MATTHEW 14:15 - Edisana ñwed Abasi Ibom

¹⁵ Edi ke ini osimde mbubreyo, mbet etiene Enye edɔhɔ Enye ete, Ebiet emi edi desert, ini ama onyuŋ ebe; dɔŋ mme otu owo enyɔŋɔ, man mmɔ eka ke obio-iŋwaŋ ekedep udia enɔ idem mmɔ.

MATTHEW 14:15 Referans Kwoze

MATTHEW 15:23

Edi Jesus ibɔrɔke ndomo ikɔ kiet inɔ enye. Mbet Esie enyuŋ edi edikpe ye Enye ete, Sio ŋwan emi unyɔŋ; koro enye ke ofiori etiene nnyin ke edem.

LUKE 9:12

Ekem utin ɔtɔŋɔ ndikɔhɔre itɔŋ; ndien mbet Esie duopeba edi edidɔhɔ Enye ete, Dɔŋ otu owo enyɔŋɔ, man eka ekedaŋ ke obio-iŋwaŋ ye iŋwaŋ emi edude ke ŋkan-ŋkuk, enyuŋ ekut se ediade, koro nnyin idu mi ke ebiet desert.

MARK 8:3

ndien edieke nnamde mmɔ esaŋa ye biɔŋ enyɔŋɔ ufɔk, mmɔ eyekpa mba ke usuŋ; ndusuk mmɔ enyuŋ eto anyan ebiet.

MATTHEW 14:13

Edi ke ini Jesus okopde ŋkpɔ emi, Enye ediere ke ubom, adaha ke ɔtɔ oro, aka ke ebiet eke edide desert ye mbet Esie ikpɔŋ; ndien ke adaŋemi mme otu owo ekopde, mmɔ eto ke mme obio esaŋa ukot-ukot etiene Enye.

MATTHEW 14:14

Ndien Enye ɔwɔrɔ ke ubom okut akamba otu owo, onyuŋ atua mmɔ mbɔm, onyuŋ anam mbon-udɔŋɔ mmɔ ekop nsɔŋidem.

MATTHEW 14:16

Edi Jesus ɔdɔhɔ mmɔ ete, Mmɔ ekukpa ndinyɔŋɔ; mbufo enɔ mmɔ ŋkpɔ edia.