MATTHEW 10:8 - Edisana ñwed Abasi Ibom

⁸ Enam mbon udɔŋɔ ekop nsɔŋidem, enam mme akpa-mkpa eset, enam mme ɔdɔŋɔ akpa-mfia esana, enyuŋ ebin mme demon eduɔk; mbufo ekebɔ ke ikpikpu, enɔ ŋko ke ikpikpu.

MATTHEW 10:8 Referans Kwoze

UTOM MME APOSTLE 3:6

Edi Peter ɔdɔhɔ ete, Nnyeneke silver ye gold; edi se nnyenede ke nnɔ fi oro. Ke enyiŋ Jesus Christ emi otode ke Nazareth, daha, saŋa.

UTOM MME APOSTLE 4:30

ke adaŋemi Afo edinyanarede ubɔk ndinam udɔŋɔ okure owo; man enam mme idiɔŋɔ ye mme utibe ŋkpɔ ke enyiŋ Edisana Owo Fo Jesus.

LUKE 10:9

enyuŋ enam udɔŋɔ okure mbon-udɔŋɔ emi edude do, enyuŋ esian mmɔ ete, Ubɔŋ Abasi ama asaŋa ekpere mbufo.

MATTHEW 10:1

NDIEN Enye okot mbet Esie duopeba edi, ɔnɔ mmɔ odudu ndibin ndedehe spirit nduɔk, ndinyuŋ nnam kpukpru oruk udɔŋɔ ye kpukpru oruk mmemidem ekure.

MARK 16:18

eyemen urukikot ke ubɔk; onyuŋ edieke mmɔ eŋwɔŋde ŋkpɔ ekededi eke abiatde uwem, ididiɔkke ye mmɔ; mmɔ eyedori mbon-udɔŋɔ ubɔk, ndien mmɔ oro eyekop nsɔŋidem.

NUMBERS 18:7

Edi afo ye nditɔ fo ŋko edikpeme ndinam utom idaha oku mbufo, ke kpukpru ŋkpɔ itie-uwa, ye ke edem ukara; mbufo enyuŋ enam ŋkpɔ: mmada idaha oku nnɔ mbufo ke utom enɔ: ndien esen owo eke asaŋade ekpere enyene ndikpa.

ISAIAH 55:1

Oh, mbufo kpukpru emi itɔŋ asatde, edi ke mmɔŋ! ye owo eke minyeneke okuk! mbufo edi edep enyuŋ edia! enyuŋ edi edep wine ye mmɔŋ-eba, idige ke okuk, inyuŋ idige ke ekɔm-urua.

MATTHEW 10:7

Edi nte mbufo ekade, ekwɔrɔ ete, Ubɔŋ Heaven ke ekpere.

MATTHEW 10:9

Ekukama gold, me silver, me okpoho okuk ke ekpat okuk mbufo;