MATTHEW 15:10 - Edisana ñwed Abasi Ibom

¹⁰ Ndien Enye okot otu owo, onyuŋ ɔdɔhɔ mmɔ ete, Ekop, enyuŋ etim efiɔk ŋkpɔ.

MATTHEW 15:10 Referans Kwoze

ŊWED MBON COLOSSAE 1:9

Ke ntak emi, toto ke usen emi ikokopde ŋkpɔ emi, nnyin ŋko idopke ndibɔŋ akam mbaŋa mbufo, ndinyuŋ nnam mkpe-ubɔk ite, Abasi akpakam anam mbufo eyɔhɔ ye ifiɔk uduak Esie ke kpukpru eti ibuot ye ikike ke ŋkpɔ Spirit;

LUKE 24:45

Ndien Enye aŋwaŋare mmɔ ikike, man mmɔ efiɔk ikɔ Abasi;

ŊWED MBON EPHESUS 1:17

Mmebeŋe nte Abasi Ɔbɔŋ nnyin Jesus Christ, Ete ubɔŋ akpakam ɔnɔ mbufo spirit ɔniɔŋ ye eriyarare, emi mbufo edidade efiɔk Enye;

MATTHEW 24:15

Mmɔdo ke adaŋemi mbufo edikutde ŋkpɔ mbubiam nsobo, emi prophet Daniel eketiŋde abaŋa, nte adade ke edisana ebiet (yak enye eke okotde ŋwed otim ɔfiɔk),

MATTHEW 13:19

Ke ini owo ekededi okopde ikɔ Obio Ubɔŋ Heaven, minyuŋ ifiɔkke se ɔwɔrɔde, andidiɔk edi editaŋ se ekasuande ke esit owo oro. Emi edi enye emi esuande mkpasip ke mben ɔkpɔusuŋ.

ISAIAH 55:3

Mbufo ekpaŋ utɔŋ mbufo, enyuŋ edi etiene mi: ekop, ndien ukpɔŋ mbufo eyedu uwem; ndien nyenam nsinsi ediomi ye mbufo, kpa ŋkpɔ ima David eke edide akpanikɔ.

ISAIAH 6:9

Ndien enye ɔdɔhɔ, ete, Ka kɔdɔhɔ mbio emi, ete, Mbufo esuk ekop, edi ekunyene ibuot; esuk ese ŋko, edi ekufiɔk.

1 NDIDEM 22:28

Ndien Micaiah ɔdɔhɔ ete, Afo ama afiak ke ifure, Jehovah ikadaha inua mi itiŋ. Enye onyuŋ ɔdɔhɔ ete, Mbufo akpaimɔ ekop.

JAMES 1:5

Edi edieke owo mbufo ekededi ananade eti ibuot, yak enye ebeŋe Abasi, emi ɔnɔde kpukpru owo ke ntarubɔk, minyuŋ itɔhɔke owo; ndien Abasi eyenɔ enye.

MATTHEW 15:9

Edi mmɔ ekpono Mi ikpikpu, Sia ekpepde item owo ke ukpep-ŋkpɔ mmɔ.

MATTHEW 15:11

Idige se idukde owo ke inua asabare owo, edi se iwɔrɔde owo ke inua, ke edi oro asabare owo.