MATTHEW 13:27 - Edisana ñwed Abasi Ibom

²⁷ Edi mbon-utom enyene-ebiet oro edi edidɔhɔ enye ete, Ete, nte idige eti mkpasip eke afo akasuande ke iŋwaŋ fo? Enye asaŋa didie ndien otibe idiɔk mkpasip?

MATTHEW 13:27 Referans Kwoze

ŊWED MBON ROME 16:17

Mmekpe mbufo ubɔk nditɔ-ete, ekama enyin ese mmɔ emi etɔde ubahare ke otu mbufo, enyuŋ enamde ŋkpɔ esin owo eduɔ, minyuŋ isaŋake ikekem ye erikpep eke ekekpepde mbufo ete enam.

2 ŊWED CORINTH 6:1

NTE mme abuana-utom ye Abasi, nnyin ikpe mbufo ubɔk ite, ekuyak mfɔn Abasi, emi mbufo ekɔbɔde, ɔwɔrɔ ikpikpu;

2 ŊWED CORINTH 6:4

Edi ke kpukpru usuŋ imowut ite idi ata mme asaŋutom Abasi, ke akwa erime ime, ke ukut, ke mfihe, ke mbaba,

1 ŊWED CORINTH 16:10

Edi edieke Timothy edide ke ɔtɔ mbufo, etiŋ enyin enam enye etie ye mbufo anana ndik; koro enye ke anam utom Ɔbɔŋ, kpa nte ami nnyuŋ nnamde.

JAMES 4:4

Mbufo iban ŋka-owo, nte mbufo ifiɔkke ite, eridi ufan ye ererimbot edi eridi usua ye Abasi? mmɔdo owo ekededi eke oyomde ndidi ufan ye ererimbot anam idem usua ye Abasi.

MATTHEW 13:25

edi ke adaŋemi owo edede idap, owo usua esie edi edisuan idiɔk mkpasip esin ke otu ibokpot, ndien adaha ɔnyɔŋ.

MATTHEW 13:26

Edi ke ini mkpasip etibede esioŋo mfri, ke ini oro idiɔk mkpasip enyuŋ ewut idem.

MATTHEW 13:28

Enye ɔdɔhɔ mmɔ ete, owo-usua akanam emi. Edi mbon-utom ete enye, Nte amama nnyin ika naŋa ikataŋ mmɔ?

MATTHEW 20:1

KORO Obio Ubɔŋ Heaven ebiet ete-ufɔk kiet, emi abakde ɔwɔrɔ ke usenubɔk ndikpe mbon-utom nsin ke iŋwaŋ-vine esie.