MATTHEW 15:4 - Edisana ñwed Abasi Ibom

⁴ Koro Abasi ɔkɔdɔhɔ ete, Kpono usɔ ye uka; ŋko, Owo eke etiŋde idiɔk adian ete me eka okutre ndikpa.

MATTHEW 15:4 Referans Kwoze

EXODUS 20:12

Kpono usɔ ye uka; kpaŋ usen fo ekpebige ke isɔŋ emi Jehovah Abasi fo ɔnɔde fi.

LEVITICUS 20:9

Owo ekededi eke osuŋide ete esie ye eka esie, enyene ndikpa: enye osuŋi ete esie ye eka esie; iyip esie ɔsɔp enye.

EXODUS 21:17

Ndien owo eke osuŋide ete esie mme eka esie, okutre ndikpa.

DEUTERONOMY 5:16

Kpono usɔ ye uka, kpa nte Abasi fo okowukde fi; man usen fo ebigi, man onyuŋ ɔfɔn fi, ke isɔŋ emi Jehovah Abasi fo ɔnɔde fi.

MME ŊKE 23:22

Kop uyo usɔ emi okobonde fi: kunyuŋ usin uka ke udek, koro enye ɔsɔŋde.

LEVITICUS 19:3

Kpukpru mbufo ebak eka mbufo ye ete mbufo, enyuŋ enim mme sabbath mi: ami ndi Jehovah Abasi mbufo.

MATTHEW 19:19

Kudi ntiense nsu, Kpono usɔ ye uka, Nyuŋ ma mbɔhiduŋ fo nte idem fo.

ŊWED MBON EPHESUS 6:1

NDITƆ ekop uyo mme ete ye mme eka mbufo ke Ɔbɔŋ; koro emi enende.

MME ŊKE 20:20

Owo ama osuŋi ete esie ye eka esie, utuenikaŋ esie eyenime ke mkpɔsɔŋ eyo.

DEUTERONOMY 27:16

Ɔdɔdiɔk ɔnɔ owo eke esinde ete esie ye eka esie ke ndek. Ndien yak kpukpru owo edɔhɔ ete, Amen.

ŊWED MBON ROME 3:31

Nte nnyin ida mbuɔtidem emi inam ibet ɔwɔrɔ ikpikpu naŋa? Baba, nnyin inam ibet ɔsɔŋɔ ada.

MME ŊKE 30:17

Ama edi enyin eke esuenede ete, onyuŋ esede eka ke ndek, minyuŋ ikopke uyo esie, mme raven ke itihere eyekɔŋ enye; nditɔ ntrukpom eyenyuŋ eta enye.

MATTHEW 4:10

Ekem Jesus ɔdɔhɔ enye ete, Daha Mi ke usuŋ, Satan: koro ema ewet ete, Tuak ibuot nɔ Jehovah Abasi fo, nyuŋ nam ŋkpɔ nɔ Enye ikpɔŋ-ikpɔŋ.

ISAIAH 8:20

Ebup ewuhɔ ye ŋwed ntiense: ke mmɔ minyimeke ndidɔhɔ nte ekemde ye ikɔ emi, ke edi mmɔ eke midikwe usiere.

MATTHEW 15:3

Edi Jesus ɔbɔrɔ mmɔ ete, Nsinam mbufo nde edade item mbufo ebiat ibet Abasi?

MATTHEW 15:5

Edi mbufo ete, Owo ama ɔdɔhɔ ete esie mme eka esie ete, Mmayak se ŋkpadade mfɔn fi mfɔn nnɔ Abasi; enye idikponoke ete esie.