MATTHEW 11:5 - Edisana ñwed Abasi Ibom

⁵ mme nnan ekut usuŋ, mbon mbuŋɔ esana, enam mbon akpa-mfia esana, mme inan ekop ikɔ, enam mme akpa-mkpa eset, enyuŋ ekwɔrɔ eti mbuk enɔ mme ubuene.

MATTHEW 11:5 Referans Kwoze

LUKE 4:18

Spirit Jehovah odoro Mi ke idem, Koro Enye emeyet Mi aran onim, ete, ŋkwɔrɔ eti mbuk nnɔ nditɔ-ubuene: Enye ɔmɔdɔŋ Mi, ete, ŋkwɔrɔ uwɔrɔ-ufin nnɔ mbuotekɔŋ, Nnyuŋ ŋkwɔrɔ erikut usuŋ nnɔ mme nnan, Nnyuŋ nsana mmɔ emi efikde nyak,

ISAIAH 29:18

Ndien ke usen oro mbon-inan eyekop ikɔ ŋwed, enyin mme nnan eyenyuŋ ewɔrɔ ke mfuhɔ ye ekim ekut ŋkpɔ.

JAMES 2:5

Ekop, ndima nditɔ-ete mi; nte Abasi ikemekke mmɔ emi ebuenede ke ŋkpɔ ererimbot emi, ite mmɔ eforo ke mbuɔtidem, enyuŋ enyene Obio Ubɔŋ emi Enye ɔkɔŋwɔŋɔde ndinɔ mmɔ emi emade Enye?

MATTHEW 21:14

Ndien mme nnan ye mme mbuŋɔ etiene Enye ke temple: ndien Enye anam udɔŋɔ mmɔ okure.

JOHN 10:38

Edi edieke nnamde, okposuk edi nte mbufo minimke Mi ke akpanikɔ, enim utom naŋa ke akpanikɔ; man mbufo efiɔk enyuŋ eneŋere ekut ete, Ete odu Mi ke idem, Ami nnyuŋ ndu ke Ete.

JOHN 10:25

Jesus ɔbɔrɔ mmɔ ete, Mma ntiŋ nnɔ mbufo, ndien mbufo inimke ke akpanikɔ: mme utom eke Ami nnamde ke enyiŋ Ete Mi edi ntiense enɔ Mi.

JOHN 5:36

Edi Ami mmenyene ikɔ-ntiense emi okponde akan eke John; koro mme utom emi Ete ɔkɔnɔde Mi ete nnam, kpa utom emi nnanam, mmɔ enyuŋ edi ntiense enɔ Mi, ete, Ete okosio Mi ɔdɔŋ.

JOHN 3:2

Owo emi etiene Jesus ke okoneyo ɔkɔdɔhɔ Enye ete, Rabbi, nnyin imɔfiɔk ite Afo edi Andikpep emi Abasi osiode ɔdɔŋ; koro baba owo kiet ikemeke ndinam mme idiɔŋɔ emi Afo ananam, ibɔhɔke Abasi odu ye enye.

JOHN 2:23

Edi ke ini Enye odude ke Jerusalem ke usɔrɔ passover, ediwak owo ebuɔt idem ke enyiŋ Esie, ke emi mmɔ ekutde mme idiɔŋɔ eke Enye anamde.

MARK 9:25

Edi ke ini Jesus okutde nte otu owo ekibede edi, Enye asua ɔnɔ edidehe spirit ete enye. Afo spirit imum ye inan, mmowuk fi, wɔrɔ enye ke idem, kunyuŋ uduk enye ke idem aba.

MARK 7:37

Ndien enyene mmɔ ndyɔ ebe adaŋa, mmɔ enyuŋ edɔhɔ ete, Enye ototim anam kpukpru ŋkpɔ; Enye anam kpa mme inan ekop ikɔ, mme imum enyuŋ etiŋ ikɔ.

MATTHEW 10:8

Enam mbon udɔŋɔ ekop nsɔŋidem, enam mme akpa-mkpa eset, enam mme ɔdɔŋɔ akpa-mfia esana, enyuŋ ebin mme demon eduɔk; mbufo ekebɔ ke ikpikpu, enɔ ŋko ke ikpikpu.

MATTHEW 9:30

Ndien enyin mmɔ etara. Jesus ɔsɔŋɔ owuk mmɔ ete, Etim ese ete owo baba kiet okufiɔk.

ISAIAH 66:2

Ndien Jehovah ɔdɔhɔ, ete, Ubɔk mi akanam kpukpru ŋkpɔ, ndien kpukpru mmɔ emi edu: ndien nyewuk enyin nse owo emi, kpa eyen ukut, emi esit onyuŋ ɔtuhɔde, emi onyuŋ enyekde abaŋa ikɔ mi.

ISAIAH 43:8

Sio mbon nnan, ndien mmɔ enyene enyin; sio mbon-inan, ndien mmɔ enyene utɔŋ.

ŊWED MME PSALM 146:8

Jehovah atat mbon nnanenyin: Jehovah emenere mmɔ eke enu-hɔde: Jehovah ama mbon edinen ido:

ŊWED MME PSALM 22:26

Mbon nsukidem eyedia eyuhɔ: mmɔ eke eyomde Jehovah eyetoro Enye: yak esit mbufo odu uwem ke nsinsi.

2 NDIDEM 5:14

Ndien enye ɔsuhɔre, okoduk ke Jordan utim ikatiaba, ke uyo owo Jehovah: ndien obuk esie akabare nte obuk ekpri eyenɔwɔŋ, enye onyuŋ asana ŋko.

2 NDIDEM 5:7

Edikem ke ini edidem Israel okotde ŋwed oro, enye awai ɔfɔŋ-idem esie, ete, Nte ami ndi Abasi, eke ŋwotde, nnyuŋ nnimde owo uwem, eke esinde owo emi ɔdɔŋ owo etiene mi, ete nnam akpa-mfia okure enye? Mbɔk, mbufo efiɔk, ndien, enyuŋ ese nte enye oyomde mi ikɔ.

MATTHEW 5:3

Ɔfɔfɔn ɔnɔ mmɔ eke ebuenede ke spirit: koro Obio Ubɔŋ Heaven enyene mmɔ.

UTOM MME APOSTLE 2:22

Mbufo nditɔ Israel, ekop ikɔ emi: Jesus eyen Nazareth, owo emi Abasi onyimede ke otu mbufo ke mkpɔsɔŋ utom ye mme utibe ŋkpɔ ye mme idiɔŋɔ eke Abasi adade ubɔk Esie anam ke otu mbufo, nte mbufo ke idem mbufo efiɔkde;

ZECHARIAH 11:7

Ndien ami mbɔk ŋkpri ufene eke ediwotde, kpa ata ubuene otu ufene. Ndien nda esaŋ iba ke idem mi, nsiɔ kiet enyin Uyai, nsio kiet eken enyiŋ Ubɔp-ŋkpɔ; ntem ke mbɔk ufene oro.

EXODUS 4:11

Ndien Jehovah ɔdɔhɔ enye ete, Anie ɔnɔ owo inua? anie onyuŋ anam imum, ye inan, ye okut usuŋ, ye nnan?

ISAIAH 29:19

Ndien mbon nsukesit eyemana edara Jehovah, mme ubuene ke otu owo eyenyuŋ edara Edisana Abasi Israel.

MATTHEW 11:4

Ndien Jesus ɔbɔrɔ mmɔ ete, Eka ekebuk enɔ John ŋkpɔ oro mbufo ekopde enyuŋ ekutde:

MATTHEW 12:13

Ekem Enye ɔdɔhɔ owo oro ete, Nyanare ubɔk fo. Ndien enye anyanare ubɔk; ubɔk esie onyuŋ akabare ɔfɔn nte enye eken.

JOHN 9:7

Ka keyet mmɔ ke mkpɔdiɔhɔ-mmɔŋ Siloam (emi ɔwɔrɔde ete, Enye emi ekɔdɔŋde). Owo oro aka ekeyet mmɔ, onyuŋ afiak edi okut usuŋ.