MATTHEW 15:8 - Edisana ñwed Abasi Ibom

⁸ Mbio emi ekpono Mi ke mkpɔk-inua mmɔ; Edi esit mmɔ ada nsan-nsan ye Ami.

MATTHEW 15:8 Referans Kwoze

ISAIAH 29:13

Ndien Ɔbɔŋ ɔdɔhɔ ete, koro mbio-obio emi etienede mi ke inua mmɔ, enyuŋ ekponode mi ke mkpɔk-inua mmɔ, edi esit mmɔ ada nsan-nsan ye ami, uteŋe eke mmɔ eteŋede mi onyuŋ akabare edi item owo, ŋkpɔ eke etemede mmɔ: mmɔdo, sese,

EZEKIEL 33:31

ndien mmɔ edi ke ɔtɔ fo, kpa nte mbio-obio edide, enyuŋ etie ke iso fo, kpa nte ikɔt mi etiede, mmɔ enyuŋ ekop ikɔ fo; edi inamke mmɔ: koro mmɔ enamde nte mbon-ima ke mkpɔk-inua mmɔ, edi esit mmɔ ebine udori mmɔ.

UTOM MME APOSTLE 8:21

Afo unyeneke udeme ye nsaŋa ke ŋkpɔ emi: koro esit fo minenke ke iso Abasi.

1 PETER 3:10

Koro, Owo emi edimade uwem, Edinyuŋ oyomde ndikut edifɔn ini, Yak enye afara edeme esie ke idiɔk, onyuŋ ekpeme mkpɔk-inua esie okubiaŋa abiaŋa.

MME ŊKE 23:26

Eyen mi, nɔ mi esit fo: Yak enyin fo enyuŋ etim ese usuŋ mi.

MME HEBREW 3:12

Nditɔ-ete, ekpeme mbak ndusuk idiɔk esit unana mbuɔtidem edidu owo mbufo kiet ke idem, ke eriwɔŋɔre ŋkpɔŋ Abasi uwem:

JEREMIAH 12:2

Afo ɔkɔtɔ mmɔ ke isɔŋ, mmɔ enyuŋ emum ŋkam ke isɔŋ: eka iso, enyuŋ eŋwum mfri: afo emekpere ke inua mmɔ, edi oyom usuŋ ye ŋkpɔ esit idem mmɔ.

JOHN 1:47

Jesus okut Nathanael nte asaŋade edi, onyuŋ abaŋa enye ete, Sese, ata eyen Israel, emi ŋkari miduhe enye ke esit.

MATTHEW 15:7

Mbufo mbon mbubik, Isaiah ototim etiŋ nte prophet abaŋa mbufo, ete,

MARK 7:6

Edi Enye ɔdɔhɔ mmɔ ete, Isaiah ototim etiŋ nte prophet abaŋa mbufo, mbon mbubik, nte ewetde ete, Mbio emi ekpono Mi ke mkpɔk-inua mmɔ, Edi esit mmɔ ada nsan-nsan ye Ami;

JOHN 5:23

man kpukpru owo ekpono Eyen kpa nte mmɔ ekponode Ete. Owo eke mikponoke Eyen ikponoke Ete emi ɔkɔdɔŋde Enye.