MATTHEW 1:12 - Edisana ñwed Abasi Ibom

¹² Ndien ke ema eketaŋ mmɔ eka ke Babylon, Jechoniah obon Shealtiel; Shealtiel obon Zerubabbel;

MATTHEW 1:12 Referans Kwoze

1 CHRONICLES 3:17

Ndien nditɔ Jeconiah ŋko; Assir; Shealtiel eyen esie,

EZRA 3:2

Ndien Jeshua eyen Jozadak ye nditɔ-ete esie mme oku edaha ke enyɔŋ, ye Zerubbabel eyen Shealtiel, ye nditɔ-ete esie, ebɔp itie-uwa Abasi Israel man ewa edifɔp uwa ke esit, kpa nte ewetde ke ŋwed ewuhɔ Moses owo Abasi.

LUKE 3:27

eyen Joanan, eyen Rhesa, eyen Zerubbabel, eyen Shealtiel, eyen Neri,

HAGGAI 1:14

Ndien Jehovah edemere spirit Zerubbabel eyen Shealtiel, ɔbɔŋ Judah, ye spirit Joshua eyen Jehozadak, akamba oku, ye spirit kpukpru mmɔ eke esuhɔde; ndien mmɔ edi edinam utom ke ufɔk Jehovah mme udim, Abasi mmɔ,

HAGGAI 2:23

Jehovah mme udim ɔdɔhɔ, ete, Ke usen oro nyeda fi Zerubbabel eyen Shealtiel, owo mi, Jehovah ke ɔdɔhɔ, nnyuŋ nnim fi seal: koro mmemek fi, ke edi uyo Jehovah mme udim.

HAGGAI 2:2

Dɔhɔ ndien Zerubbabel eyen Shealtiel ɔbɔŋ Judah, ye Joshua eyen Jehozadak, akwa oku, ye mbio-obio emi esuhɔde, ete.

HAGGAI 1:12

Ndien Zerubbabel eyen Shealtiel, ye Joshua eyen Jehozadak, akamba oku, ye kpukpru owo eke esuhɔde, ekop uyo Jehovah Abasi mmɔ, ye ikɔ Haggai prophet, kpa nte Jehovah Abasi mmɔ ɔkɔdɔŋde enye utom, ndien kpukpru owo efehe ndik ke iso Jehovah.

HAGGAI 1:1

KE udiana-akpa isua Darius edidem, ke ɔyɔhɔ ɔfiɔŋ itio-kiet, ke akpa usen ɔfiɔŋ, uyo Jehovah ke ubɔk Haggai prophet osim Zerubbabel eyen Shealtiel, ɔbɔŋ Judah, ye Joshua eyen Jehozadak akamba oku, ete,

JEREMIAH 22:28

Nte owo emi Coniah edi obukpo ibɔk eke asiahade? Nte enye edi ŋkpɔ ufɔk eke baba inem miduhe enye ke esit? Nsinam esiode enye ye nditɔ esie eduɔk? Nsinyuŋ inam edade mmɔ eduɔk ke idut eke mmɔ mifiɔkke?

JEREMIAH 22:24

Jehovah ɔdɔhɔ, ete, Ma uwem mi, Coniah eyen Jehoiakim edidem Judah ekpetie nte ŋkpɔ ufik-ŋwed ke ubɔk nnasia mi, ŋkpetreke ndifɔrɔde fi mfep ke esit;

NEHEMIAH 12:1

NDIEN mme mmɔ emi edi mme oku ye mme Levite emi ekedɔkde ye Zerubbabel eyen Shealtiel, ye Jeshua: Seraiah, Jeremiah, Ezra,

EZRA 5:2

Ndien Zerubbabel eyen Shealtiel, ye Jeshua eyen Jozadak, edaha ke enyɔŋ etɔŋɔ ndibɔp ufɔk Abasi emi odude ke Jerusalem: mme prophet Abasi enyuŋ eŋwam mmɔ ŋko.

2 NDIDEM 25:27

Edikem ke ɔyɔhɔ isua edip ye efureba nte ekemen Jehoaichin edidem Judah efep, ke ɔyɔhɔ ɔfiɔŋ duopeba, ke ɔyɔhɔ usen edip ye itiaba ke ɔfiɔŋ, Evil-mero-dach edidem Babylon, ke isua oro enye adade ubɔŋ, emenere Jehoiachin edidem Judah ibuot, osio ke ufɔk ŋkpɔkɔbi:

2 NDIDEM 24:14

Enye onyuŋ ataŋ ofuri Jerusalem, ye kpukpru ikpɔ owo, ye kpukpru mbon-uko efep, kpa tɔsin mbuot-ekɔŋ duop, ye kpukpru mbon-usɔ, ye mme odom-utim: isuhɔke baba kiet ke mibɔhɔke nditɔ ubuene ke isɔŋ.

JEREMIAH 22:30

Ntem ke Jehovah ɔdɔhɔ, ete, Mbufo ewet owo emi, ete, anana eyen, owo eke midikwe unen ke uwem esie: koro baba owo nditɔ esie kiet midikwe unen, itie ke ebekpo David, inyuŋ ikara aba ke Judah.

JEREMIAH 27:20

emi Nebuchadnezzar edidem Babylon mikemenke ifep, ke ini oro enye akataŋde Jeconiah eyen Jehoiakim edidem Judah, ke Jerusalem ɔnyɔŋ ke Babylon, ye kpukpru mbɔŋ Judah, ye Jerusalem:

MATTHEW 1:11

Amon obon Josiah; Josiah onyuŋ obon Jechoniah ye nditɔ-ete esie, ke ini emi etaŋde nmɔ eka ke Babylon.

MATTHEW 1:13

Zerubbabel obon Abiud; Abiud obon Eliakim; Eliakim obon Azor

MATTHEW 1:17

Ntem ɔtɔŋɔde ke Abraham tutu osim David kpukpru emana edi emana duopenaŋ; onyuŋ ɔtɔŋɔde ke David tutu osim ini emi etaŋde mmɔ eka Babylon edi emana duopenaŋ; onyuŋ ɔtɔŋɔde ke ini emi etaŋde mmɔ eka Babylon tutu osim Christ edi emana duopenaŋ;