MARK 6:11 - Edisana ñwed Abasi Ibom

¹¹ Ndien ebiet ekededi eke midinyimeke ndidara mbufo, minyuŋ ikopke uyo mbufo, nte mbufo ewɔŋɔde do, ekeŋ ntan ikpat mbufo enɔ mmɔ nte ŋkpɔ ntiense.

MARK 6:11 Referans Kwoze

UTOM MME APOSTLE 18:6

Edi ke mmɔ enenide ye enye ɔkpɔsɔŋ enyuŋ esuŋide, enye ekeŋ ɔfɔŋidem esie onyuŋ ɔdɔhɔ mmɔ ete, Iyip mbufo osuk ɔkɔbɔ mbufo; nsaŋake do; ɔtɔŋɔde ke emi mmetiene mme Gentile.

NEHEMIAH 5:13

Ndien nnyeŋe ikpanesit ɔfɔŋidem mi, nnyuŋ ndɔhɔ nte, Ntem ke Abasi edinyeŋe kpukpru owo eke midinamke ikɔ emi, osio ke ufɔk esie, ye ke ŋkpɔ-utom esie efep; ndien ntem ke edinyeŋe enye efep, enye eyenyuŋ edi ukpɔk. Ndien ofuri esop mmɔ edɔhɔ ete, Amen, enyuŋ etoro Jehovah. Kpukpru owo enyuŋ enam ke ikɔ emi.

JUDE 1:7

Kpasuk ntre ŋko ke Enye ama osio Sodom ye Gomorrah ye ŋkpet-ŋkpet obio eken, emi ekonyuŋ etienede mmɔ esin idem ke use ye ido eke mikemke, onim nte uwut-ŋkpɔ, mmɔ enyuŋ ekut ufen nsinsi ikaŋ.

1 JOHN 4:17

Ima ɔwɔrɔ ɔfɔn ama ke esit nnyin ntem, ete nnyin inyene uko ke usen ikpe; koro nte Enye odude uwem ke ererimbot emi, kpa ntre ke nnyin inyuŋ idu.

2 PETER 3:7

Edi ama edi ikpa-enyɔŋ ye isɔŋ emi edude ke emi, ikɔ Abasi okomum mmɔ onim ɔnɔ ikaŋ; ekpeme mmɔ enim enɔ usen eke Abasi edikpede ikpe ye mmɔ emi mibakke Enye, edinyuŋ osobo mmɔ.

2 PETER 2:9

Ɔbɔŋ ɔmɔfiɔk ndinyaŋa mmɔ emi eteŋede Enye nsio ke idomo, ndinyuŋ mmum mme idiɔk owo nnim ke itie ufen, tutu osim usen ikpe;

2 PETER 2:6

edieke Enye onyuŋ ɔfɔpde mme obio Sodom ye Gomorrah ekabare ntɔŋ, ke ini Enye adade nsobo obiom mmɔ ikpe onyuŋ anamde mmɔ edi uwut-ŋkpɔ ɔnɔ mmɔ eke midibakke Abasi;

ŊWED MBON ROME 2:16

ke usen eke Abasi edibierede ndibe ŋkpɔ owo ke ubɔk Jesus Christ, nte gospel mi owutde.

ŊWED MBON ROME 2:5

edi ke nsɔŋesit fo ye unana erikabare-esit fo, ɔkɔ iyaresit onim ɔnɔ idem fo ke usen iyaresit ye eriyarare edinen ubiere-ikpe Abasi;

LUKE 9:5

Edi mbio-obio ekededi eke minyimeke ndidara mbufo, nte ewɔŋɔde ke obio oro, ekeŋ ntan ke ikpat mbufo efep, nte ŋkpɔ-ntiense ubiom-ikpe mmɔ.

MATTHEW 12:36

Mmonyuŋ ndɔhɔ mbufo nte, Ke usen ikpe mme owo eyenɔ mbuk ebaŋa kpukpru ikpikpu ikɔ eke mmɔ etiŋde.

MARK 6:10

Enye onyuŋ ɔdɔhɔ mmɔ ete, Ke ebiet ekededi eke mbufo edukde ke ufɔk, etie do tutu mbufo enyɔŋɔ ke ebiet oro.