MATTHEW 13:39 - Edisana ñwed Abasi Ibom

³⁹ owo-usua emi asuande mmɔ edi Satan; ini ukpeŋe edi akpatre ini eyo emi; ndien mbon-ukpeŋe edi mme angel.

MATTHEW 13:39 Referans Kwoze

MATTHEW 13:49

Ntre ke edidi ke akpatre ini eyo emi; mme angel eyewɔŋɔ edi edidianare mme oburobut owo esio ke ndinen owo, enyuŋ eduɔŋɔ mmɔ ke akwa ikaŋ eke asakde.

MATTHEW 25:31

Ke ini Eyen Owo edidide ke ubɔŋ Esie, asaŋa ye kpukpru mme angel, adaŋaro ke Enye eyetie ke ebekpo ubɔŋ Esie.

JOEL 3:13

Mbufo esin ikwa ukpeŋe-ibokpot koro se ekpeŋede amadat: mbufo esuhɔre edi, koro ebiet unuak-wine ɔmɔyɔhɔ: abaŋ wine ɔyɔhɔ ɔduɔhɔ: koro mme ukwaŋ-ŋkpɔ mmɔ ekponde.

ERIYARARE 19:20

Ndien emum unam oro, enyuŋ emum prophet nsu emi adade ke iso esie anam mme idiɔŋɔ, eke enye adade abiaŋa mmɔ emi ekebɔde idiɔŋɔ unam oro, ye mmɔ emi etuakde ibuot enɔ mbiet esie. Etop mmɔ mbiba ye uwem esin ke inyaŋ ikaŋ emi asakde ye mbrimstone.

ERIYARARE 13:14

Enye onyuŋ ada idiɔŋɔ, emi enɔde enye ndinam ke iso unam oro, abiaŋa mme andiduŋ ke isɔŋ; onyuŋ ɔnɔ mme andiduŋ ke isɔŋ uyo, ete, mmɔ enam mbiet unam oro enyenede nde ofut ke idem, edi osuk odude uwem.

ERIYARARE 12:9

Ndien esio akwa dragon eduɔk ke isɔŋ, kpa akani urukikɔt oro ekotde enye ete, andidori ikɔt Abasi ikɔ ye Satan, andibiaŋa ofuri ererimbot; esio enye eduɔk ke isɔŋ, enyuŋ esioŋo mme angel esie eduɔŋɔ ye enye.

MATTHEW 24:3

Edi nte Enye etiede ke Obot Olive, mbet Esie etiene Enye ke idem mmɔ, ete, Sian nnyin ini eke mme ŋkpɔ emi edidide; nso idinyuŋ idi idiɔŋɔ eridi Fo, ye eke akpatre ini eyo emi?

MATTHEW 13:25

edi ke adaŋemi owo edede idap, owo usua esie edi edisuan idiɔk mkpasip esin ke otu ibokpot, ndien adaha ɔnyɔŋ.

JUDE 1:14

Enoch, emi edide ɔyɔhɔ owo itiaba nte ekebot Adam, etiŋ ikɔ nte prophet abaŋa mmɔ, ete, Sese, Ɔbɔŋ asaŋa ye ata ediwak ndisana ikɔt Esie edi,

1 PETER 5:8

Efara ke idem enyuŋ ekpeme; asua mbufo, kpa, Satan, ke oyoyo nte

MME HEBREW 9:26

sia akpanade nte Enye akpa ediwak ini toto ke eritɔŋɔ ererimbot; edi ke emi, ke ukperedem eyo emi, emayarare Enye ini kiet kpɔt, man Enye emen mme idiɔk-ŋkpɔ efep ke eriwa emi Enye awade Idem Esie.

ŊWED MBON EPHESUS 2:2

emi mbufo esaŋade ke esit ke ini oko, nte ido eyo eke ererimbot emi edide, ekenyuŋ esuk ibuot enɔ ɔbɔŋ emi akarade edem ikpa-enyɔŋ, kpa spirit emi anamde utom kemi ke esit nditɔ ntut-utɔŋ.

2 ŊWED CORINTH 11:3

Edi mmefehe ndik, mbak ke usuŋ ekededi, nte urukikɔt akabiaŋade Eve ke ŋkari esie, edibiat ekikere mbufo, enam mbufo etre ndinyene esit akpanikɔ ye eti ido ye Christ.

2 ŊWED CORINTH 2:17

Ndien anie ekeme ndinam utɔ utom oro? Nnyin imekeme; koro nnyin itiehe nte ediwak owo emi enyanyam ikɔ Abasi eŋwana udori; edi itiŋ ikɔ ke Christ ke iso Abasi, nte owo emi edide owo akpanikɔ ye owo Abasi etiŋde.

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

MATTHEW 13:28

Enye ɔdɔhɔ mmɔ ete, owo-usua akanam emi. Edi mbon-utom ete enye, Nte amama nnyin ika naŋa ikataŋ mmɔ?

DANIEL 7:10

Ikaŋ oto enye ke iso ewet nte akpa mmɔŋ: tɔsin tɔsin ke itie tɔsin enam ŋkpɔ enɔ enye; tɔsin duop ke itie tɔsin duop enyuŋ eda enye ke iso: enim ikpe, enyuŋ ekubɔre ŋwed.

MATTHEW 12:32

Ndien owo ekededi eke editiŋde ikɔ adian Eyen Owo, eyefen enye; edi owo ekededi eke editiŋde ikɔ adian Edisana Spirit, idifenke enye, ye edide ke eyo emi ye onyuŋ edide ke eyo emi edidide.

MATTHEW 13:22

Enye emi esuande mkpasip ke ufɔt ikɔt ŋkukim, edi owo emi okopde ikɔ; ndien ekikere ŋkpɔ eyo emi ye abiaŋa inyene ababa ikɔ oro owot, ntre ke enye akabare anana mfri.

MATTHEW 13:40

Mmɔdo nte etataŋ idiɔk mkpasip efɔp ke ikaŋ, ntre ke edidi ke akpatre ini eyo emi.

1 ŊWED CORINTH 10:11

Mme ŋkpɔ emi ekɔwɔrɔ mmɔ, man edi uwut-ŋkpɔ enɔ owo; ekenyuŋ ewet mmɔ ndida nteme nnyin, emi utit mme eyo ama osim nnyin.

MME HEBREW 1:2

ke ukperedem ini emi ama etiŋ ɔnɔ nnyin ke Eyen; emi Enye ekemekde onim, ete edidi andinyene kpukpru ŋkpɔ, okonyuŋ adade ubɔk Esie obot ekondo: