MATTHEW 12:46 - Edisana ñwed Abasi Ibom

⁴⁶ Nte Enye osuk eteiŋ ikɔ ye mme otu owo, sese, eka Esie ye nditɔ-eka Esie edida ke aŋwa, eyom nditiŋ ikɔ ye Enye.

MATTHEW 12:46 Referans Kwoze

MATTHEW 13:55

Nte Enye idige eyen anam-usɔ? Nte eka Esie ikereke Mary? nte nditɔ-eka Esie inyuŋ ikereke James, ye Joseph, ye Simon, ye Judas? nte kpukpru nditɔ-eka Esie iban inyuŋ iduhe ye nnyin?

JOHN 2:12

Ke ŋkpɔ emi ama ekebe, Jesus ye eka Esie, ye nditɔ-eka Esie, ye mbet Esie, esuhɔre eka ke Capernaum ekedu do ndusuk usen.

JOHN 7:5

Koro kpa nditɔ-eka Esie ibuɔtke idem ye Enye.

JOHN 7:3

Ntre ke nditɔ eka Esie edɔhɔ Enye ete, Daha ke ɔtɔ emi, ka ke Judaea, man mbet Fo nde ekut mme utom eke Afo anamde.

UTOM MME APOSTLE 1:14

Kpukpru mmɔ emi eda esit kiet edɔdiɔŋ eyire ke akam, ye iban oro, ye Mary eka Jesus, ye nditɔ eka Esie.

MARK 6:3

Nte Enye idige anamusɔ, eyen Mary, ye eyen-eka James ye Joses ye Judas ye Simon? Nte nditɔ-eka Esie iban inyuŋ iduhe ye nnyin? Ndien mmɔ eduɔ ke ntak Esie.

ŊWED MBON GALATIA 1:19

Edi ŋkekwe mme apostle eken baba kiet, ke mibɔhɔke James, eyen-eka Ɔbɔŋ.

1 ŊWED CORINTH 9:5

Nte nnyin inyeneke unen ndida ŋwan emi edide eyen-ete nte nsaŋa nnyin, kpa nte mme apostle eken, ye nditɔ-ete ke Ɔbɔŋ, ye Cephas enamde?

JOHN 7:10

Edi ke ini nditɔ-eka Esie ema ekɔdɔk eka usɔrɔ, ekem Jesus nde ɔdɔk aka; edi ikaha aŋwa-aŋwa, edi nte owo edidibe aka ŋkpɔ.

LUKE 2:48

Ndien ke ini ete ye eka ekutde Enye, idem akpa mmɔ eti-eti: eka Esie onyuŋ ɔdɔhɔ Enye ete, Eyen mi, nsinam anamde ntem ye nnyin? Sese, usɔ ye ami imasaŋa iyom Fi ye mfuhɔ.

LUKE 8:10

Ndien Enye ete, Eyak enɔ mbufo ndifiɔk ndibe ŋkpɔ Obio Ubɔŋ Abasi, edi enɔ mmɔ eken ndifiɔk ke ŋke, man ke erise, mmɔ ekukut ŋkpɔ, ye ke erikop, mmɔ ekunyuŋ efiɔk.

MARK 2:21

Baba owo kiet idaha ubak ɔfɔŋ eke midiɔŋke ikim idian ye akani ɔfɔŋidem: ama anam ntre, se edade esiri nde akani ɔfɔŋ akabare awak enye, obufa awak akani, onyuŋ anam awaha ɔdiɔk akan.

JOHN 2:5

Eka Esie ɔdɔhɔ mme asaŋutom ete, Enam se Enye edidɔdɔhɔ mbufo.

LUKE 2:33

Ndien idem akpa ete ye eka Jesus ke mme ŋkpɔ oro etiŋde ebaŋa Enye.

JOHN 2:1

EKEM ke ɔyɔhɔ usen ita edɔ ndɔ ke Cana ke Galilee;

LUKE 2:51

Ekem Enye asaŋa ye mmɔ ɔsuhɔre edi ke Nasareth, onyuŋ osuk ibuot ɔnɔ mmɔ; edi eka Esie omum kpukpru mme ikɔ oro akama ke esit esie.

MATTHEW 2:20

Daha ke enyɔŋ, da nsek eyen ye eka Esie ka ke isɔŋ Israel: koro mmɔ emi ekoyomde uwem nsek eyen oro ema ekpaŋa.

MATTHEW 2:11

Mmɔ enyuŋ eduk ufɔk ekokut nsek eyen ye eka Esie Mary; enyuŋ eduɔŋɔ ke isɔŋ, etuak ibuot enɔ Enye; ndien ekibɔre ukama-ŋkpɔ-uto mmɔ, esio gold ye ufuɔŋkpɔ ye myrrh, enɔ Enye.

MATTHEW 1:18

Emana Jesus Christ ekedi ntem: ekeda Mary eka Esie enɔ Joseph ke ndɔ; edi ke ini mmɔ miduhe kaŋa ufɔk kiet, eyarare efiɔk ete enye omoyomo idibi oto ke Edisana Spirit.

JOHN 19:25

Ntem ke mbon-ekɔŋ enam ŋkpɔ emi. Edi eka Jesus, ye eyen-eka eka Esie, Mary ŋwan Clopas, ye Mary Magdalene ke eda ekpere cross Jesus.

LUKE 1:43

Ke ntak ewe ɔwɔrɔ ntem ɔnɔ mi, ete eka Ɔbɔŋ mi ekpedi edise mi?

MATTHEW 12:47

Ndien owo kiet ɔdɔhɔ Enye ete, Sese, uka ye nditɔ-uka ke eda ke aŋwa, eyom Fi, ndineme ye Afo.

LUKE 2:34

Simeon onyuŋ ɔdiɔŋ mmɔ, onyuŋ ɔdɔhɔ Mary eka Esie ete, Sese, ema enim Eyen emi, man ediwak owo ke Israel eduɔŋɔ enyuŋ edaha eda; man Enye onyuŋ edi