MATTHEW 10:14 - Edisana ñwed Abasi Ibom

¹⁴ Owo ekededi eke minyimeke ndidara mbufo, nnyuŋ ŋkop ikɔ mbufo, ke ini mbufo ewɔŋɔde ke ufɔk me ke obio oro, ekeŋ ntan ikpat mbufo eduɔk.

MATTHEW 10:14 Referans Kwoze

UTOM MME APOSTLE 18:6

Edi ke mmɔ enenide ye enye ɔkpɔsɔŋ enyuŋ esuŋide, enye ekeŋ ɔfɔŋidem esie onyuŋ ɔdɔhɔ mmɔ ete, Iyip mbufo osuk ɔkɔbɔ mbufo; nsaŋake do; ɔtɔŋɔde ke emi mmetiene mme Gentile.

NEHEMIAH 5:13

Ndien nnyeŋe ikpanesit ɔfɔŋidem mi, nnyuŋ ndɔhɔ nte, Ntem ke Abasi edinyeŋe kpukpru owo eke midinamke ikɔ emi, osio ke ufɔk esie, ye ke ŋkpɔ-utom esie efep; ndien ntem ke edinyeŋe enye efep, enye eyenyuŋ edi ukpɔk. Ndien ofuri esop mmɔ edɔhɔ ete, Amen, enyuŋ etoro Jehovah. Kpukpru owo enyuŋ enam ke ikɔ emi.

UTOM MME APOSTLE 13:51

Edi mmɔ ekeŋ ntan ikpat mmɔ efep ndibiom mmɔ ikpe, enyuŋ edi ke Iconium.

LUKE 9:5

Edi mbio-obio ekededi eke minyimeke ndidara mbufo, nte ewɔŋɔde ke obio oro, ekeŋ ntan ke ikpat mbufo efep, nte ŋkpɔ-ntiense ubiom-ikpe mmɔ.

MARK 6:11

Ndien ebiet ekededi eke midinyimeke ndidara mbufo, minyuŋ ikopke uyo mbufo, nte mbufo ewɔŋɔde do, ekeŋ ntan ikpat mbufo enɔ mmɔ nte ŋkpɔ ntiense.

1 ŊWED THESSALONICA 4:8

Mmɔdo owo emi esinde ndibɔ item emi isinke item owo, edi esin item Abasi, emi ɔnɔde mbufo Edisana Spirit Esie.

JOHN 13:20

Ke akpanikɔ ke ndɔhɔ mbufo, Owo eke adarade isuŋ ekededi eke ndidɔŋde adara Mi; ndien owo eke adadare Mi adara Enye emi ɔkɔdɔŋde Mi.

MARK 9:37

onyuŋ ɔdɔhɔ mmɔ ete, Owo ekededi eke adarade kiet ke otu oruk ŋkpri nditɔwɔŋ emi ke enyiŋ Mi adara Mi: ndien owo ekededi eke adarade Mi, idige Ami ke adadara, edi Enye emi ɔkɔdɔŋde Mi.

MATTHEW 18:5

Owo ekededi eke edinyuŋ adarade oruk ekpri eyenɔwɔŋ emi kiet ke enyiŋ Mi adara Mi:

LUKE 9:48

Owo ekededi eke edidarade ekpri eyen ɔwɔŋ emi ke enyiŋ Mi adara Mi: ndien owo ekededi eke edidarade Mi adara Enye emi ɔkɔdɔŋde Mi: koro enye emi ekpride akan ke otu mbufo kpukpru, kpa enye edidi akamba.

MATTHEW 10:13

Ndien edieke ufɔk oro odotde, yak emem mbufo odoro ke esit; edi edieke ufɔk oro midotke, yak emem mbufo afiak etiene mbufo.