MATTHEW 15:1 - Edisana ñwed Abasi Ibom

¹ EKEM mme Pharisee ye mme scribe eto ke Jerusalem etiene Jesus, ete,

MATTHEW 15:1 Referans Kwoze

UTOM MME APOSTLE 23:9

Ntem ke akwa ndutime otibe, ndusuk mme scribe emi etode ke otu mme Pharisee enyuŋ edaha ke enyɔŋ esɔŋɔ eneni, ete, Nnyin ikwe idiɔk ke idem owo emi: nso ikpan ite spirit mme angel okutiŋ ikɔ ye enye?

LUKE 5:30

Edi mme Pharisee ye mme scribe mmɔ esuk Enye uyo enɔ mbet Esie, ete, Nsinam mbufo ediade enyuŋ eŋwɔŋde ŋkpɔ ye mme publican ye mme idiɔk owo?

LUKE 5:21

Edi mme scribe ye mme Pharisee etɔŋɔ ndineni, ete, Anie edi enye emi osuŋide Abasi? Anie ekeme ndifen mme idiɔk ŋkpɔ ke mibɔhɔke Abasi ikpɔŋ-ikpɔŋ?

LUKE 5:17

Ekem ke usen kiet, nte Enye ekpepde owo ŋkpɔ, mme Pharisee ye mme ekpep-ibet, emi ekotode ke kpukpru obio-iŋwaŋ Galilee ye Judaea, ye ke Jerusalem, enyuŋ etie do: odudu Jehovah onyuŋ odu ye Enye ndinam udɔŋɔ okure.

MARK 3:22

Ndien mme scribe emi etode ke Jerusalem esuhɔre edi, edɔhɔ ete, Enye enyene Beelzebub, ŋko, Enye ada ɔbɔŋ mme demon ebin mme demon ɔduɔk.

MATTHEW 23:2

mme scribe ye mme Pharisee etie ke itie Moses:

MATTHEW 5:20

Koro ndɔhɔ mbufo nte Edieke edinen ido mbufo mikanke eke mme scribe ye mme Pharisee, mbufo ididukke ke Obio Ubɔŋ heaven.

JOHN 1:19

Ndien emi edi ikɔ ntiense John, ke adaŋemi mme Jew emi etode ke Jerusalem esiode mme oku ye mme Levite edɔŋ ke ɔtɔ esie, ete ebup enye ete, Afo edi anie?

UTOM MME APOSTLE 25:7

Ke ini Paul edide, mme Jew, emi ekotode ke Jerusalem esuhɔre edi. Eda ekanare enye ekuk, edori enye ediwak mkpɔsɔŋ ikɔ eke mmɔ mikemeke ndiwut ete edi akpanikɔ.