo mme idut ye publican.

MATTHEW 11:23

Ndien afo Capernaum, nte eyemenere okoŋ osim ikpa-enyɔŋ? Eyesuhɔre fi osim obio ekpo: koro edieke ekpekenamde ke Sodom mme utom odudu eke ekanamde ke esit fo, enye okposuk odu osim mfin emi.

MATTHEW 10:2

Enyiŋ mme apostle duopeba edi emi: akpa owo edi Simon, emi ekerede Peter, ye Andrew eyen-eka esie; ye James eyen Zebedee ye John eyen-eka esie;

ŊWED MME PSALM 69:12

Mmɔ eke etiede ke inua-otop etiŋ ebaŋa mi; nnyuŋ ndi se mbon mmin ekwɔde.

GENESIS 22:17

eyen fo kierakiet; nte nyediɔŋ fi akamba, nyenyuŋ nnam ubon fo ewak eti-eti nte ntantafiɔŋ enyɔŋ, ye nte ntan emi odude ke mben inyaŋ; ubon fo eyenyuŋ enyene enyin-usuŋ mme asua mmɔ:

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

1 ŊWED CORINTH 15:55

O mkpa, erikan fo enye?

ISAIAH 38:10

Ami ŋkɔdɔhɔ ke ufɔt eyo uwem mi, ete, Nyeka ŋkoduk ke usuŋ obio ekpo: emebɔ mi isua mi emi esuhɔde.

ISAIAH 28:6

onyuŋ edi spirit ikpe mmɔ eke etiede ke itie ikpe, onyuŋ edi odudu mmɔ eke ebinde ekɔŋ efep ke inua-otop.

ŊWED MME PSALM 107:18

Ukpɔŋ mmɔ asua kpukpru oruk udia; ndien mmɔ edisim ke inua-otop mkpa.

2 SAMUEL 18:4

ndien akam ɔfɔn nte afo etiede ke obio anyaŋa nnyin. Ndien edidem ɔdɔhɔ mmɔ, ete, Nyenam se mbufo emade. Edidem onyuŋ ada ke mben inua-otop, ndien kpukpru owo ewɔŋɔ ke ikie, ke ikie, ye ke tɔsin, ke tɔsin.

ŊWED MME PSALM 127:5

Ɔfɔfɔn ɔnɔ owo eke adade mmɔ ɔyɔhɔ ke odibidaŋ esie: but idinamke mmɔ, ndien mmɔ eyedɔhɔ ye mme asua mmɔ ke inua-otop.

ŊWED MME PSALM 129:2

mmɔ ewak ndituk mi toto ke uyen mi: edi ikanke mi.

JONAH 2:6

Nsuhɔre nsim oruŋ ikpɔ obot; isɔŋ ada eto usin-usuŋ esie abaha mi ke nsinsi: edi afo, O Jehovah Abasi mi eyesio uwem mi ke obube efep.

MATTHEW 4:18

Edi nte Enye asaŋade ke mben Inyaŋ Galilee, enye okut nditɔeka iba, kpa Simon emi ekerede Peter ye Andrew eyen-eka esie, nte eduɔŋɔde iyire ke inyaŋ; koro mmɔ edide mme ɔkɔ-iyak.

MATTHEW 7:24

Mmɔdo kpukpru owo eke ekopde ikɔ Mi emi, enyuŋ enimde mmɔ, nyedomo enye ye enyene-ibuot owo emi ɔbɔpde ufɔk esie ke enyɔŋ akamba itiat:

UTOM MME APOSTLE 20:28

Etim ese idem mbufo, ye ofuri otu erɔŋ, emi Edisana Spirit okonimde mbufo ke mme andikpeme mmɔ, ete ebɔk mbon ufɔk Abasi, emi Enye ekedepde ke iyip Esie.