MATTHEW 14:36 - Edisana ñwed Abasi Ibom

³⁶ enyuŋ ekpe Enye ubɔk ete mmɔ oro etuk ekpedi nnyeriye ɔfɔŋidem Esie ikpɔŋ: ndien adaŋa ibat owo nte etukde ekop nsɔŋidem.

MATTHEW 14:36 Referans Kwoze

LUKE 6:19

Ndien ofuri otu owo eyom ndituk Enye ubɔk: koro odudu otode Enye ke idem ɔwɔrɔ, anam udɔŋɔ okure mmɔ kpukpru.

MARK 3:10

koro Enye ama akanam udɔŋɔ okure ediwak owo, tutu kpukpru mmɔ emi enyenede udɔŋɔ ebere Enye man etuk Enye.

UTOM MME APOSTLE 3:16

Ndien oto koro owo emi ɔbuɔtde idem ke enyiŋ Esie, enyiŋ Esie ama anam owo emi mbufo ekutde enyuŋ efiɔkde okop nsɔŋidem: ke akpanikɔ, mbuɔtidem emi otode ke enye ama ɔnɔ owo emi ɔyɔhɔ nsɔŋidem ntem ke iso mbufo kpukpru.

JOHN 7:23

Edieke owo anade mbobi ke sabbath mbak edibiat ibet Moses; nte mbufo eyat esit ye Ami, koro ŋkanamde owo okop uyɔhɔ nsɔŋidem ke sabbath?

JOHN 6:37

Kpukpru mmɔ eke Ete ɔnɔde Mi eyetiene Mi; ndien owo eke etienede Mi ndibinke enye nduɔk.

MATTHEW 23:5

Edi mmɔ enam kpukpru mme utom mmɔ man owo ekut: koro mmɔ enam mme phylactery mmɔ eŋwaŋa, enyuŋ enam nyeriye ɔfɔŋ-idem mmɔ ekpon,

MATTHEW 14:35

Ndien ke adaŋemi mbon edem oro ediɔŋɔde Enye, mmɔ edɔŋ eka ke kpukpru ŋkan ŋkuk itie ekada kpukpru mmɔ emi edɔŋɔde esɔk Enye;

MARK 6:56

Ndien ebiet ekededi eke Enye odukde, mme obio-iŋwaŋ, mme ikpɔ obio, mme iŋwaŋ, mmɔ enim mbon udɔŋɔ ke aŋwa-urua, enyuŋ ekpe Enye ubɔk ete mmɔ oro etuk ekpedi nnyeriye ɔfɔŋidem Esie. Ndien adaŋa ibat owo nte etukde Enye ekop nsɔŋidem.

MARK 8:22

Ekem mmɔ edi ke Bethsaida. Ndien mmɔ eda owo nnan esɔk Enye, enyuŋ ekpe Enye ubɔk ete otuk enye.