MARK 5:34 - Edisana ñwed Abasi Ibom

³⁴ Edi Jesus ɔdɔhɔ enye ete, Eyen-aŋwan, mbuɔtidem fo akanam fi okop nsɔŋidem; nyɔŋ ke oduk ke emem, nyuŋ bɔhɔ idiɔk udɔŋɔ fo.

MARK 5:34 Referans Kwoze

LUKE 8:48

Edi Jesus ɔdɔhɔ enye ete, Eyen-aŋwan, mbuɔtidem fo akanam fi okop nsɔŋidem; nyɔŋ koduk ke emem.

MATTHEW 9:22

Edi Jesus ɔwɔŋɔre idem okut ŋwan oro, onyuŋ ɔdɔhɔ enye ete, Eyen Mi, sɔŋ esit: mbuɔtidem fo amanam fi okop nsɔŋidem. Ndien idem ɔsɔŋ ŋwan oro tɔŋɔ ini oro.

LUKE 18:42

Jesus ete enye, Kut usuŋ; mbuɔtidem fo ama anyaŋa fi.

LUKE 7:50

Edi Jesus ɔdɔhɔ ŋwan oro ete, Mbuɔtidem fo ama anyaŋa fi; nyɔŋ, koduk ke emem.

MARK 5:29

Ndien idaha oro eriwɔrɔ iyip ekpehe enye; enye onyuŋ okop ke idem esie ete ema enam udɔŋɔ okure imɔ.

UTOM MME APOSTLE 14:9

Enye okop nte Paul etiŋde ikɔ: ndien Paul owuk enyin ese enye, okut ete enye enyene mbuɔtidem nte ekemde ndinam idem ɔsɔŋ enye,

LUKE 17:19

Ndien Enye ɔdɔhɔ owo oro ete, Daha, nyɔŋ okuo: mbuɔtidem ama anam idem ɔsɔŋ fi.

MARK 10:52

Jesus ete enye, Ka okuo; mbuɔtidem fo ama anyaŋa fi. Ndien ndo-ndo oro enye okut usuŋ, onyuŋ etiene Enye ke usuŋ.

MATTHEW 9:2

Ndien sese mmɔ eda owo ɔdɔŋɔ-akpa-ubeŋ, emi ebiomde ke mbri, esɔk Enye: ndien ke ini Jesus okutde mbuɔtidem mmɔ, Enye ɔdɔhɔ ɔdɔŋɔ-akpa-ubeŋ oro ete, Eyen Mi, sɔŋ esit; emefen mme idiɔk-nkpɔ fo.

2 NDIDEM 5:19

Ndien enye (Elisha) ɔdɔhɔ enye, ete, Ka ke ifure. Ntem ke enye ɔnyɔŋ ɔkpɔŋ enye esisit.

1 SAMUEL 1:17

Ndien Eli ɔbɔrɔ ete, Nyɔŋ ke ifure: ndien Abasi Israel osuk ɔnɔ fi ebeŋe emi afo ekebeŋede enye.

1 SAMUEL 20:42

Ndien Jonathan ɔdɔhɔ David, ete, Ka ke ifure, koro nnyin owo mbiba ike ŋwɔŋɔde, itomo enyiŋ Jehovah, ite Jehovah osuk odu ke ufɔt mi ye afo, ye ke ufɔt ubon fo ye ubon mi ke nsinsi. Ndien enye (David) adaha: Jonathan onyuŋ ɔnyɔŋ ke obio ŋko.

ECCLESIASTES 9:7

Ka kadia udia fo ke idaresit, nyuŋ ŋwɔŋ wine fo ke inemesit: koro utom fo ama enem Abasi esit ama.

MARK 3:10

koro Enye ama akanam udɔŋɔ okure ediwak owo, tutu kpukpru mmɔ emi enyenede udɔŋɔ ebere Enye man etuk Enye.

MARK 5:33

Edi ŋwan oro, sia ɔfiɔkde se ikotibede inɔ enye, edi ke ndik ye nnyek-idem ediduɔ Enye ke iso, onyuŋ etiŋ ofuri akpanikɔ ɔnɔ Enye.

UTOM MME APOSTLE 15:33

Edi ke mmɔ ema ekebigi do esisit, nditɔ-ete eyak mmɔ enyɔŋɔ ke emem editiene mmɔ emi ekedɔŋde mmɔ utom.

UTOM MME APOSTLE 16:36

Ekpeme-ufɔk-ŋkpɔkɔbi emen ikɔ oro etiŋ ɔnɔ Paul ete, Mme ebierikpe ema enɔ uyo ete eyak mbufo enyɔŋɔ; ewɔrɔ edi ndien enyɔŋɔ ke ifure.

JAMES 2:16

Saŋa suŋ-ŋ; akpakam afo okut edisine-ŋkpɔ ye udia: edi mbufo inɔŋɔ mmɔ se inanade mmɔ ke obukidem, oro ɔfɔn nso?

LEVITICUS 14:48

Ekem oku ama oduk edise, ndien, sese, edieke udɔŋɔ oro mitarake ke ufɔk, ke ema eketop ufɔk ema: ndien yak oku onim ufɔk oro ke edisana: koro udɔŋɔ omokure: