MATTHEW 10:3 - Edisana ñwed Abasi Ibom

³ Philip ye Bartholomew; Thomas ye Matthew emi edide publican; James eyen Alphaeus ye Thaddaues;

MATTHEW 10:3 Referans Kwoze

UTOM MME APOSTLE 1:13

Ndien ke ini mmɔ edukde ufɔk, mmɔ edɔk eka ke ubet enyɔŋ ke ɔtɔ nduŋ mmɔ, kpa ɔtɔ nte Peter ye John ye James ye Andrew, ye Philip ye Thomas, ye Bartholomew ye Mathew, ye James eyen Alphaeus, ye Simon Zealot, ye Judas eyen James eduŋɔde do.

MARK 3:18

okot Andrew ŋko, ye Philip, ye Batholomew, ye Matthew, ye Thomas, ye James eyen Alphaeus, ye Thaddaeus,

MARK 2:14

Ndien nte Enye asaŋade ebe, Enye okut Levi eyen Alphaeus etiede ke itie ubɔ-utomo, onyuŋ ɔdɔhɔ enye ete, Tiene Mi. Levi onyuŋ adaha ke enyɔŋ etiene Enye.

MATTHEW 9:9

Ekem nte Jesus otode do asaŋa ebe, Enye okut owo kiet, emi ekerede Matthew, etiede ke itie ubɔ-utomo; onyuŋ ɔdɔhɔ enye ete, Tiene Mi. Ndien Matthew adaha ke enyɔŋ, etiene Enye.

JOHN 21:2

Simon Peter, ye Thomas emi ekotde Didymus, ye Nathanael eyen Cana obio Galilee, ye nditɔ Zebedee, ye mbet Esie iba efen, ekedu ɔtɔ kiet.

JOHN 11:16

Ntem ke Thomas, emi ekerede Didymus, ɔdɔhɔ mme mbet eken ete, Eyak nnyin itiene Enye ika ikakpa ye Enye.

JUDE 1:1

JUDAS emi edide owo Jesus Christ, ye eyen-eka James ewet ŋwed emi ɔnɔ esɔk mmɔ emi ekekotde, emi Abasi Ete amade, emi enyuŋ ekpemede mmɔ enɔ Jesus Christ.

JAMES 1:1

JAMES, emi edide owo Abasi ye Ɔbɔŋ Jesus Christ, ewet ɔnɔ esɔk esien duopeba emi esuanade, ete ikɔm mmɔ.

ŊWED MBON GALATIA 2:9

ke ini mmɔ efiɔkde ufɔn eke Abasi ɔkɔnɔde mi, James ye Cephas ye John, emi ebatde mmɔ nte mme adaha, ekam enɔ mi ye Barnabas ubɔk nnasia nsaŋa, ete nnyin itiene mme Gentile, mme imɔ inyuŋ itiene mme ana-mbobi.

ŊWED MBON GALATIA 1:19

Edi ŋkekwe mme apostle eken baba kiet, ke mibɔhɔke James, eyen-eka Ɔbɔŋ.

UTOM MME APOSTLE 21:18

Ndien ke ndaŋ-nsiere Paul asaŋa ye nnyin aka ndise James; kpukpru mbiowo enyuŋ edu do.

UTOM MME APOSTLE 12:17

Edi enye anyanare ubɔk ɔnɔ mmɔ ete, edop uyo, onyuŋ asian mmɔ ido nte Ɔbɔŋ akadade osio enye ke ufɔk-ŋkpɔkɔbi. Enye onyuŋ ɔdɔhɔ mmɔ ete, Esian James ye nditɔ-ete ŋkpɔ emi. Ndien enye adaha aka ke ebiet eŋwen.

LUKE 5:27

Ekem ke mme ŋkpɔ emi ema ekebe, Jesus ɔwɔrɔ aŋwa, okut publican kiet, emi ekerede Levi, etiede ke itie ubɔ-utomo, onyuŋ ɔdɔhɔ enye ete, Tiene Mi.

UTOM MME APOSTLE 15:13

Edi ke mmɔ ema eketiŋ ema, James ɔbɔrɔ ete,

JOHN 14:22

Judas (idige Iscariot) obup Enye ete, Ɔbɔŋ, nsitibe Afo ediyararede Idem Fo ɔnɔ nnyin edi muduyarakere unɔ ererimbot?

JOHN 14:9

Jesus ete enye, Nte mmodu ye mbufo adaŋa anyan ini emi, ndien udiɔŋɔke Mi, Philip? Owo eke okokutde Mi okokut Ete; anam didie ndien ɔdɔhɔ ete, Wut nnyin Ete?

MATTHEW 27:56

Mary Magdalene, ye Mary eka James ye Joseph, ye eka nditɔ Zebedee edu ke otu mmɔ.

MATTHEW 18:17

Edi edieke enye esinde ndikop uyo mmɔ, men tiŋ nɔ ufɔk Abasi, edi enye esinde ndikop uyo ufɔk Abasi, yak enye etie fi ke enyin nte owo mme idut ye publican.

MARK 15:40

Iban ŋko edu do, eda nsan-nsan ese; Mary Magdalene odu ke otu mmɔ, ye Mary eka James ekpri ye Joses, ye salome,

LUKE 18:10

ete, Owo iba ekɔdɔk ke temple ndibɔŋ akam: kiet edi Pharisee, enye eken edi publican.

LUKE 18:11

Pharisee ada ɔbɔŋ akam ye idem esie, ete, Abasi, mmɔkɔm Fi, koro mmentiehe nte owo eŋwen, mbon nnama, mme anam ukwaŋido, mme esin-efibe, kpa ye nte publican emi.

LUKE 18:13

Edi publican ada nsan-nsan, inyuŋ inyimeke ndimenere kpa enyin esie nse enyɔŋ, edi amia ubɔk ke ikpanesit esie, ete, Abasi, tua mi, idiɔk owo, mbɔm.

LUKE 19:2

Ndien sese, owo kiet emi ekerede Zacchaeus odu do; enye edi etubom mme publican, onyuŋ edi owo inyene.

JOHN 1:48

Nathanael ete Enye, Asaŋa didie ɔdiɔŋɔ mi? Jesus ɔbɔrɔ enye ete, Ke ini Philip mikokotke fi kaŋa, ke adaŋemi afo etiede ke idak eto fig, ŋkokut fi.

JOHN 14:5

Thomas ete Enye, Ɔbɔŋ, nnyin ifiɔkke ebiet eke akade; nnyin idinyuŋ didie ifiɔk usuŋ?