MATTHEW 1:1 - Edisana ñwed Abasi Ibom

¹ ŊWED emana Jesus Christ, eyen David, eyen Abraham.

MATTHEW 1:1 Referans Kwoze

GENESIS 22:18

kpukpru mme idut ke ererimbot eyenyuŋ ekut mfɔn eke otode ke ubon fo, koro afo ama okokop uyo mi.

ŊWED MBON GALATIA 3:16

Edi ekeŋwɔŋɔ mme uŋwɔŋɔ enɔ Abraham ye eyen emi enye edibonde. Idɔhɔke enye ete, Nditɔ emi afo edibonde, nte ŋkpɔ eke mmɔ edide ediwak; edi etiŋ nte owo etiŋ abaŋa owo kiet ete, Eyen emi afo edibonde; ndien Eyen oro edi Christ.

ŊWED MBON ROME 1:3

(emi okototde ke ubon David ke obukidem;

ERIYARARE 22:16

Ami Jesus ŋkɔdɔŋ angel Mi edisian fi ikɔ emi, man ada ɔnɔ mme ufɔk Abasi. Ami ndi Oruŋ ye Eyen David, ediyama ntantafiɔŋ usenubɔk.

ŊWED MME PSALM 132:11

Jehovah ɔmɔŋwɔŋɔ ɔnɔ David ke akpanikɔ; enye idiwɔŋɔkede ikpɔŋ enye; “Nyeda mfri idem fo ndori ke ebekpo fo.

JEREMIAH 23:5

Jehovah ɔdɔhɔ, ete, Sese, usen ke edi eke ndinamde edinen nsehe otibe ɔnɔ David, ndien edidem kiet eyeda ubɔŋ, onyuŋ okut unen, onyuŋ anam edinen ikpe ke isɔŋ.

ISAIAH 11:1

NDIEN nsehe kiet eyetibe ke etak eto Jesse, ŋkɔk eyenyuŋ asiaha ke oruŋ esie.

JOHN 7:42

Nte Ŋwed Abasi idɔhɔke ite Christ oto ke oruk David, onyuŋ oto ke Bethlehem obio-iŋwaŋ emi David okodude do?

GENESIS 12:3

nyenyuŋ ndiɔŋ mmɔ eke edidiɔŋde fi, nnyuŋ nsuŋi mmɔ eke edidiɔkde ye afo: ndien oto fi kpukpru oruk ererimbot eyekut mfɔn.

UTOM MME APOSTLE 2:30

Mmɔdo, sia enye ekededi prophet, onyuŋ ɔfiɔkde ete Abasi ama ɔŋwɔŋɔ ɔnɔ imɔ, ete iyeda mfri idem esie idori ke ebekpo esie;

MATTHEW 1:18

Emana Jesus Christ ekedi ntem: ekeda Mary eka Esie enɔ Joseph ke ndɔ; edi ke ini mmɔ miduhe kaŋa ufɔk kiet, eyarare efiɔk ete enye omoyomo idibi oto ke Edisana Spirit.

ISAIAH 53:8

Esio enye ke ukut ye ke ikpe: ndien anie ekeme ndibuk emana esie? Koro esibede enye efep ke isɔŋ mme odu-uwem: ke abaŋa mme idiɔk ido ikɔt mi ke enye ada ufen.

ŊWED MBON ROME 9:5

Christ okonyuŋ oto ke otu mmɔ ke obukidem Esie: Enye edi Andikara kpukpru ŋkpɔ, Abasi, emi enyenede itoro ke nsinsi. Amen.

ŊWED MBON ROME 4:13

Koro itoho ke ibet ke ekenɔ Abraham ye nditɔ esie uŋwɔŋɔ, ete enye edida ererimbot enyene, edi oto ke edinen ido eke mbuɔtidem adade edi.

MATTHEW 15:22

Ndien sese, ŋwan Canaan kiet oto ke adaŋa edem oro edi, onyuŋ ofiori ete, Tua mi mbɔm, O Ɔbɔŋ, Afo Eyen David; demon ke ɔtuhɔre eyen mi aŋwan eti-eti.

MATTHEW 9:27

Ekem nte Jesus otode do asaŋa ebe, nnan iba etiene Enye, efiori ete, Eyen David, tua nnyin mbɔm.

JEREMIAH 33:26

ndien nyemen ubon Jacob ye ubon David owo mi ŋko nduɔk, ndinyuŋ nsioho aba owo eke edikarade ubon Abraham, ye Isaac, ye Jacob, ke ubon esie: koro nyeda nditɔ mmɔ emi eketaŋde efep mfiak ndi, nnyuŋ ntua mmɔ mbɔm.

GENESIS 2:4

Mme mmɔ emi edi emana enyɔŋ ye isɔŋ ke ebotde mmɔ, ke usen emi Jehovah Abasi anamde isɔn ye enyɔŋ.

MATTHEW 3:16

Ekem John onyime ɔnɔ Enye. Edi ke ini Jesus akanade baptism ama, kpa idaha oro Enye ɔwɔrɔ ke mmɔŋ ɔdɔk: ndien sese, enyɔŋ eberere ɔnɔ Enye, Enye onyuŋ okut Spirit Abasi ɔsuhɔrede nte ibiom edidoro Enye ke idem;

ZECHARIAH 12:8

Ke usen oro Jehovah eyekpeme mme andiduŋ Jerusalem; ndien mmeme-mmeme owo ke otu mmɔ eyebiet David ke usen oro; ufɔk David eyenyuŋ ebiet Abasi, ebiet angel Jehovah ke iso mmɔ.

AMOS 9:11

Ke usen oro nyediɔŋ ataya David emi ɔduɔde, nnyuŋ nsiri ŋwure esie; nnyuŋ ndiɔŋ ufɔk esie emi ebiarade, nnyuŋ mbɔp enye, kpa nte ke eyo oko:

GENESIS 5:1

EMI edi ŋwed emana owo. Ke usen oro Abasi obotde owo, Enye anam owo ke mbiet Abasi;

ŊWED MME PSALM 89:36

Ubon esie eyedu ke nsinsi; ebekpo esie eyebigi nte utin ke iso mi.

ŊWED MME PSALM 89:3

Mmodiomi ediomi ye owo emi mmekde, mmɔŋwɔŋɔ nnɔ David owo mi.

MATTHEW 1:2

Abraham okobon Isaac; Isaac obon Jacob; Jacob obon Judah ye nditɔ-ete esie;

LUKE 1:33

Enye eyeda ubɔŋ ufɔk Jacob ke nsinsi; Ubɔŋ Esie idinyuŋ ikureke.

1ŊWED TIMOTHY 2:5

Koro Abasi kiet odu, Ekpe-emem kiet ke ufɔt Abasi ye owo onyuŋ odu, emi ke Idem Esie edide owo, kpa Christ Jesus;

2 ŊWED TIMOTHY 2:8

Ti Jesus Christ, emi ekesetde ke mkpa, emi okotode ke ubon David, nte ŋkwɔrɔde ke gospel mi;