MATTHEW 13:12 - Edisana ñwed Abasi Ibom

¹² Koro eyenɔ owo ekededi eke enyenede ekɔrɔ, ndien enye eyenyene uwak-uwak; edi owo ekededi eke minyeneke, eyebɔ enye kpa se enye enyenede.

MATTHEW 13:12 Referans Kwoze

MATTHEW 25:29

Koro eyenɔ kpukpru owo eke enyenede, ndien enye eyenyene awak akan: edi ama edi owo eke minyeneke, eyebɔ enye kpa se enye enyenede.

LUKE 8:18

Etiŋ enyin ekpeme ndien adaŋa nte mbufo ekopde: koro owo ekededi eke enyenede, eyenɔ enye edian; edi owo ekededi eke minyeneke, eyebɔ enye kpa se enye esede ete imɔ inyene.

ERIYARARE 2:5

Mmɔdo ti itie emi ɔkɔduɔde ɔkpɔŋ, nyuŋ kabare esit, nyuŋ nam se akanamde ke akpa; midige ntre, mmɔŋ ndi ke ɔtɔ fo, nyenyuŋ mmen udiɔk-utuenikaŋ mfep ke itie esie, ke afo mukabakere esit.

LUKE 16:25

Edi Abraham ɔdɔhɔ enye ete, Eyen mi, ti nte afo okokutde ufɔn fo ke ini uwem fo, ye nte Lazarus okonyuŋ okutde idiɔk: edi kemi enye ke okop idɔŋesit mi, edi afo ke odu ke ndutuhɔ.

MATTHEW 21:43

Mmɔdo ndɔhɔ mbufo nte, Eyebɔ mbufo Obio Ubɔŋ Abasi, eyak enɔ idut emi ediŋwumde mfri esie.

LUKE 16:2

Ntre ke enye okot owo oro onyuŋ ɔdɔhɔ enye ete, Nso idi emi ke ŋkop mbaŋa fi? nɔ mi ibat ŋkpɔ eke afo akamade, koro mudukaha iso aba ndikama ukpɔhɔre.

LUKE 10:42

ŋkpɔ kiet edi se nyomde; koro Mary ememek eti udeme, eke midibɔhɔ enye ifep.

LUKE 9:26

Koro owo ekededi eke edikopde but ye Ami ye ikɔ Mi, Eyen Owo eyekop but ye enye, ke ini Enye edidide ke ubɔŋ Esie ye Ubɔŋ Ete Esie ye eke ndisana angel.

MARK 12:9

Nso ndien ke ete iŋwaŋ-vine oro edinam? Enye eyedi edisobo mme ekpeme-iŋwaŋ oro, onyuŋ ayak iŋwaŋ-vine ɔnɔ mme ekpeme-iŋwaŋ eŋwen.

LUKE 12:48

ndien anamde ŋkpɔ eke edotde ufen, eyemia enye ubɔk eke miwakke. Ndien owo ekededi eke enɔde enye ediwak ŋkpɔ, ke ediyom ediwak ŋkpɔ ke ubɔk esie: kpa ntre ŋko owo eke eyakde ediwak ŋkpɔ enɔ enye, ke ubɔk esie ke edibup se iwakde ikan.

JAMES 4:6

Edi Enye ɔnɔ mfɔn awak akan. Mmɔdo ewetde ete, Abasi ɔbiɔŋɔ mbon iseri, edi ɔnɔ mbon nsuhɔre-idem mfɔn.