MARK 9:23 - Edisana ñwed Abasi Ibom

²³ Jesus ɔbɔrɔ enye ete, Edieke ekemede ndibuɔt idem! Kpukpru ŋkpɔ ekeme ndiwɔrɔ nnɔ enye emi ɔbuɔtde idem.

MARK 9:23 Referans Kwoze

JOHN 11:40

Jesus ete enye, Nte ŋkɔdɔhɔke fi nte, edieke onimde ke akpanikɔ, eyekut ubɔŋ Abasi?

MME HEBREW 11:6

edi ke mbuɔtidem miduhe, owo ikemeke ndinem Abasi esit; koro owo eke asaŋade ekpere Abasi enyene ndinim ete Enye odudu, onyuŋ edi Andinɔ mmɔ emi eyomde Enye utip.

MARK 11:23

Ke akpanikɔ ke ndɔhɔ mbufo, owo ekededi eke edidɔhɔde akamba obot emi ete, Wuhɔre, kɔduɔ sine ke akwa inyaŋ; midinyuŋ iyikke ke esit esie, edi onimde ke akpanikɔ ete se imɔ itiŋde eyesu, eyewɔrɔ ɔnɔ enye.

MATTHEW 17:20

Edi Enye ɔdɔhɔ mmɔ ete, Oto ke ntak ekpri mbuɔtidem mbufo.

2 CHRONICLES 20:20

Ekem mmɔ ebak edemere ke usenubɔk ewɔŋɔ ke wilderness Tekoa: ndien ke ini mmɔ ewɔŋɔde, Jehoshaphat ada ɔdɔhɔ ete, O Judah, ye mme andiduŋ Jerusalem, mbufo ekop uyo mi: eberi idem mbufo ye Jehovah Abasi mbufo, ndien eyemum mbufo ekama; enim uyo mme prophet esie ke akpanikɔ, ndien mbufo eyekut unen.

LUKE 17:6

Edi Ɔbɔŋ ete, Edieke mbufo enyenede mbuɔtidem eke etiede nte mkpasip mustard, mbufo ekpɔdɔhɔ eto sycamine emi ete, Wuhɔre mi ke ebiet emi, ka kɔwuhɔ ke inyaŋ; ndien enye akpanam uyo mbufo.

UTOM MME APOSTLE 14:9

Enye okop nte Paul etiŋde ikɔ: ndien Paul owuk enyin ese enye, okut ete enye enyene mbuɔtidem nte ekemde ndinam idem ɔsɔŋ enye,

MARK 9:22

Spirit onyuŋ awawak ndisio enye nduɔk ke ikaŋ ye ke mmɔŋ, ete iwot enye: edi edieke Afo ekemede ndinam ŋkpɔ, tua nnyin mbɔm, nyuŋ ŋwam nnyin.

MARK 9:24

Idaha oro ete eyen oro ofiori ete, Mmɔbuɔt idem; ŋwam unana mbuɔtidem mi.

MATTHEW 14:29

Jesus ete enye, Di. Ndien Peter ɔsuhɔre ke ubom, onyuŋ asaŋa ke enyɔŋ mmɔŋ, ete itiene Jesus.