MATTHEW 12:28 - Edisana ñwed Abasi Ibom

²⁸ Edi edieke Ami ndade Spirit Abasi mbin mme demon nduɔk, Ubɔŋ Abasi ama osim mbufo.

MATTHEW 12:28 Referans Kwoze

LUKE 11:20

Edi edieke ndade nnuen-ubɔk Abasi mbin mme demon nduɔk, Ubɔŋ Abasi ama osim mbufo.

DANIEL 7:14

Ndien enɔ enye ubɔŋ, ye ukpono, ye itie-edidem, ete kpukpru mme idut ye obio ye usem enam ŋkpɔ enɔ enye: ubɔŋ esie edi nsinsi ubɔŋ eke midikureke, itie-edidem esie idinyuŋ ibiarake.

MATTHEW 21:43

Mmɔdo ndɔhɔ mbufo nte, Eyebɔ mbufo Obio Ubɔŋ Abasi, eyak enɔ idut emi ediŋwumde mfri esie.

MATTHEW 6:33

Ekam ebem iso eyom Obio Ubɔŋ Esie ye edinen ido Esie; ndien eyedian kpukpru ŋkpɔ emi enɔ mbufo.

UTOM MME APOSTLE 10:38

Abasi okonim Jesus eyen Nazareth ke Edisana Spirit ye odudu, man enye asaŋa ke ebiet ke ebiet anam ufɔn ɔnɔ owo, onyuŋ anam kpukpru mmɔ emi Satan ɔtuhɔrede ekop nsɔŋidem; koro Abasi odude ye Enye.

ŊWED MBON COLOSSAE 1:13

emi okosiode nnyin ke odudu ekim, esin ke Obio Ubɔŋ Eyen Ima Esie:

ŊWED MBON ROME 14:17

Koro Ubɔŋ Abasi idige edidia ŋkpɔ ye ediŋwɔŋ ŋkpɔ, edi edi edinen ido ye emem ye idaresit emi odude ke Edisana Spirit.

LUKE 16:16

Ibet ye mme prophet ekedu tutu osim ini John: tɔŋɔ ke ini oro ekwɔrɔ eti mbuk Obio Ubɔŋ Abasi, kpukpru owo enyuŋ enam unyaŋa eduk ke esit.

MARK 1:15

Ini emekem, Ubɔŋ Abasi ke ekpere: mbufo ekabare esit enyuŋ enim gospel ke akpanikɔ.

MATTHEW 21:31

Anie ke otu mmɔ mbiba anam se ete esie oyomde? Mmɔ ete, Udɔ. Jesus ɔdɔhɔ mmɔ ete, Ke akpanikɔ ke ndɔhɔ mbufo nte, mme publican ye mme akpara ebem mbufo iso eduk ke Obio Ubɔŋ Abasi.

LUKE 9:2

Enye onyuŋ osio mmɔ ɔdɔŋ ekɔkwɔrɔ Ubɔŋ Abasi, enyuŋ enam mbon udɔŋɔ ekop nsɔŋidem.

MARK 16:17

Ndien mme idiɔŋɔ emi eyetiene mmɔ emi enimde ke akpanikɔ: ke enyiŋ Mi ke mmɔ eyebin mme demon; eyesem mbufa usem;

DANIEL 2:44

Ndien ke eyo ndidem oro, Abasi enyɔŋ eyenam ubɔŋ eke midisoboke ke nsinsi, adaha ada: ndien idikpɔŋke ubɔŋ emi inɔ mbio efen: enye eyenuak onyuŋ ama kpukpru mme idut emi, ndien enye eyeda ke nsinsi:

MME HEBREW 12:28

Mmɔdo sia nnyin inyenede Obio Ubɔŋ eke ŋkpɔ mikemeke ndinyeŋe, yak nnyin inyene esit ekɔm, inyuŋ ida emi inɔ Abasi, utom eke enemde Enye esit ke ukpono ye uteŋe.

LUKE 10:11

Kpa ntan obio mbufo, eke adianade nnyin ke ikpat, ke nnyin ikeŋ ifep idian mbufo: edi efiɔk emi ete, Ubɔŋ Abasi ama asaŋa ekpere.

MARK 11:10

Itoro enyene Ubɔŋ emi edide kpa Ubɔŋ ete nnyin David; Hosanna ke ata enyɔŋ.

MATTHEW 12:18

Sese owo Mi emi ŋkemekde; Ama Mi emi nnemde esit ye Enye: Nyedori Enye Spirit Mi ke idem, Ndien Enye eyenam ikpe ɔwɔrɔ ɔnɔ mme Gentile.

MATTHEW 4:24

Etop Esie onyuŋ asuana ke ofuri Syria; mmɔ enyuŋ eda kpukpru mbon udɔŋɔ esɔk Enye, kpa mmɔ eke nsio-nsio udɔŋɔ ye ndutuhɔ enamde mmɔ, ye mmɔ eke enyenede mme demon, ye mmɔ eke edɔŋɔde mbukpi ye akpa-ubeŋ; Enye onyuŋ anam mmɔ ekop nsɔŋidem.

MATTHEW 12:29

Ŋko, owo ekeme didie ndiduk ke ufɔk ɔkpɔsɔŋ owo mbume ŋkpɔ esie, ke enye mibemke iso ibɔp ɔkpɔsɔŋ owo oro? Adaŋoro ndien ke enye edibume ŋkpɔ ufɔk esie.

1 JOHN 3:8

owo eke anamde idiɔk-ŋkpɔ edi eke Satan, koro Satan ananam idiɔk-ŋkpɔ toto ke eritɔŋɔ. Ema esio Eyen Abasi enim ke ntak emi, man Enye akpabiat utom Satan.