MATTHEW 11:11 - Edisana ñwed Abasi Ibom

¹¹ Ke akpanikɔ ke ndɔhɔ mbufo, Ke otu mmɔ eke iban emande, akananam owo idahake ida emi okponde akan John baptist: edi owo emi ekpride akan ke Obio Ubɔŋ Heaven okpon akan enye.

MATTHEW 11:11 Referans Kwoze

LUKE 7:28

Ndɔhɔ mbufo nte, Ke otu mmɔ eke iban emande, owo emi okponde akan John iduhe: edi owo emi ekpride akan ke obio ubɔŋ Abasi okpon akan enye.

ŊWED MBON EPHESUS 3:8

Ekenɔ mi, emi ŋkpride ŋkan ata andikpri ŋkan ke otu ikɔt Abasi, ufɔn emi, ete ŋkwɔrɔ nnɔ mme Gentile uwak inyene Christ, eke owo mikemeke ndiduŋɔre mma:

JOHN 1:15

John etie ntiense abaŋa. Enye, onyuŋ ofiori ete, Enye edi owo oro ŋketiŋde mbaŋa, nte Enye emi etienede mi ke edem akabare ebem mi iso, koro Enye ekebemde mi iso odu.

MATTHEW 5:19

Mmɔdɔ owo ekededi eke edibiatde ata ekpri ibet emi kiet, edinyuŋ ekpepde owo efen nditiene mbiat, eyekot enye ata ekpri ke Obio Ubɔŋ Heaven: edi owo ekededi eke edinimde, edinyuŋ ekpepde owo efen ndinim, eyekot enye akamba ke Obio Ubɔŋ Heaven.

MATTHEW 3:11

Ami nda mmɔŋ nnim mbufo baptism, man ekabare esit: edi Enye emi etienede Mi ke edem enyene odudu akan mi, emi mmendotke ndikama ikpa-ukɔt Esie; Enye eyenim mbufo baptism ke Edisana Spirit ye ikaŋ.

LUKE 9:48

Owo ekededi eke edidarade ekpri eyen ɔwɔŋ emi ke enyiŋ Mi adara Mi: ndien owo ekededi eke edidarade Mi adara Enye emi ɔkɔdɔŋde Mi: koro enye emi ekpride akan ke otu mbufo kpukpru, kpa enye edidi akamba.

1 PETER 1:10

Edi erinyaŋa emi ke mme prophet ema etim eyom enyuŋ eduŋɔre, kpa mme prophet emi eketiŋde ebaŋa ufɔn eke edinɔde mbufo;

MME HEBREW 11:40

sia Abasi okonimde se ifɔnde ikan ɔnɔ nnyin; ntem ke ikemeke ndinam mmɔ efɔn ema ke nnyin miduhe.

1 ŊWED CORINTH 15:9

Koro mmeŋkpri ŋkaha ke otu mme apostle, emi mmendotke ndikere apostle, koro ŋkesinde ufɔk Abasi enyin.

1 ŊWED CORINTH 6:4

Edi ke ini mbufo enyenede ikɔ ebaŋa ŋkpɔ uwem emi, nte mbufo eda ɔwɔrɔ ke iso mmɔ emi minyeneke ukpono ke ufɔk Abasi?

JOHN 10:41

Ndien ediwak owo etiene Enye, enyuŋ edɔhɔ ete, Ke akpanikɔ John ikanamde idiɔŋɔ; edi kpukpru se John eketiŋde abaŋa owo emi edi akpanikɔ.

JOHN 3:30

Enye enyene ndidiɔŋ ŋkpon ŋka iso, edi ami nnyene ndidiɔŋ ŋkabare ŋkpri.

ŊWED MME PSALM 51:5

Sese, ŋkamana ke ukwaŋ; eka mi okonyuŋ oyomo mi ke idiɔk.

ŊWED JOB 15:14

Owo edi nso eke enye akpasanade? Owo eke ŋwan amande onyuŋ edi nso eke enye ekpenende?

ŊWED JOB 14:4

Edisana ŋkpɔ akpakam oto ke ŋkpɔ ndek; baba kiet itoho.

ŊWED JOB 14:1

OWO eke ŋwan amande ɔmuhɔ usen, onyuŋ ɔyuhɔ ukut:

JOHN 5:35

John ekedi utuenikaŋ emi asakde onyiuŋ ayamade; mbufo ema enyuŋ enyime ndidara ke uŋwana esie ke ekpri ibio ini.

JOHN 1:27

edi Enye etiene mi ke edem, emi ami mmendotke nditat uruk ikpa-ukot Esie.

ZECHARIAH 12:8

Ke usen oro Jehovah eyekpeme mme andiduŋ Jerusalem; ndien mmeme-mmeme owo ke otu mmɔ eyebiet David ke usen oro; ufɔk David eyenyuŋ ebiet Abasi, ebiet angel Jehovah ke iso mmɔ.

JOHN 7:39

Enye ɔdɔhɔ emi abaŋa Spirit emi mmɔ emi ebuɔtde idem ye Enye edibɔde; koro ikɔnɔŋɔ Spirit kaŋa sia Jesus midukke kaŋa ke ubɔŋ.

ISAIAH 30:26

Ndien uŋwana ɔfiɔŋ eyebiet uŋwana utin, uŋwana utin eyenyuŋ aka iso utim ikatiaba, ebiet uwemeyo itiaba, ke usen eke Jehovah edibɔpde unan ikɔt esiemɔ, edinyuŋ ɔkɔkde ufen eke emiade mmɔ.

ŊWED JOB 25:4

Ndien owo anam didie enen ye Abasi?

1 SAMUEL 2:30

Mmɔdo Jehovah Abasi Israel ɔdɔhɔde ete, Kakpan ke ŋkɔdɔhɔ, nte ke ufɔk fo,ye ufɔk usɔ eyesaŋa ke iso mi ke nsinsi: edi ke emi Jehovah ɔdɔhɔ ete, Nsa mi O! koro nyekpono mmɔ eke ekponode mi, edi nyesin mme andisuene mi ke ndek.

ŊWED MBON EPHESUS 2:3

Kpukpru nnyin ŋko ikonyuŋ isaŋa ye mmɔ ke ini oko, idu uwem ke idiɔk itɔŋ obukidem nnyin, inam se idɔŋde obukidem ye ekikere nnyin, ikonyuŋ idi nditɔ iyaresit ke uduot nnyin, kpa nte mmɔ eken.

2 ŊWED TIMOTHY 1:10

ema enyuŋ ewut uduak ye mfɔn emi ke emi ke eriyarare Andinyaŋa nnyin Christ Jesus, emi akabiatde mkpa,

LUKE 1:15

Koro enye eyekpon ke iso Jehovah; idiŋwɔŋke wine ye ɔkpɔsɔŋ mmin; eyenyuŋ ɔyɔhɔ ye Edisana Spirit toto ke emana esie;

MATTHEW 3:1

KE mme usen oro John Paptist oto edi edikwɔrɔ ikɔ ke desert Judaea, ete,

MATTHEW 11:10

Emi edi enye emi ewetde ebaŋa enye ete, Sese, mmɔdɔŋ isuŋ Mi ebem fi iso, Emi edidiɔŋde usuŋ inim inɔ Fi.

MATTHEW 11:12

Edi ɔtɔŋɔde ke mme usen John Baptist tutu osim emi, Obio Ubɔŋ Heaven akpa unyaŋa, mbom unyaŋa enyuŋ eda enye ke nsɔŋubɔk enyene.