MATTHEW 10:19 - Edisana ñwed Abasi Ibom

¹⁹ Edi ke ini ediyakde mbufo enɔ, ekutimere esit ekere, me edidɔhɔ didie, me editiŋ nso; koro kpa idaha oro ke eyenɔ mbufo se editiŋde.

MATTHEW 10:19 Referans Kwoze

EXODUS 4:12

Nte idige ami Jehovah? Ka ndien, ami nyenyuŋ ndu ye inua fo, nnyuŋ nteme fi se afo edidɔhɔde.

2 ŊWED TIMOTHY 4:17

Edi Ɔbɔŋ adada mi ke ŋkaŋ, ɔsɔŋɔ mi esit nditiŋ ikɔ gospel ɔyɔhɔ-ɔyɔhɔ, man kpukpru mme Gentile ekop: ntem ke Enye anyaŋa mi osio ke inua lion.

LUKE 12:11

Edi kadaŋemi mmɔ edidade mbufo eka ke mme synagogue ye ke iso mme andikara, ye mme enyene-odudu, ekutimere esit ekere ebaŋa ido nte mbufo edibɔrɔde ke nyaŋa-idem, me se mbufo editiŋde:

EXODUS 4:15

Ndien afo editiŋ ɔnɔ enye, onyuŋ ada ikɔ oro esin enye ke inua: ami nyenyuŋ ndu ye inua fo, ye inua esie, nnyuŋ nteme mbufo se mbufo edinamde.

JAMES 1:5

Edi edieke owo mbufo ekededi ananade eti ibuot, yak enye ebeŋe Abasi, emi ɔnɔde kpukpru owo ke ntarubɔk, minyuŋ itɔhɔke owo; ndien Abasi eyenɔ enye.

MATTHEW 6:31

Mmɔdo ekutimere esit ebup ete, Nso ke nnyin ididia? Nso ke nyin idiŋwɔŋ? Nso ke nnyi indisine?

MATTHEW 6:25

Mmɔdo ndɔhɔ mbufo nte, Ekutimere esit ebaŋa uwem mbufo, ete ididia nso? mme idiŋwɔŋ nso? mme ebaŋa ikpɔhidem mbufo, ete idisine nso? Nte uwem ikanke udia? nte ikpɔhidem inyuŋ ikanke edisine-ŋkpɔ?

ŊWED MBON PHILIPPI 4:6

Ekutimere esit ke baba ŋkpɔ kiet, edi ke kpukpru ŋkpɔ, esaŋa ye akam ye mkpe-ubɔk ye ekɔm, esian Abasi se mbufo eyomde.

UTOM MME APOSTLE 6:10

Ndien mmɔ ikemeke ndida ke iso ifiɔk ye

JEREMIAH 1:9

Ndien Jehovah anyanare ubɔk esie otuk mi inua. Jehovah onyuŋ ɔdɔhɔ mi, ete, Sese, mmesin fi ikɔ mi ke inua.

JEREMIAH 1:7

Ndien Jehovah ɔdɔhɔ mi, ete, Kudɔhɔ ete, “Ami ndi eyen-ɔwɔŋ:” koro afo eyesaŋa kpukpru utom eke ndidɔŋde fi, eyenyuŋ etiŋ kpukpru se ndiwukde fi.

MATTHEW 6:34

Ekutimere esit ebaŋa mkpɔŋ ndien; koro mkpɔŋ eyeda utimere-esit esie edi. Afanikɔŋ usen ekem ye usen.

MATTHEW 10:18

eyenyuŋ eda mbufo ewɔrɔ ke iso mme andikara ye ndidem kabaŋa Mi, kpaŋ mbufo edi ntiense enɔ mmɔ ye mme Gentile.

LUKE 12:12

koro kpa ke idaha oro Edisana Spirit eyeteme mbufo se mbufo enyenede nditiŋ.