MATTHEW 13:44 - Edisana ñwed Abasi Ibom

⁴⁴ Obio Ubɔŋ Heaven ebiet inyene eke odibede ke iŋwaŋ; emi owo kiet okutde, emen, odip; ndien ke idaresit esie, aka akanyam kpukpru se enye enyenede, edep iŋwaŋ oro.

MATTHEW 13:44 Referans Kwoze

ŊWED MBON COLOSSAE 2:3

emi ofuri inyene ɔniɔŋ ye ifiɔk edibede enye ke idem.

LUKE 14:33

Kpa ntre ke owo mbufo ekededi, eke misanake kpukpru se enye enyenede iyak, ikemeke ndidi mbet Mi.

MATTHEW 6:21

koro ɔtɔ nte ŋkpɔ-uto fo odude, do ke esit fo edinyuŋ odu.

MATTHEW 19:29

Ndien kpukpru owo emi ekɔkpɔŋde ufɔk, mme nditɔ-eka iren, mme nditɔ-eka iban, mme ete, mme eka, mme nditɔ, mme isɔŋ, kabaŋa enyiŋ Mi, eyebɔ utip utim ikikie, eyenyuŋ enyene nsinsi uwem.

MME ŊKE 16:16

Ndinyene eti ibuot ɔfɔn adaŋ didie akan ata gold! Ndinyuŋ nnyene asian edi se owo ekpemekde akan silver.

MME ŊKE 23:23

Dep akpanikɔ, kunyuŋ unyam, ye eti ibuot, ye item, ye asian.

ERIYARARE 3:18

mmɔnɔ fi item nte edep ke ubɔk Mi gold eke etemde asana ke ikaŋ, man enyene inyene; ye afia edisine-ŋkpɔ ada esine ke idem, mbak but iferi fo ediyarare; ye ibɔk enyin ada eyet enyin fo, man okut usuŋ.

MATTHEW 19:27

Ekem Peter ɔbɔrɔ Enye ete, Sese, nnyin ikɔkpɔŋ kpukpru ŋkpɔ itiene Fi; nso ndien ke nnyin idinyene?

MATTHEW 19:21

Jesus ɔdɔhɔ enye ete, Edieke oyomde ndifɔn mma, ka kanyam se enyenede, da nɔ mme ubuene, ndien eyenyene inyene ke heaven: nyuŋ di disaŋa ye Ami.

ISAIAH 55:1

Oh, mbufo kpukpru emi itɔŋ asatde, edi ke mmɔŋ! ye owo eke minyeneke okuk! mbufo edi edep enyuŋ edia! enyuŋ edi edep wine ye mmɔŋ-eba, idige ke okuk, inyuŋ idige ke ekɔm-urua.

ŊWED MBON ROME 15:4

Koro se ededi eke ekewetde ke ini oko, ke ekewet ndida ŋkpep nnyin ŋkpɔ, man nnyin inyene idori-enyin oto ke ime ye ndɔŋ-esit eke Ŋwed Abasi ɔnɔde.

MATTHEW 13:24

Enye emen ŋke efen onim ke iso mmɔ ete, Edomo Obio Ubɔŋ Heaven ye owo eke asuande eti mkpasip ke iŋwaŋ esie:

MME HEBREW 10:34

Koro mbufo ekatuade mmɔ emi edude ke ŋkpɔkɔbi mbɔm, enyuŋ enyime ke idaresit ete ebume inyene mbufo, sia mbufo efiɔkde ete imenyene inyene eke ɔfɔnde akan onyuŋ ebigide.

JOHN 6:35

Jesus ɔdɔhɔ mmɔ ete, Ami ndi uyo uwem: owo eke etienede Mi idikpaha biɔŋ, owo eke onyuŋ ɔbuɔtde idem ye Ami idikopke nsat-itɔŋ tutu amama.

MME ŊKE 17:16

Anam didie, ndien, ekɔm-urua odu ke ubɔk ndisime owo, eke enye edikutde ifiɔk,

ŊWED MBON COLOSSAE 3:16

Mbufo enyuŋ enyene esit ekɔm. Eyak ikɔ Christ odu ɔyɔhɔ-ɔyɔhɔ ke esit mbufo ke kpukpru eti ibuot; emen psalm ye hymn ye ikwɔ uwem spirit ekpep enyuŋ eteme kiet eken, ekwɔ itoro enɔ Abasi ye esit ekɔm.

MME ŊKE 18:1

OWO, ido esie ebine se enye oyomde; eyedada aka iso, ikereke item.

ŊWED JOB 28:13

Owo ifiɔkke ekɔm-urua esie, inyuŋ ikwe enye ke isɔŋ mme odu-uwem.

MATTHEW 13:46

ndien ke enye ama okut pearl kiet emi okponde ekɔm-urua, aka akanyam kpukpru se enyenede, edep pearl oro.

MATTHEW 13:47

Ŋko ŋko, Obio Ubɔŋ Heaven ebiet iyire eke eduɔkde ke inyaŋ, emi onyuŋ omumde kpukpru oruk iyak;