MARK 9:35 - Edisana ñwed Abasi Ibom

³⁵ Ndien Enye etetie, okot mbet duopeba edi, onyuŋ ɔdɔhɔ mmɔ ete, Edieke owo ekededi oyomde ndidi ebe iso, enye enyene ndikpere edem, ndinyuŋ nsaŋa utom nnɔ kpukpru mmɔ eken,

MARK 9:35 Referans Kwoze

LUKE 22:26

Edi inyeneke ndidi ntre ye mbufo: yak enye emi okponde akan ke otu mbufo akabare etie nte eyenɔwɔŋ; enye emi onyuŋ edide etubom akabare etie nte anam-utom.

MATTHEW 23:11

Edi enye emi okponde akan ke otu mbufo edidi asaŋutom mbufo.

JAMES 4:6

Edi Enye ɔnɔ mfɔn awak akan. Mmɔdo ewetde ete, Abasi ɔbiɔŋɔ mbon iseri, edi ɔnɔ mbon nsuhɔre-idem mfɔn.

LUKE 18:14

Ndɔhɔ mbufo nte, owo emi ɔsuhɔre ɔnyɔŋ ufɔk enyene utebe-ikpe akan enye eken: koro kpukpru owo eke emenerede idem esie, ke eyesuhɔre enye enim; edi owo eke ɔsuhɔrede idem esie, ke eyemenere enye.

JEREMIAH 45:5

Ndien afo osuk oyom ikpɔ ŋkpɔ ke idem fo. Kuyom: koro, sese, ami nyeda idiɔk ntiene kpukpru owo, Jehovah ɔdɔhɔ: edi nyenɔ fi uwem fo ke ŋkpɔ mbume, ke kpukpru ebiet eke afo akade do.

MME ŊKE 13:10

Edi iseri ikpɔŋ esin utɔk: edi mmɔ eke ekopde item enyene ibuot.

MARK 9:36

Ndien Enye ada ekpri eyen ɔwɔŋ onim ke ufɔt mmɔ; onyuŋ emen enye akama ke ubɔk Esie,