MARK 7:22 - Edisana ñwed Abasi Ibom

²² ye obom, ye efibe, ye idiɔk itɔŋ, ye oburobut ido, ye abiaŋa, ye obukpo ido, ye erise owo idiɔk enyin, ye isuŋi, ye iseri, ye ndisime:

MARK 7:22 Referans Kwoze

MATTHEW 20:15

Nte inenke ami ndida se inyenede mi nnam nte mmade? me nte enyin fo ɔdiɔk, koro ami mfɔnde ido?

1 PETER 5:5

Kpasuk ntre, mbufo mkparawa, esuk idem enɔ mbiowo. Kpukpru mbufo enyuŋ ebɔbɔ nsukidem ke idem nte mbɔbɔ, enam ŋkpɔ enɔ kiet eken: koro Abasi aŋwaŋwana ye mbon iseri, edi ɔfɔn ido ye mbon nsukidem.

1 PETER 2:15

Koro Abasi aduak ntem ete, mbufo eda nti ido ekibi inua mbon ndisime, eke mifiɔkke se mmɔ etiŋde.

2 ŊWED CORINTH 10:5

Nnyin iwuri ekikere esit owo, ye kpukpru edikoŋ ŋkpɔ eke emenerede idem ke enyɔŋ eŋwana ye ifiɔk Abasi; inyuŋ imum kpukpru ekikere nte mbuot-ekɔŋ, inam mmɔ esuk ibuot enɔ Christ;

MATTHEW 6:23

Edi edieke enyin fo ɔdiɔkde, ofuri ikpɔhidem fo eyekim. Ntre edieke uŋwana emi odude fi ke idem edide ekim, ekim emi odude fi ke idem ɔsɔŋ adaŋa didie!

ECCLESIASTES 7:25

Ndien ami nda esit mi ŋkabare ndifiɔk, nnyuŋ nduŋɔ, nnyuŋ nyom eti ibuot ye asian, nnyuŋ mfiɔk idiɔk ido nte ke edi ndisime, ye ndisime nte ke edi idat:

MME ŊKE 28:22

Owo idiɔk enyin ɔkɔ wowo inyene: inyuŋ ifiɔkke ite ke unana edisim imɔ.

MME ŊKE 27:22

Ada eyen-uruŋ otim ndisime owo ke uruŋ ke otu editim ibokpot, ebiɔ esie idikpɔŋke enye.

MME ŊKE 24:9

Ndisime ekikere ɔmɔdiɔk: ndien asak-nsahi etek owo esit.

MME ŊKE 23:6

Kudia ŋkpɔ owo idiɔk enyin, kunyuŋ uma edinem udia esie:

MME ŊKE 22:15

Ndisime ido eyire ke esit eyenɔwɔŋ: eto item eyebin enye efep ɔkpɔŋ enye anyan usuŋ.

MME ŊKE 12:23

Owo ɔniɔŋ odip ifiɔk: edi esit mbon ndisime eyekwɔrɔ ebiɔ.

ŊWED MME PSALM 10:4

esin Jehovah ke ndek. Idiɔk owo ke akwa iseri esie idiyomke (Abasi): “Abasi iduhe” edi ofuri ekikere esie.

2 CHRONICLES 32:31

Edi ke ikɔ mme isuŋutom mbɔŋ Babylon oro ekedɔŋde ekebup ŋkpɔ ndyɔ oro ekenamde ke isɔŋ, Abasi, ɔkpɔŋ enye, ete idomo ifiɔk kpukpru se idude enye ke esit.

DEUTERONOMY 28:56

Ŋwan mmemido ye ndiin ke otu fo, eke ndiin ye mmemido minyimeke enye onim ikpat esie ke isɔŋ, kpa enye eyeda idiɔk enyin ese ebe ikpanesit esie, ye eyen-eren esie, ye eyen-aŋwan esie,

DEUTERONOMY 28:54

ndien owo mmemido ye ndiin ke otu fo eyeda idiɔk enyin ese eyen-eka esie, ye ŋwan ikpanesit esie, ye nditɔ esie eŋwen eke enye edisuhɔde:

DEUTERONOMY 15:9

Kpeme idem fo mbak ikɔ edidu ke idiɔk esit fo ete, Ɔyɔhɔ isua itiaba, isua eridahado emekpere: ndien enyin fo akabare ɔdiɔk ye eyen-usɔ emi edide ubuene, ndien afo etre ndinɔ enye; enye onyuŋ eseme ɔnɔ Jehovah abaŋa fi, ndien idiɔk ŋkpɔ ɔsɔp fi.

ŊWED MME PSALM 119:36

Nam esit mi ebine uyo fo; kuyak ebine udori.

ISAIAH 59:7

Ukot mmɔ efeŋe enam se idiɔkde; enyuŋ ewara ndiduɔk iyip owo eke miduehe: ekikere mmɔ edi ekikere ibak; nsobo ye nwure edu ke ɔkpɔ-usuŋ mmɔ.

ISAIAH 59:13

Ke inam idiɔk, isu nsu, ibaŋa Jehovah, ikabare ikpɔŋ Abasi nnyin, idɔhɔ ufik ye nsɔŋ-ibuot, iyomo inyuŋ itiŋ ikɔ nsu ke esit.

JEREMIAH 17:9

Esit abiaŋa kpukpru ŋkpɔ, onyuŋ abiara fap; anie edikeme ndifiɔk enye?

MARK 7:21

Koro mme idiɔk ekikere eto ke esit owo ewɔŋɔ, ye use, inɔ,

MARK 7:23

kpukpru mme idiɔk ŋkpɔ emi eto owo ke esit ewɔŋɔ, enyuŋ esabare owo.