MATTHEW 12:50 - Edisana ñwed Abasi Ibom

⁵⁰ Koro owo ekededi eke anamde se Ete Mi emi odude ke heaven amade, enye edi eyen-eka Mi eren ye eyen-eka Mi aŋwan, ye eka Mi.

MATTHEW 12:50 Referans Kwoze

LUKE 8:21

Edi Enye ɔbɔrɔ mmɔ ete,Eka Mi ye nditɔ-eka Mi edi mmɔ emi ekopde ikɔ Abasi, enyuŋ enamde.

MARK 3:35

Koro owo ekededi eke anamde se Abasi amade, enye edi eyen-eka Mi eren ye eyen-eka Mi aŋwan ye eka Mi.

JOHN 15:14

Mbufo edi mme ufan Mi edieke mbufo enamde ŋkpɔ eke ntemede mbufo.

JOHN 6:29

Jesus ɔbɔrɔ mmɔ ete, Emi edi utom Abasi, ete, mbufo ebuɔt idem ye Enye emi Enye ɔkɔdɔŋde.

MATTHEW 28:10

Ndien Jesus ɔdɔhɔ mmɔ ete, Ekufehe ndik: eka ekɔdɔhɔ nditɔ ete Mi, ete, mmɔ enyɔŋɔ eka ke Galilee; mmɔ edinyuŋ ekut Mi do.

ŊWED MBON ROME 8:29

Koro mme owo emi Enye ekebemde iso ɔfiɔk, ke Enye okonyuŋ ebem iso onim ete mmɔ ekpekabare ebiet Imɔ, man Enye oro edidi akpan ke otu ediwak nditɔ-ete:

JOHN 6:40

Koro emi edi uduak Ete Mi, ete, kpukpru owo eke ekutde Eyen, enyuŋ ebuɔtde idem ye Enye, enyene nsinsi uwem; Ami nyenyuŋ nnam enye eset ke Akpatre usen.

1 JOHN 2:17

Ndien ererimbot ke ebebe efep, ye mbumek esie; edi owo eke anamde se Abasi amade odudu ke nsinsi.

MATTHEW 25:40

Ndien Edidem eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo ekanamde ŋkpɔ emi enɔ kiet ke otu nditɔ-ete Mi, kpa ata ŋkpri emi, mbufo ekanam enɔ Mi.

1ŊWED TIMOTHY 5:2

nɔ ŋkani iban item nte mme eka, nyuŋ teme mkparawa iban nte nditɔ-ete ke ata edisana ido.

1 PETER 4:2

man mbufo ekuda aba ini eke ɔsuhɔde ɔnɔ mbufo ke obukidem esaŋa edu uwem ke mme idiɔk itɔŋ esit owo, edi esaŋa nte uduak Abasi edide.

ŊWED MBON GALATIA 6:15

Mbobi idige ŋkpɔ, eritre ndina mbobi inyuŋ idige ŋkpɔ, edi erimana obufa edi ŋkpɔ.

JOHN 20:17

Jesus ete enye, Kutuk Mi; koro ndɔkke kaŋa ntiene Ete; edi bine nditɔ-ete Mi kɔdɔhɔ mmɔ ete, Mmɔŋ ndidɔk ntiene Ete Mi ye Ete mbufo, Abasi Mi ye Abasi mbufo.

ERIYARARE 22:14

Ɔfɔfɔn ɔnɔ mmɔ eke eyetde ɔfɔŋidem mmɔ asana, man mmɔ ekpenyene unen ndisim eto uwem, ekpenyuŋ ebe ke inua-otop eduk ke esit obio.

ŊWED MBON COLOSSAE 3:11

emi Greek mme Jew, mme ana mbobi me owo eke minaŋa mbobi, mme owo esit ikɔt, mme owo Scyntia, mme ofin mme eyen-isɔŋ miduhe ke enye, edi Christ edi kpukpru ŋkpɔ onyuŋ odu ke kpukpru ŋkpɔ.

ŊWED MBON GALATIA 5:6

Koro ke Christ Jesus erina mbobi ifɔnke ŋkpɔ erinyuŋ ntre ndina mbobi ifɔnke ŋkpɔ, edi mbuɔtidem emi anamde utom ke ima.

UTOM MME APOSTLE 17:30

Abasi ofumi ini ndisime oro; edi ke emi Enye owuk kpukpru owo ke kpukpru ebiet, ete mmɔ ekabare esit:

MATTHEW 17:5

Ke ini enye osuk etiŋde, sese, nyayama ikpa-enyɔŋ ofuk mmɔ: ndien sese, uyo oto ke ikpa-enyɔŋ ɔwɔrɔ, ete, Emi edi edima Eyen Mi, emi mmenemesit ye Enye; ekop uyo Esie.

ŊWED MME PSALM 22:22

Nyebuk enyiŋ fo nnɔ nditɔ-ete mi: nyetoro fi ke ufɔt mbon-esop.

MME HEBREW 5:9

ndien ke ema ekenam Enye ɔfɔn ama, Enye akabare edi ntak nsinsi erinyaŋa ɔnɔ kpukpru owo emi ekopde uyo Esie;

2 ŊWED CORINTH 11:2

Koro mmenyene ufup Abasi mbaŋa mbufo; koro ŋkada mbufo nnɔ ebe kiet, man ŋkpemen mbufo nte edisana eyen-aŋwan nnɔ Christ.

UTOM MME APOSTLE 26:20

edi mbem kaŋa iso ŋkwɔrɔ nnɔ mbon Damascus, ye mbon Jerusalem, ye ofuri isɔŋ Judaea, ye mme Gentile nde, nte mmɔ ekabare esit ewɔŋɔre etiene Abasi, enyuŋ enam utom eke odotde erikabare esit.

MATTHEW 25:45

Edi Enye eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo mikanamke ŋkpɔ emi inɔ kiet ke otu ata ŋkpri emi, mbufo inamke inɔ Mi.

1 ŊWED CORINTH 9:5

Nte nnyin inyeneke unen ndida ŋwan emi edide eyen-ete nte nsaŋa nnyin, kpa nte mme apostle eken, ye nditɔ-ete ke Ɔbɔŋ, ye Cephas enamde?

IKWƆ SOLOMON 4:12

Eyen-eka mi, ŋwan mi, afo edi edisire iŋwaŋ, edisire enyin idim, obube mmɔŋ eke esinde seal.

MATTHEW 12:49

Ndien Enye anyan ubɔk owut mbet esie, onyuŋ ɔdɔhɔ ete, sese, eka Mi ye nditɔ-eka Mi!

MATTHEW 13:1

KE usen oro Jesus ɔwɔrɔ ke ufɔk eketie ke mben akwa inyaŋ.